Ўзбекистон Республикаси Президентининг «Жаҳон банки ва халқаро молия корпорациясининг «Бизнес юритиш» йиллик ҳисоботида Ўзбекистон Республикасининг рейтингини янада яхшилаш чора-тадбирлари тўғрисида» 2018 йил 13 июлдаги ПҚ-3852-сон қарорига мувофиқ, шунингдек, истеъмолчиларнинг янгидан ишга туширилаётган ва реконструкция қилинган электр қурилмалари лойиҳаларини келишиш ва ишга туширишга рухсатнома бериш тартибини такомиллаштириш ва аниқлаштириш мақсадида Вазирлар Маҳкамаси қарор қилади:

1. Ўзбекистон Республикаси Хукуматининг айрим қарорларига иловага мувофиқ ўзгартиришлар ва қўшимчалар киритилсин.

2. Вазирликлар ва идоралар ўзлари қабул қилган норматив-ҳуқуқий ҳужжатларни бир ой маддатда ушбу қарорга мувофиқлаштирсинлар.

3. Ушбу қарор расмий эълон қилинган кундан бошлаб уч ой ўтгандан кейин кучга киради.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.С. Султанов ва «Ўздавэнергоназорат» инспекцияси бошлиғи Д.И. Исақулов зиммасига юклансин.

1. Вазирлар Маҳкамасининг «Тадбиркорлик фаолияти соҳасидаги рухсат бериш тартиб-таомиллари тўғрисида» Ўзбекистон Республикаси Қонунини амалга ошириш чора-тадбирлари ҳақида» 2013 йил 15 августдаги 225-сон қарорига (Ўзбекистон Республикаси ҚТ, 2013 й., 8-сон, 55-модда) 1-илова 75-позициясининг «Рухсат бериш (тартиб-таомиллар) характеридаги ҳужжатнинг номи» устунидаги «10» рақами «20» рақами билан алмаштирилсин.

2. Вазирлар Маҳкамасининг «Муҳандислик-коммуникация тармоқларига уланиш бўйича давлат хизматлари кўрсатишнинг маъмурий регламентларини тасдиқлаш тўғрисида» 2018 йил 31 мартдаги 256-сон қарорига (Ўзбекистон Республикаси ҚТ, 2018 й., 3-сон, 73-модда) 1-иловада:

а) 2-банднинг иккинчи хатбоши ўз кучини йўқотган деб ҳисоблансин;

б) 5-банднинг олтинчи хатбошидаги «келишади» сўзи «кўриб чиқади» сўзи билан алмаштирилсин;

в) 23-банднинг тўртинчи хатбоши қуйидаги таҳрирда баён қилинсин:

«Сўровнома автоматик равишда электр таъминоти лойиҳасини кўриб чиқиш учун ҲЭТКга ва келишиш учун «Ўздавэнергоназорат» ДИга юборилади»;

г) 24-банддаги «электр таъминоти лойиҳасини ҲЭТК билан келишиш талаб этилмайди» сўзлари «эса уни ХЭТК кўриб чиқиши талаб этилмайди» сўзлар билан алмаштирилсин;

д) 25-банд қуйидаги таҳрирда баён қилинсин:

«25. ҲЭТК сўровнома тушганидан сўнг икки иш куни мобайнида электр таъминоти лойиҳасини кўриб чиқади ва ЭРИ билан тасдиқланган кўриб чиқиш натижаларини «Ўздавэнергоназорат» ДИга юборади.

Электр таъминоти лойиҳасини келишишда «Ўздавэнергоназорат» ДИ электр таъминоти лойиҳасини кўриб чиқиш натижалари бўйича ҲЭТК тайёрлаган таклифларни ҳисобга олади.

«Ўздавэнергоназорат» ДИ сўровнома тушган кундан бошлаб қуйида келтирилган муддатлардан ошмаган муддатларда электр таъминоти лойиҳасини келишади ёки уни келишишни рад этади:

бир иш кунида — кучланиши 1000 В (1 кВ) гача бўлган электр қурилмалари учун;

беш иш кунида — кучланиши 6 — 10 кВ бўлган электр қурилмалари учун;

етти иш кунида — кучланиши 35 кВ ва ундан юқори электр қурилмалари учун.

Электр таъминоти лойиҳасини келишиш «Ўздавэнергоназорат» ДИнинг ЭРИси билан тасдиқланади»;

е) 26-банднинг тўртинчи хатбошидан «ҲЭТК ва» сўзлари чиқариб ташлансин;

ж) 27-банддан «ҲЭТК ва» сўзлари чиқариб ташлансин;

з) қуйидаги мазмундаги 27¹-банд қўшилсин:

«27¹. Агар сўровнома тушган кундан бошлаб ушбу Регламентнинг 25-бандида кўрсатилган муддат ўтгандан сўнг «Ўздавэнергоназорат» ДИ электр таъминоти лойиҳаси келишилганлиги тўғрисида хулоса бермаса, у ҳолда электр таъминоти лойиҳаси келишилган деб ҳисобланади»;

и) қуйидаги мазмундаги 31¹-банд қўшилсин:

«31¹. «Ўздавэнергоназорат» ДИ тақдим этилган ҳужжатларни уларнинг: ҲЭТК томонидан берилган электр тармоқларига уланишнинг техник шартларига; техник жиҳатдан тартибга солиш соҳасидаги норматив ҳужжатлар талабларига мувофиқлиги, шунингдек, электр қурилмаларида созлаш ва синаш ишлари ўтказилганлиги тўлиқлиги, баённомалар расмийлаштирилишининг тўғрилиги, эксплуатация қилиш ва ташкилий-бошқарув ҳужжатлари мавжудлиги, ходимларнинг малакаси мавжудлиги ва етарлилиги ва уларнинг электр қурилмасини эксплуатация қилишга тайёрлиги, мувофиқлик сертификатлари мавжудлиги юзасидан кўриб чиқади».

