Oʻzbekiston Respublikasi Oliy Majlisi qaror qiladi:

Oʻzbekiston Respublikasining quyidagi qonun hujjatlariga oʻzgartishlar va qoʻshimchalar kiritilsin:

I. Oʻzbekiston Respublikasining 1993-yil 3-sentabrda qabul qilingan “Fuqarolarning davlat pensiya taʼminoti toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 9, 338-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 4-5, 126-modda; 1998-yil, № 9, 181-modda; 1999-yil, № 5, 112-modda; 2001-yil, № 5, 89-modda) 27-moddasining uchinchi qismi chiqarib tashlansin.

II. Oʻzbekiston Respublikasining 1994-yil 6-mayda qabul qilingan “Elektron hisoblash mashinalari uchun yaratilgan dasturlar va maʼlumotlar bazalarining huquqiy himoyasi toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1994-yil, № 5, 136-modda):

1) 1-moddasi birinchi qismining:

ikkinchi xatboshisi “elektron hisoblash mashinalari (EHM)” degan soʻzlardan oldin “obyektiv shaklda ifodalangan hamda” degan soʻzlar bilan toʻldirilsin;

uchinchi xatboshisi “muayyan natija olish maqsadida” degan soʻzlardan oldin “obyektiv shaklda ifodalangan hamda” degan soʻzlar bilan toʻldirilsin;

2) 3-moddasi ikkinchi qismining birinchi jumlasi quyidagi tahrirda bayon etilsin:

“Vazifasi va afzalliklaridan qatʼi nazar, obyektiv shaklda ifodalangan, bosib chiqarilgan hamda bosib chiqarilmagan, muallif (hammualliflar) ijodiy faoliyatining natijasi boʻlgan, EHM uchun yaratilgan har qanday dasturlar va maʼlumotlar bazalariga nisbatan mualliflik huquqi tatbiq etiladi”;

3) 9-moddasining:

nomi quyidagi tahrirda bayon etilsin:

“9-modda. EHM uchun yaratilgan dasturlar va maʼlumotlar bazalarini roʻyxatdan oʻtkazish huquqi hamda ularni roʻyxatdan oʻtkazish”;

birinchi qismidagi “Oʻzbekiston Respublikasi Davlat patent idorasi huzuridagi tegishli organga (matnda bundan buyon Agentlik deb yuritiladi)” degan soʻzlar “Oʻzbekiston Respublikasi Davlat patent idorasiga (bundan buyon matnda Patent idorasi deb yuritiladi)” degan soʻzlar bilan almashtirilsin;

ikkinchi — oltinchi qismlaridagi “Agentlik”, “Agentlikning”, “Agentlikda” degan soʻzlar tegishli kelishikdagi “Patent idorasi” degan soʻzlar bilan almashtirilsin;

sakkizinchi qismi quyidagi tahrirda bayon etilsin:

“EHM uchun yaratilgan dasturlar yoki maʼlumotlar bazalarini roʻyxatdan oʻtkazish bilan hamda EHM uchun yaratilgan dasturlar va maʼlumotlar bazalaridan foydalanish huquqini boshqa shaxsga oʻtkazish toʻgʻrisidagi shartnomalarni roʻyxatga olish bilan bogʻliq yuridik ahamiyatli harakatlarni sodir etganlik uchun patent bojlari undiriladi. Patent bojlari ushbu Qonunda nazarda tutilgan vazifalarni amalga oshirish borasidagi xarajatlarini qoplash uchun Patent idorasiga toʻlanadi. Patent bojlarining miqdori va ularni toʻlash tartibi Oʻzbekiston Respublikasi Vazirlar Mahkamasi tomonidan belgilanadi”;

4) 10-moddasining ikkinchi qismidagi “Agentlikka” degan soʻz “Patent idorasiga” degan soʻzlar bilan almashtirilsin;

5) 12-moddasining uchinchi qismi quyidagi tahrirda bayon etilsin:

“EHM uchun yaratilgan dastur nusxasiga haqli ravishda egalik qilayotgan shaxs mazkur dasturning kodlanishi va tuzilishini oʻrganish maqsadlarida uni muallifning yoki oʻzga huquq egasining yozma roziligi boʻlgan taqdirda yoki quyidagi hollarda bunday rozilik boʻlmasa ham dekompilatsiya qilishi mumkin, agar:

dekompilatsiya qilish natijasida olingan hamda mazkur shaxs tomonidan ishlab chiqilgan dasturning EHM uchun yaratilgan boshqa dasturlar bilan oʻzaro hamkor ishlashi uchun zarur axborotni boshqa manbalardan olish mumkin boʻlmasa;

