Ёқилғи-энергетика комплексини бошқариш тузилмасини янада такомиллаштириш, комплекс таркибига кирувчи вазирликлар ва идораларнинг нефть-газ, энергетика ва геология-разведка тармоқларини барқарор ва мутаносиб ривожлантиришни таъминлашга доир фаолиятини мувофиқлаштиришни кучайтириш, мамлакатнинг энергетика мустақиллигини таъминловчи ёқилғи-энергетика базасини мустаҳкамлаш ва ривожлантириш дастурларини шакллантириш ва амалга ошириш, уларни амалга ошириш учун чет эл инвестицияларини кенг жалб этиш мақсадида Вазирлар Маҳкамаси қарор қилади:

1. Ўзбекистон Республикаси Вазирлар Маҳкамаси аппарати тузилмасида Ўзбекистон Республикаси Вазирлар Маҳкамасининг Ёқилғи-энергетика комплекси котибияти негизида Ёқилғи-энергетика комплексини ривожлантириш департаменти ташкил этилсин.

2. Қуйидагилар Ёқилғи-энергетика комплексини ривожлантириш департаментининг асосий вазифалари этиб белгилансин:

мамлакат ёқилғи-энергетика комплексини ривожлантириш ҳамда геология-разведка ишлари олиб бориш соҳасида ягона давлат сиёсатини шакллантириш ва амалга ошириш юзасидан таклифлар тайёрлаш;

Ўзбекистон Республикаси Иқтисодиёт вазирлиги ҳамда бошқа манфаатдор вазирликлар ва идоралар билан биргаликда нефть-газ ва энергетика тармоқларини ривожлантиришнинг қисқа муддатли ва узоқ муддатли прогнозлари ва дастурлари, ёқилғи-энергетика ва минерал-хом ашё ресурслари ишлаб чиқариш ва истеъмол қилиш баланслари ишлаб чиқилишини ташкил этиш;

иқтисодиёт тармоқларини ва республика аҳолисини ёқилғи-энергетика ресурслари билан барқарор таъминлаш, электр энергетикани, нефть-газ ва кўмир саноати корхоналарини замонавий асбоб-ускуналар ва илғор технологиялар негизида замонавийлаштириш ва техника билан қайта жиҳозлаш ишларини мувофиқлаштириш;

Устюрт минтақасида ва республиканинг бошқа истиқболли нефть-газли вилоятларида қидирув ва разведка ишларини жадал суръатда амалга оширишни таъминлаш ишларини мувофиқлаштириш, ушбу мақсадлар учун чет эл инвестицияларини кенг жалб этиш;

нефть ва газ қидирувга оид геология-разведка ишлари, нефть ва газ конденсати, табиий газ ва кўмир қазиб олиш ва қайта ишлаш, энергетика ва геологияни ривожлантириш соҳасида алоҳида йирик ва стратегик жиҳатдан муҳим инвестиция лойиҳаларининг техника-иқтисодий асосланишини ва маблағ билан таъминлаш схемаларини кўриб чиқиш, шунингдек уларни амалга ошириш мониторингини ташкил этиш;

етакчи хорижий компаниялар ва фирмалар билан ҳамкорликни кенгайтириш чора-тадбирлари комплексини ташкил этиш, республика ёқилғи-энергетика ва геология-разведка тармоғига чет эл инвестицияларини кенг жалб этиш учун норматив-ҳуқуқий базани такомиллаштириш юзасидан таклифлар ишлаб чиқиш;

энергия манбалари жаҳон бозори мониторинги асосида ёқилғи-энергетика комплекси тармоқларининг экспорт салоҳиятини ривожлантиришга доир аниқ чора-тадбирларни ишлаб чиқиш ва амалга ошириш;

фойдали қазилма бойликлар конлари ва техноген ҳосилалар Давлат кадастрини юритиш ишларини мувофиқлаштириш;

Ёқилғи-энергетика ресурсларини тежаш комиссиясининг самарали ишлашини таъминлаш, комиссия томонидан қабул қилинган қарорлар бажарилишини мувофиқлаштириш ва назорат қилиш;

ёқилғи-энергетика ресурсларидан оқилона фойдаланиш масалалари бўйича давлат бошқаруви органлари, корхоналар, муассасалар ва ташкилотларнинг фаолиятини мувофиқлаштириш, самарали, энергияни тежовчи технологияларни жорий этишга доир лойиҳалар ва чора-тадбирларни амалга ошириш.