к) 32-банд қуйидаги таҳрирда баён қилинсин:

«32. «Ўздавэнергоназорат» ДИ жойларга чиқиб бажарилган қурилиш-монтаж ва созлаш-ишга тушириш ишлари электр қурилмаларининг тузилиши қоидаларига, техник жиҳатдан тартибга солиш соҳасидаги бошқа норматив ҳужжатларга мувофиқлиги, шунингдек, келишилган лойиҳа, ижро ва техник қабул қилиш-топшириш ҳужжатлари мавжудлиги юзасидан электр энергияси истеъмолчиларининг электр қурилмаларини техник кўрикдан ўтказади»;

л) 33-банд қуйидаги таҳрирда баён қилинсин:

«33. «Ўздавэнергоназорат» ДИ сўровнома тушган кундан бошлаб қуйидаги муддатларда электр қурилмаларини ишга туширишга рухсатнома беради ёки рухсатнома беришни рад этади:

уч иш кунида — кучланиши 1000 В (1 кВ)гача бўлган электр қурилмалари учун;

беш иш кунида — кучланиши 6 — 10 кВли электр қурилмалари учун;

етти иш кунида — кучланиши 35 кВ ва ундан юқори электр қурилмалари учун.

Электр қурилмаларини ишга туширишга рухсатнома «Ўздавэнергоназорат» ДИ томонидан тасдиқланадиган, Ўзбекистон Республикаси Адлия вазирлиги билан келишилган шакл бўйича электрон шаклда расмийлаштирилади ва «Ўздавэнергоназорат» ДИнинг ЭРИ билан тасдиқланади»;

м) 34-банд қуйидаги таҳрирда баён қилинсин:

«34. Зарур хужжатларни тўлиқ ҳажмда тақдим этмаслик, тақдим этилган ҳужжатларда ишончсиз ёки нотўғри маълумотлар мавжудлиги, электр энергияси истеъмолчиларининг электр қурилмаларини техник кўрикдан ўтказиш якунлари бўйича истеъмолчиларнинг электр қурилмаларини монтаж қилишда камчиликлар, электроэнергетика соҳасидаги амалдаги техник норматив ҳужжатларнинг талабларидан четга чиқишлар аниқланганлиги, шунингдек, электр қурилмаларига хизмат кўрсатиш учун тайёрланган ходимларнинг мавжуд эмаслиги каби камчиликлар рухсатномани беришни рад этишга асос бўлади.

Бошқа асосларга, шу жумладан, мақсадга мувофиқ эмаслиги сабабли рухсат этиш тусидаги ҳужжатни беришни рад этишга йўл қўйилмайди.

Рухсат этиш тусидаги ҳужжатни беришни рад этиш тўғрисидаги билдиришнома сўроқнома тўлдирилган ҳолда қурилиш-монтаж ва ишга тушириш-созлаш ташкилотларига ЯИДХП орқали юборилади, бунда рад этиш сабаблари кўрсатилади, қонун ҳужжатларининг аниқ нормалари ва тегишли ташкилотлар кўрсатилган сабабларни бартараф этиб, қайта кўриб чиқиш учун ҳужжатларни топшириши мумкин бўлган муддат кўрсатилади. Қурилиш-монтаж ва ишга тушириш-созлаш ташкилотлари рад этиш сабабларини бартараф этиши ва қайта кўриб чиқиш учун хужжатларни топшириши хуқуқига эга бўлган муддат рухсат этиш тусидаги ҳужжатни беришни рад этиш тўғрисида билдиришнома олинган кундан бошлаб ўн иш кунидан кам бўлмаслиги керак.

Қурилиш-монтаж ва ишга тушириш-созлаш ташкилотлари томонидан рад этишга асос бўлган сабаблар бартараф этилган тақдирда, электр қурилмаларини ишга туширишга рухсатнома сўровнома қайтадан тушган кундан бошлаб икки иш кунидан ортиқ бўлмаган муддатда берилади.

Рухсатнома бериш масаласи такроран кўриб чиқилганда «Ўздавэнергоназорат» ДИ томонидан илгари рад этиш сабабларида келтирилмаган янги сабаблар кўрсатилишига йўл қўйилмайди, илгари кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабаблари бундан истисно;

н) Юридик ва жисмоний шахсларни электр тармоқларига улаш бўйича давлат хизматлари кўрсатиш маъмурий регламентига 1-иловада:

III бўлим «Истеъмолчиларни қуввати 20 кВтдан юқори электр тармоқларига улаш»нинг 4 ва 5-босқичлари қуйидаги таҳрирда баён қилинсин:

«

IV-бўлим «Қуввати 20 кВтдан юқори бўлган электр энергияси истеъмолчиларининг электр қурилмаларини ишга туширишга рухсат бериш»нинг 3-босқичи қуйидаги тахрирда баён қилинсин:

«