EHM uchun yaratilgan dasturning faqat bunday hamkor ishlashini yoʻlga qoʻyish uchun zarur boʻlgan qismlarining oʻzi dekompilatsiya qilinayotgan boʻlsa;

dekompilatsiya natijasida olingan axborotdan ifodasiga koʻra EHM uchun yaratilgan, dekompilatsiya qilinayotgan dasturga juda oʻxshash boʻlgan EHM dasturi ishlab chiqish, ishlab chiqarish yoki tarqatish uchun foydalanilmasa yoxud bunday axborot mualliflik huquqini buzadigan boshqa har qanday harakatni amalga oshirish uchun ishlatilmasa”;

6) quyidagi mazmundagi 16-modda bilan toʻldirilsin:

Chet ellik yuridik va jismoniy shaxslar ushbu Qonunda nazarda tutilgan huquqlardan Oʻzbekiston Respublikasining yuridik va jismoniy shaxslari bilan teng ravishda yoki oʻzarolik prinsipi asosida foydalanadilar”.

III. Oʻzbekiston Respublikasining 1996-yil 26-aprelda qabul qilingan “Isteʼmolchilarning huquqlarini himoya qilish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-yil, № 5-6, 59-modda):

1) 1-moddasining:

ikkinchi xatboshisidagi “xususiy xoʻjalikda foydalanish maqsadida” degan soʻzlar “boshqa maqsadlarda” degan soʻzlar bilan almashtirilsin;

uchinchi, toʻrtinchi va beshinchi xatboshilaridagi “xususiy tadbirkor” degan soʻzlar “yakka tartibda faoliyat koʻrsatuvchi tadbirkor” degan soʻzlar bilan almashtirilsin;

2) 6-moddasining ikkinchi qismi quyidagi mazmundagi xatboshi bilan toʻldirilsin:

“teatr-konsert tadbirlari oʻtkazilayotganda fonogrammadan foydalanilishi toʻgʻrisidagi axborot”;

3) 9-moddasining matni quyidagi tahrirda bayon etilsin:

“Oldi-sotdi shartnomalarining ayrim turlari toʻgʻrisidagi qoidalar, shuningdek ayrim turdagi tovarlarni (ishlarni, xizmatlarni) realizatsiya qilish qoidalari Oʻzbekiston Respublikasi Hukumati tomonidan tasdiqlanadi”;

4) 23-moddasining uchinchi qismidagi “monopoliyaga qarshi faoliyatni amalga oshirishga vakil qilingan organ” degan soʻzlar “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” degan soʻzlar bilan almashtirilsin;

5) 25-moddasi:

nomi quyidagi tahrirda bayon etilsin:

“Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi hamda uning hududiy organlari vakolatlari”;

birinchi xatboshisidagi “Monopoliyaga qarshi faoliyatni amalga oshiruvchi organ va uning mahalliy organlari” degan soʻzlar “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi hamda uning hududiy organlari” degan soʻzlar bilan almashtirilsin;

6) 27-moddasi:

ikkinchi qismidagi “Monopoliyaga qarshi faoliyatni amalga oshirishga vakolatli organ va uning mahalliy organlari” degan soʻzlar “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi hamda uning hududiy organlari” degan soʻzlar bilan almashtirilsin;

quyidagi mazmundagi beshinchi qism bilan toʻldirilsin:

“Jarima solish ishlab chiqaruvchini (ijrochini, sotuvchini) yoʻl qoʻyilgan qonunbuzarliklarni bartaraf qilish majburiyatidan ozod etmaydi”;

beshinchi, oltinchi va yettinchi qismlari tegishincha oltinchi, yettinchi va sakkizinchi qismlar deb hisoblansin.

IV. Oʻzbekiston Respublikasining 1997-yil 24-aprelda qabul qilingan Qonuni bilan tasdiqlangan Oʻzbekiston Respublikasining Soliq kodeksi (Oʻzbekiston Respublikasi Oliy Majlisining Axborotnomasi, 1997-yil, 4-5-songa ilova, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda; 2001-yil, № 1-2, 23-modda, № 5, 89-modda, № 9-10, 182-modda; 2002-yil, № 1, 20-modda) 31-moddasining birinchi qismi quyidagi mazmundagi 26-band bilan toʻldirilsin:

“26) sugʻurta shartnomalari boʻyicha sugʻurta tovoni (sugʻurta puli) tariqasida olingan mablagʻlar summasi boʻyicha”.