Ўзбекистон Республикаси Вазирлар Маҳкамасининг «Балиқчилик тармоғида монополиядан чиқариш ва хусусийлаштиришни чуқурлаштириш чора-тадбирлари тўғрисида» 2003 йил 13 августдаги 350-сон қарорига мувофиқ Вазирлар Маҳкамаси қарор қилади:

1. Ўзбекистон Республикаси Вазирлар Маҳкамасининг «Ўзбекистон Республикасида парранда гўшти етиштиришни янада кўпайтириш чора-тадбирлари тўғрисида» 1999 йил 6 майдаги 220-сон қарори 2-бандининг бешинчи хатбошидаги «Ўзбалиқ» акциядорлик компанияси корхоналарининг» сўзлари «балиқчилик тармоғи балиқчилик ва балиқ овлаш корхоналарининг» сўзлари билан алмаштирилсин.

2. Вазирлар Маҳкамасининг 2000 йил 5 сентябрдаги 343-сон қарори (Ўзбекистон Республикаси ҚТ, 2000 й., 9-сон, 57-модда) билан тасдиқланган Ўзбекистон Республикаси ҳайвонот дунёсининг давлат кадастрини юритиш тартиби тўғрисидаги низом 18-бандининг бешинчи хатбошидаги «Ўзбалиқ» давлат корпорацияси» сўзлари «Ўзбекистон Республикаси қишлоқ ва сув хўжалиги вазирлиги» сўзлари билан алмаштирилсин.

3. Ўзбекистон Республикаси Вазирлар Маҳкамасининг «Қишлоқ хўжалигига агрокимё хизмати кўрсатишни такомиллаштириш чора-тадбирлари тўғрисида» 2001 йил 1 февралдаги 63-сон қарори (Ўзбекистон Республикаси ҚТ, 2001 й., 2-сон, 8-модда) билан тасдиқланган Қишлоқ хўжалиги ишлаб чиқарувчиларига етказиб бериладиган минерал ўғитлар ва ўсимликларни ҳимоя қилишнинг кимёвий воситалари, кимё маҳсулотларига буюртманомаларни шакллантириш, уларни бериш ва улар учун ҳисоб-китоб қилиш тартибининг 20-бандидаги «Ўзбалиқ» корпорацияси» сўзлари чиқариб ташлансин, «ҳамда кичик ва ўрта бизнес субъектларига» сўзлари «балиқчилик ва балиқ овлаш корхоналари ҳамда кичик тадбиркорлик (бизнес) субъектларига» сўзлари билан алмаштирилсин.