4. Ёқилғи-энергетика комплексини ривожлантириш департаменти:

Ўзбекистон Республикаси Президенти фармонлари ва фармойишлари, Вазирлар Маҳкамасининг қарорлари ва фармойишлари, Ҳукуматнинг бошқа қарорлари мажбурий юбориладиган ташкилотлар рўйхатига;

Иқтисодиёт вазирлиги, Давлат божхона қўмитаси, Молия вазирлиги, Марказий банк ва Ўзбекистон Республикасининг бошқа идоралари статистика ахбороти бюллетенлари мажбурий юбориладиган реестрга киритилсин.

5. Ўзбекистон Республикаси Вазирлар Маҳкамасининг 2000 йил 13 июндаги 227-сон қарорига 1-илова ўз кучини йўқотган деб ҳисоблансин.

1. Ёқилғи-энергетика комплексини ривожлантириш департаменти (кейинги ўринларда «Департамент» деб аталади) Ўзбекистон Республикаси Вазирлар Маҳкамаси аппаратининг таркибий бўлинмаси ҳисобланади.

2. Департаментнинг фаолияти ёқилғи-энергетика комплекси таркибига кирувчи вазирликлар ва идораларнинг нефть-газ, энергетика ва геология-разведка тармоқларини барқарор ва мутаносиб ривожлантиришни таъминлашга доир фаолиятини мувофиқлаштиришни кучайтиришга; ушбу мақсадларда мамлакатнинг энергетика мустақиллигини таъминловчи ёқилғи-энергетика базасини мустаҳкамлаш ва ривожлантириш дастурларини шакллантириш ва амалга оширишни ташкил этишга; ёқилғи-энергетика комплексини ривожлантиришга чет эл инвестициялари кенг жалб этилишини таъминлашга, шунингдек Давлат кадастрларининг ягона тизимини юритиш ишларини мувофиқлаштиришга йўналтирилган.

3. Департамент ўз фаолиятида Ўзбекистон Республикаси қонунларига, Ўзбекистон Республикаси Олий Мажлисининг қарорларига, Ўзбекистон Республикаси Президентининг фармонлари ва фармойишларига, Вазирлар Маҳкамасининг қарорлари ва фармойишларига, халқаро шартномаларга ҳамда мазкур Низомга амал қилади.

4. Департамент ўз фаолиятини Ўзбекистон Республикаси Бош вазирининг ўринбосари Ёқилғи-энергетика комплекси раҳбари бошчилигида амалга оширади ва бевосита унга ҳисоб беради, ижро интизомини мустаҳкамлаш масалалари бўйича эса Вазирлар Маҳкамаси Аппарати Раҳбарига ҳисоб беради.

5. Департамент таркибида қуйидаги гуруҳлар тузилади:

а) ёқилғи-энергетика балансларини ишлаб чиқиш гуруҳи;

б) қуйидаги дастурларни:

геология-қидирув ишлари соҳасида дастурлар ишлаб чиқиш ва амалга ошириш гуруҳи;

нефть-газ тармоғида дастурлар ишлаб чиқиш ва амалга ошириш гуруҳи;

энергетика ва кўмир саноати соҳасида дастурлар ишлаб чиқиш ва амалга ошириш гуруҳи;

в) энергия ресурсларини тежаш масалалари гуруҳи.

6. Департамент ишига мақомига кўра Ўзбекистон Республикаси вазирининг биринчи ўринбосарига тенглаштирилган Департамент бошлиғи раҳбарлик қилади.

7. Департамент бошлиғи лавозимга Ўзбекистон Республикаси Вазирлар Маҳкамасининг қарори билан тайинланади ва озод қилинади.

8. Департамент ўзбек тилида ёзилган ва Ўзбекистон Республикаси Давлат герби тавсири туширилган ўз бланкига эгадир.

9. Қуйидагилар Департаментнинг асосий вазифалари ҳисобланади:

мамлакат ёқилғи-энергетика комплексини ривожлантириш ҳамда геология-разведка ишлари олиб бориш соҳасида ягона давлат сиёсатини шакллантириш ва амалга ошириш юзасидан таклифлар тайёрлаш;

Ўзбекистон Республикаси Иқтисодиёт вазирлиги ҳамда бошқа манфаатдор вазирликлар ва идоралар билан биргаликда нефть-газ ва энергетика тармоқларини ривожлантиришнинг қисқа муддатли ва узоқ муддатли прогнозлари ва дастурлари, ёқилғи-энергетика ва минерал-хом ашё ресурслари ишлаб чиқариш ва истеъмол қилиш баланслари ишлаб чиқилишини ташкил этиш;

иқтисодиёт тармоқларини ва республика аҳолисини ёқилғи-энергетика ресурслари билан барқарор таъминлаш, электр энергетикани, нефть-газ ва кўмир саноати корхоналарини замонавий асбоб-ускуналар ва илғор технологиялар негизида замонавийлаштириш ва техника билан қайта жиҳозлаш ишларини мувофиқлаштириш;

