Ўзбекистон Республикаси Президентининг 2019 йил 17 январда қабул қилинган ПФ-5635-сонли Фармони билан тасдиқланган 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга доир давлат дастурининг 1 ва 4-бандларини бажариш мақсадида Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Олий Мажлиси Қонунчилик палатасининг 2005 йил 28 июлда қабул қилинган 102-I-сонли Қарори билан қабул қилинган Ўзбекистон Республикаси Олий Мажлиси Қонунчилик палатасининг Регламентига (Ўзбекистон Республикаси Олий Мажлиси Қонунчилик палатасининг 2016 йил 29 январда қабул қилинган 368-III-сонли Қарори таҳририда) (Ўзбекистон Республикаси Олий Мажлиси палаталарининг Ахборотномаси, 2016 йил, № 1, 15-модда; 2017 йил, № 10, 631-модда; 2019 йил, № 1, 18-модда) қуйидаги ўзгартишлар киритилсин:

1) 40-модданинг биринчи қисмидаги «қонунчилик ва суд-ҳуқуқ масалалари» деган сўзлар «коррупцияга қарши курашиш ва суд-ҳуқуқ масалалари» деган сўзлар билан алмаштирилсин;

2) 65-модда саккизинчи қисмининг иккинчи жумласи қуйидаги таҳрирда баён этилсин:

«Депутатларнинг сайловчилар билан сайлов округларидаги ишлари учун, қоида тариқасида, Қонунчилик палатасининг сессиялари даврида ҳар ойнинг охирги ҳафтаси ажратилади»;

3) 244-модда иккинчи қисмининг иккинчи жумласи қуйидаги таҳрирда баён этилсин:

«Депутатларнинг сайловчилар билан сайлов округларидаги ишлари учун, қоида тариқасида, Қонунчилик палатасининг сессиялари даврида ҳар ойнинг охирги ҳафтаси ажратилади».

2. Ушбу Қарор эълон қилинган кундан эътиборан кучга киради.