Oʻzbekiston Respublikasi Moliya vazirligi va Davlat soliq qoʻmitasi Oʻzbekiston Respublikasining Soliq kodeksiga, shuningdek, “Davlat soliq xizmati toʻgʻrisida”gi Oʻzbekiston Respublikasi Qonunining 7-moddasiga muvofiq quyidagilarni tushuntiradi.

1999-yilning 1-yanvaridan boshlab budjetga toʻlanishi kerak boʻlgan qoʻshilgan qiymat soligʻi soliq solinadigan oborotlar boʻyicha hisoblangan soliq summasi bilan hisobot davri mobaynida haqiqatda kelib tushgan, shu jumladan, nol stavkasi boʻyicha oborotni qoʻshgan holda soliqqa tortiladigan oborot uchun foydalaniladigan import qilingan tovarlar (ishlar, xizmatlar) uchun olingan hisobvaraq-fakturalar boʻyicha toʻlanishi lozim boʻlgan soliq summasi oʻrtasidagi farq sifatida aniqlanadi.

Bunda, 1999-yilning 1-yanvaridagi holati boʻyicha qoldiqlarda hisobga olingan moddiy resurslar (tovarlar, xizmatlar) boʻyicha QQS summasi budjet bilan hisob-kitoblarga kiritiladi va 68-“Budjet bilan hisob-kitoblar” hisobvaragʻining debetida, ushbu moddiy resurslarning ishlab chiqarish yoki muomala xarajatlari yuzasidan hisobdan chiqarishning borishiga qarab, 1999-yilning 1-yanvariga qadar amal qilgan stavkalar boʻyicha “Qoʻshilgan qiymat soligʻi” ilova hisobvaragʻida aks ettiriladi.