Устюрт минтақасида ва республиканинг бошқа истиқболли нефть-газли вилоятларида қидирув ва разведка ишларини жадал суръатда амалга оширишни таъминлаш ишларини мувофиқлаштириш, ушбу мақсадлар учун чет эл инвестицияларини кенг жалб этиш;

нефть ва газ қидирувга оид геология-разведка ишлари, нефть ва газ конденсати, табиий газ ва кўмир қазиб олиш ва қайта ишлаш, энергетика ва геологияни ривожлантириш соҳасида алоҳида йирик ва стратегик жиҳатдан муҳим инвестиция лойиҳаларининг техника-иқтисодий асосланишини ва маблағ билан таъминлаш схемаларини кўриб чиқиш, шунингдек уларни амалга ошириш мониторингини ташкил этиш;

етакчи хорижий компаниялар ва фирмалар билан ҳамкорликни кенгайтириш чора-тадбирлари комплексини ташкил этиш, республика ёқилғи-энергетика ва геология-разведка тармоғига чет эл инвестицияларини кенг жалб этиш учун норматив-ҳуқуқий базани такомиллаштириш юзасидан таклифлар ишлаб чиқиш;

монополиядан чиқариш жараёнларини чуқурлаштириш, ёқилғи-энергетика тармоғида рақобат учун шарт-шароитлар яратиш юзасидан таклифлар ишлаб чиқиш;

энергия манбалари жаҳон бозори мониторинги асосида ёқилғи-энергетика комплекси тармоқларининг экспорт салоҳиятини ривожлантиришга доир аниқ чора-тадбирларни ишлаб чиқиш ва амалга ошириш;

геология-разведка ишларининг, ер ости бойликлари ва минерал ресурсларни геологик ўрганишнинг стратегик йўналишларини белгилашга доир ишланмаларни мувофиқлаштириш;

фойдали қазилма бойликлар конлари ва техноген ҳосилалар Давлат кадастрини юритиш ишларини мувофиқлаштириш;

Бош вазир ўринбосарининг кўриб чиқиши учун Вазирлар Маҳкамасига киритилаётган таклифлар эксперт ишлаб чиқилишини, Вазирлар Маҳкамасининг Раиси, Ўзбекистон Республикасининг Бош вазири, Бош вазир ўринбосарининг топшириғи бўйича Ҳукумат қарорлари лойиҳаси тайёрланишини ташкил этиш;

Ёқилғи-энергетика ресурсларини тежаш комиссиясининг самарали ишлашини таъминлаш, комиссия томонидан қабул қилинган қарорлар бажарилишини мувофиқлаштириш ва назорат қилиш;

ёқилғи-энергетика ресурсларини ишлаб чиқариш ва истеъмол қилишда улардан оқилона фойдаланиш масалалари бўйича давлат бошқаруви органлари, корхоналар, муассасалар ва ташкилотларнинг фаолиятини мувофиқлаштириш, самарали, энергияни тежовчи технологияларни жорий этишга доир лойиҳалар ва чора-тадбирларни амалга ошириш.

10. Департамент ўз зиммасига юкланган вазифаларга мувофиқ қуйидаги функцияларни бажаради:

Ўзбекистон Республикаси Иқтисодиёт вазирлиги билан биргаликда Ёқилғи-энергетика тармоқларини ривожлантиришнинг ўртача муддатли ва узоқ муддатли дастурларини, ёқилғи-энергетика ресурслари ишлаб чиқариш ва истеъмол қилиш балансларини ишлаб чиқиш, улар бўйича Вазирлар Маҳкамасининг тегишли қарорларини тайёрлаш;

ёқилғи-энергетика комплекси тармоқларини ривожлантириш стратегияси бўйича таҳлилий материаллар ва таклифлар тайёрлаш;

республика ёқилғи-энергетика комплексини ривожлантириш бўйича алоҳида инвестиция лойиҳалари юзасидан Ҳукумат қарорлари ишлаб чиқилиши, тайёрланиши жараёнини ва уларнинг бажарилиши назорат қилинишини таъминлаш;

хорижий давлатларнинг сиёсий ва ишбилармон доираларини, халқаро молия-иқтисодиёт институтларини ва чет эл банкларини республика ёқилғи-энергетика тармоғидаги инвестиция муҳитидан ва амалга оширилишида чет эл инвесторлари қатнашиши мумкин бўлган лойиҳалардан кенг хабардор қилиш учун республикада ва чет элда конференциялар ва тақдимотлар ташкил этиш ишларини мувофиқлаштириш;

чет эл инвесторларини геология-разведка ишларига жалб қилиш мақсадида вазирликлар ва идоралар билан биргаликда халқаро тендерлар ўтказиш ишларини ташкил этиш;

