LexUZ sharhi
Mazkur qaror O‘zbekiston Respublikasi Vazirlar Mahkamasining 2002-yil 27-noyabrdagi 413-sonli “Sug‘urta xizmatlari bozorini yanada rivojlantirish chora-tadbirlari to‘g‘risida”gi qaroriga muvofiq o‘z kuchini yo‘qotgan.
“Garov to‘g‘risidagi” O‘zbekiston Respublikasi Qonuniga o‘zgartirishlar va qo‘shimchalar kiritish haqida”gi O‘zbekiston Respublikasi Qonunini bajarish yuzasidan Vazirlar Mahkamasi qaror qiladi:
O‘zbekiston Respublikasi Vazirlar Mahkamasining quyidagi qarorlariga o‘zgartirishlar va qo‘shimchalar kiritilsin:
1) Vazirlar Mahkamasining 1994-yil 3-maydagi 233-son qarorining birinchi bandi quyidagi tahrirda bayon qilinsin:
“Garovga qo‘yilgan mulkni majburiy sug‘urta qilish bo‘yicha eng kam sug‘urta tarifi yiliga mulk qiymatining 0,5 foizi miqdorida belgilansin;
qishloq tovar ishlab chiqaruvchilari uchun garovga qo‘yilgan mulkni majburiy sug‘urta qilish bo‘yicha eng kam sug‘urta tarifi yiliga mulk qiymatining 0,25 foizi miqdorida belgilansin”;
2) Vazirlar Mahkamasining “O‘zbekinvest Interneshnl”, “O‘z AIG” qo‘shma sug‘urta kompaniyalarini va “AIG-O‘zbekinvest” agentligini tashkil etish to‘g‘risida” 1994-yil 23-noyabrdagi 565-son qarori 2-bandining to‘rtinchi xatboshi “sug‘urta xizmatlari ko‘rsatish” so‘zlaridan keyin “garovga qo‘yilgan mulkni majburiy sug‘urtalash ham” so‘zlari bilan to‘ldirilsin va so‘ngra matn bo‘yicha;
3) Vazirlar Mahkamasining “Kreditlar qaytarilishi va dehqonchilik mahsulotlarini yetishtirish bo‘yicha ishlarni o‘tkazish uchun avans tariqasida beriladigan mablag‘lar qaytarilishi hamda fyuchers kontraktlar bo‘yicha qishloq xo‘jaligi korxonalarining javobgarligini majburiy sug‘urta qilish bo‘yicha sug‘urta to‘lovlari miqdorlarini tasdiqlash to‘g‘risida” 1997-yil 9-apreldagi 179-son qarorining 2-bandi o‘z kuchini yo‘qotgan deb hisoblansin.