Ўзбекистон Республикаси Президенти И. Каримовнинг «Мамлакатимизни модернизация қилиш ва кучли фуқаролик жамияти барпо этиш – устувор мақсадимиздир» мавзуидаги маърузасини тинглаб, Ўзбекистон Республикаси Олий Мажлисининг Қонунчилик палатаси ва Сенати қарор қиладилар:

1. Ўзбекистон Республикаси Президенти И. Каримовнинг маърузасида баён этилган мамлакатни модернизация қилиш ва кучли фуқаролик жамияти барпо этиш бўйича асосий устувор йўналишлар қўллаб-қувватлансин.

2. Ўзбекистон Республикаси Олий Мажлиси Қонунчилик палатаси ва Сенати раҳбариятига Ўзбекистон Республикаси Президенти И. Каримовнинг маърузаси юзасидан палаталарнинг маърузада қўйилган вазифаларни ўз фаолиятлари аниқ йўналишларига мувофиқ амалга оширишга қаратилган алоҳида муфассал қарорини қабул қилиш таклиф этилсин.