“Alohida muhofaza etiladigan tabiiy hududlar toʻgʻrisida” Oʻzbekiston Respublikasi Qonuni qabul qilinishi munosabati bilan Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq qarorlari oʻz kuchini yoʻqotgan deb hisoblansin.

2. Oʻzbekiston Respublikasi Hukumatining ayrim qarorlariga kiritilayotgan oʻzgartirishlar 2-ilovaga muvofiq tasdiqlansin.

1 . Oʻzbekiston SSR Ministrlar Sovetining 1982-yil 23-fevraldagi 131-son qarori (OʻzSSR QT, 1952 i, 2-son, 7-modda) bilan tasdiqlangan Oʻzbekiston SSR davlat tabiat yodgorliklari toʻgʻrisidagi Nizom.

2 . Oʻzbekiston SSR Ministrlar Sovetining 1988-yil 3-avgustdagi 270-son qarori (OʻzSSR QT, 1988 i, 8-son, 28-modda) bilan tasdiqlangan Oʻzbekiston SSR suv omborlarining suvni muhofaza qilish doiralari (zonalari) toʻgʻrisidagi Nizom

1. Oʻzbekiston SSR Ministrlar Sovetining 1982-yil 26-yanvardagi 51-son qarori (OʻzSSR QT, 1982 i., 1-son, 2-modda) bilan tasdiqlangan Oʻzbekiston SSR Davlat korxonalarining qoʻriqlash zonalari toʻgʻrisidagi Nizomning 5-bandidagi “cheklanmagan ravishda” soʻzlari chiqarib tashlansin.

2. Oʻzbekiston SSR Ministrlar Sovetining 1982-yil 26-yanvardagi 51-son qarori (OʻzSSR QT, 1982-y, 1-son, 2-modda) bilan tasdiqlangan Oʻzbekiston SSRda yovvoyi hayvonlarni qoʻriqlashning sanitar zonalari toʻgʻrisidagi Nizomning:

2-bandidagi “Qoraqalpogʻiston ASSR Ministrlar Sovetining qarori va oblast ijroiya komitetlarining qarorlari bilan, Oʻzbekiston SSR Oʻrmon xoʻjaligi ministrligining ilmiy asoslangan taqdimnomasiga koʻra” soʻzlari Oʻzbekiston Respublikasi Davlat tabiatni muhofaza qilish qoʻmitasi va Oʻzbekiston Respublikasi Davlat oʻrmon qoʻmitasining ilmiy asoslangan taqdimnomalariga koʻra Qoraqalpogʻiston Respublikasi va hokimiyat organlarining qarorlari bilan” soʻzlari bilan almashtirilsin;

3-bandidagi “Oʻzbekiston SSR Oʻrmon xoʻjaligi vazirligi” soʻzlari “Oʻzbekiston Respublikasi Davlat tabiatni muhofaza qilish qoʻmitasi, Oʻzbekiston Respublikasi Davlat oʻrmon qoʻmitasi” soʻzlari bilan almashtirilsin.

3. Oʻzbekiston SSR Ministrlar Sovetining 1990-yil 31-martdagi 155-son qarori (OʻzSSR QT, 1990-y., 3-son, 9-modda) bilan tasdiqlangan Oʻzbekiston SSR Melioratsiya va suv xoʻjaligi vazirligi toʻgʻrisidagi Nizom 7-bandining “b” kichik bandi quyidagi mazmundagi xat boshi bilan toʻldirilsin: “suvni muhofaza qilish doiralari (tegralari) ni joylashtirish masalalarini belgilangan tartibda kelishib oladi”.

4. Vazirlar Mahkamasining 1991-yil 1-apreldagi 79-son qarori bilan tasdiqlangan Baliq va baliq mahsulotlari ishlab chiqarish, qayta ishlash va sotish “Oʻzbaliq” konserni Ustavi 1-bandining toʻrtinchi xatboshi “tabiatni muhofaza qilish organlari bilan birgalikda baliq xoʻjaliklari tegralarining muhofaza qilinishini taʼminlaydi” soʻzlari bilan toʻldirilsin.

5. Oʻzbekiston SSJ Prezidenti huzuridagi Vazirlar Mahkamasining 1991-yil 10-apreldagi 95-son qarori (OʻzSSR QT, 1991 i., 4-son, 10-modda) bilan tasdiqlangan Oʻzbekiston SSJ hududida ov qilish va ovchilik-baliq ovlash xoʻjaligini yuritish toʻgʻrisidagi Nizomning:

28-bandidagi “a” kichik bandi quyidagi tahrirda bayon qilinsin;

“davlat qoʻriqxonalariga va milliy tabiiy bogʻlarga zarar yetkazilgan taqdirda barcha summa (mazkur Nizomning 31-bandida nazarda tutilgan pul mukofotlarini chegirib tashlash bilan) davlat qoʻriqxonalari va milliy tabiiy bogʻlarning hisob-kitob schyotiga”;

29-bandining birinchi xatboshi quyidagi mazmundagi matn bilan toʻldirilsin:

“Agar huquqbuzarlik davlat qoʻriqxonasi va milliy tabiiy bogʻ hududida sodir etilgan taqdirda jarima toʻlashdan tushadigan barcha summa (mazkur Nizomning 31-bandida nazarda tutilgan pul mukofotlarini chegirib tashlash bilan) davlat qoʻriqxonasi va milliy tabiiy bogʻning hisob-kitob schyotiga oʻtkaziladi”;

29-bandining ikkinchi xatboshi quyidagi mazmundagi matn bilan toʻldirilsin:

“Ovlash va baliq ovi qurollarini, shuningdek, qonunga xilof ov mahsulotlarini musodara qilishdan tushadigan barcha summa, agar huquqbuzarlik davlat qoʻriqxonalari va milliy tabiiy bogʻlar hududida sodir etilgan boʻlsa, Davlat qoʻriqxonalari va milliy tabiiy bogʻlarning hisob-kitob schyotlariga oʻtkaziladi”.