LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
1999 йил 16 февралда Тошкент шаҳрида содир этилган, одамларнинг қурбон бўлишига олиб келган, фуқароларга, давлат ва жамоат ташкилотларига моддий ва маънавий зарар етказган террорчилик ҳаракатлари муносабати билан, шунингдек уй-жой ва нотурар жой биноларидан Ўзбекистон Республикасига, тинчлик ва хавфсизликка, фуқароларнинг ҳаёти ва соғлиғига қарши жиноятлар содир этиш учун фойдаланишга йўл қўймаслик ҳамда жиноятчиликка қарши курашни кучайтириш мақсадида Вазирлар Маҳкамаси қарор қилади:
юридик ва жисмоний шахслар, шунингдек биноларнинг эгалари томонидан уй-жой ва нотурар жой бинолари берилган шахслар томонидан давлатга хоинлик қилиш, конституциявий тузумга, Ўзбекистон Республикаси Президентига тажовуз қилиш, қўпорувчилик, терроризм, босқинчилик, талончилик, қасддан одам ўлдириш ҳамда бошқа ўта оғир ва оғир жиноятлар содир этиш ҳоллари аниқланган тақдирда ушбу бинолар тегишли ҳуқуқни муҳофаза қилиш органларининг суриштирув ва тергов органлари қарори бўйича улар ўзгаларга берилмаслиги учун хатланади;
агар айбланувчининг жиноят содир этишдаги айби исботланган бўлса, у ушланган ёки қидирувда бўлса, шунингдек айблов ҳукми қонуний кучга киргандан кейин ушбу уй-жой ва нотурар жой бинолари белгиланган тартибда давлат даромадига мусодара қилинади.
2. Ўзбекистон Республикаси Адлия вазирлиги Ўзбекистон Республикаси Прокуратураси, Ички ишлар вазирлиги, Миллий хавфсизлик хизмати, Олий суди билан биргаликда ўн кун муддатда Ўзбекистон Республикаси қонун ҳужжатларига ўзгартириш ва қўшимчалар ҳақида таклифлар киритсин.