янги геоахборот технологиялари ва тизимларини жорий этиш соҳасида истиқболли ривожлантиришни прогнозлаш, устувор давлат илмий-техник дастурларини ишлаб чиқиш ва амалга ошириш ишларини ташкил этиш;

Ўзбекистон Республикасининг табиий-ресурс салоҳиятини тўлиқ ва ишончли тавсифловчи аэрокосмик ва кадастр ахборотидан фойдаланган ҳолда мавзули, географик, табиатни муҳофаза қилиш хариталари, планлар ва атласлар яратиш ишларини мувофиқлаштириш;

вазирликлар ва идоралар томонидан Ўзбекистон Республикаси Президентининг фармонлари ва фармойишлари, Ҳукуматнинг қарорлари, фармойишлари, Вазирлар Маҳкамасининг Департамент юритадиган масалаларга тегишли бўлган топшириқлари ўз вақтида бажарилишини назорат қилиш.

11. Департамент қуйидаги ҳуқуқларга эгадир:

Вазирлар Маҳкамаси комплекслари котибиятлари ва бўлимларидан, вазирликлар, идоралар, корпорациялар, уюшмалар, бирлашмалар, корхоналардан, шунингдек барча даражалардаги давлат бошқаруви органларидан Департамент ваколатига кирувчи масалалар бўйича материалларни сўраб олиш;

нефть-газ, энергетика ва геология-разведка тармоқларини барқарор ва мутаносиб ривожлантириш, республиканинг энергетика мустақиллигини ва минерал-хом ашё базасини янада мустаҳкамлашга қаратилган хорижий инвестициялар жалб қилинган дастурларни тайёрлаш ва амалга ошириш масалалари бўйича вазирликлар ва идораларнинг, барча даражалардаги давлат ва хўжалик бошқаруви органларининг ҳисоботларини эшитиш ва ўз ваколатлари доирасида уларга топшириқлар бериш;

ёқилғи ва энергетика соҳасидаги энг муҳим муаммоларни маслаҳатлашиш, ўрганиш ва ҳал этиш учун мамлакатимиз экспертларини ва хорижий экспертларни жалб қилиш, ушбу соҳада таклифлар тайёрлаш учун вақтинчалик ишчи гуруҳлар тузиш;

халқаро ҳамкорлик масалалари бўйича халқаро конференциялар, конгресслар, симпозиумлар ва кенгашлар ишида, давлатлараро ва ҳукуматлараро ҳамкорлик масалаларига доир музокараларда қатнашиш;

вазирликлар ва идоралар раҳбарлари иштирокида кенгашлар ўтказиш, уларнинг ҳайъатлари ишида, Вазирлар Маҳкамаси мажлисларида, ижроия ҳокимият маҳаллий органлари мажлисларида, вазирликлар, идоралар, корпорациялар, уюшмалар ва корхоналардаги кенгашларда қатнашиш;

Ўзбекистон Республикаси вазирликлари ва идоралари билан, шунингдек ўзаро ҳамкорлик масалалари бўйича халқаро, хорижий, молиявий ва иқтисодий ташкилотлар билан мустақил равишда ёзишмалар олиб бориш;

ўз ваколатлари доирасида Ўзбекистон Республикасининг вазирликлари ва идоралари ахборотидан ва маълумотлар электрон базаларидан фойдаланиш;

12. Департамент қуйидагиларга мажбурдир:

нефть-газ қазиб олиш ва қайта ишлаш саноати тармоқларини, энергетика ва кўмир саноатини ривожлантириш дастурлари лойиҳаларини, улар амалга оширилиши мониторинги ва молиявий ресурслардан, шу жумладан жалб этиладиган хорижий инвестициялардан самарали фойдаланиш натижаларини, шунингдек Вазирлар Маҳкамасининг тегишли қарорлари ва Ўзбекистон Республикаси Президентининг фармонлари бажарилиши тўғрисидаги ҳисоботларни кўриб чиқиш учун Вазирлар Маҳкамасига киритиш;

Ўзбекистон Республикаси Президентининг фармонлари, Вазирлар Маҳкамаси қарорлари ёқилғи-энергетика комплекси вазирликлари ва идоралари томонидан бажарилиши устидан амалий назорат қилиш;

халқаро компаниялар ва фирмаларнинг, хорижий ҳукумат муассасалари молиявий ва иқтисодий ташкилотларининг ёқилғи-энергетика тармоғида ўзаро ҳамкорлик қилиш тўғрисидаги таклифларини ишлаб чиқиш.

Департамент ўзи томонидан қабул қилинадиган қарорлар учун амалдаги қонун ҳужжатлари ва мазкур Низом билан белгиланган ўз ваколатлари доирасида жавоб беради.