Ўзбекистон Республикасининг «Давлат органининг ёки унинг мансабдор шахсининг қонунга хилоф қарори, ҳаракати ёхуд ҳаракатсизлиги туфайли етказилган зарарнинг ўрнини қоплаш тўғрисида»ги Қонунига мувофиқ буюраман:

1. Ўзбекистон Республикаси молия вазирининг 2018 йил 9 апрелдаги 76-сон буйруғи (рўйхат рақами 3009, 2018 йил 11 май) (Қонун ҳужжатлари маълумотлари миллий базаси, 14.05.2018 й., 10/18/3009/1212-сон) билан тасдиқланган Ўзбекистон Республикаси Давлат бюджети пул маблағларини кассали режалаштириш ва бошқаришни амалга ошириш бўйича ҳужжат шакллари ва уларни тақдим қилиш тартиби тўғрисидаги йўриқноманинг 5-бандида:

а) биринчи хатбоши қуйидаги таҳрирда баён этилсин:

«5. Бюджет ташкилотлари ва бюджет маблағлари олувчиларнинг кутилаётган ойлик харажатлари тўғрисидаги маълумотлар Ғазначилик хизмати бўлинмалари томонидан автоматик равишда қабул қилинганидан сўнг (бундан мазкур Йўриқноманинг 11-банди учинчи хатбошисида назарда тутилган ҳолат мустасно) бюджет ташкилотлари ва бюджет маблағлари олувчиларга харажатларни тўлаш учун рухсатномалар автоматик тарзда берилади.»;

б) иккинчи хатбошидаги «рўйхатига биноан» деган сўзлардан кейин «иқтисодиёт ва» деган сўзлар билан тўлдирилсин.

2. Мазкур буйруқ расмий эълон қилинган кундан эътиборан кучга киради.