“Bankrotlik to‘g‘risida”gi O‘zbekiston Respublikasi Qonuniga hamda O‘zbekiston Respublikasi Prezidentining “Bank tizimini yanada isloh qilish va erkinlashtirish chora-tadbirlari to‘g‘risida” 2005-yil 15-apreldagi PQ-56-son qaroriga muvofiq Vazirlar Mahkamasi qaror qiladi:

1. Vazirlar Mahkamasining “Amalga oshirilayotgan iqtisodiy nochor korxonalarni tarkibiy o‘zgartirish va moliyaviy sog‘lomlashtirish samaradorligini oshirish chora-tadbirlari to‘g‘risida” 2003-yil 18-apreldagi 188-son qarorida (O‘zbekiston Respublikasi QT, 2003-y., 4-son, 31-modda):

a) 4-band quyidagi mazmundagi uchinchi—yettinchi xatboshi bilan to‘ldirilsin:

“Qarzdor korxona bankrot deb e’lon qilinganda va tugatish ishlari boshlanganda, agar qarzdor kreditori kreditorlar talabnomalari reyestriga kiritilgan, kreditor qarzi bo‘yicha qarzdor kreditor qarzining umumiy summasidan 70 va undan ko‘p foizi talabiga ega tijorat banki hisoblangan taqdirda, ushbu kreditor, garov predmeti hisoblangan mol-mulkdan tashqari, qarzdor korxonasi (mol-mulki)ni o‘z mulkiga o‘tkazish to‘g‘risida sudga ariza bilan murojaat qilish huquqiga egadir.

Bunda, agar kreditorlik qarz bo‘yicha bank talabi “Bankrotlik to‘g‘risida”gi O‘zbekiston Respublikasi Qonunining 131-moddasiga muvofiq aniqlangan korxonani baholash qiymatidan ko‘p yoki teng bo‘lsa, bank tomonidan “Bankrotlik to‘g‘risida”gi O‘zbekiston Respublikasi Qonunining 134-moddasi birinchi qismida ko‘rsatilgan tartibda navbatdan tashqari xarajatlarni qoplash uchun mablag‘lar qarzdorning yagona hisob raqamiga o‘tkazilganda hamda korxona xodimlarining ish haqlari bo‘yicha qarzdorlik qoplanganda korxona bank mulkiga o‘tkaziladi.

Bankning kreditorlik qarz bo‘yicha, shuningdek korxona xodimlariga ish haqi to‘lashdagi qarzlarni hamda “Bankrotlik to‘g‘risida”gi O‘zbekiston Respublikasi Qonunining 134-moddasi birinchi qismida belgilangan navbatdan tashqari xarajatlarni to‘lash bo‘yicha talablari summasi korxonaning baholash qiymatidan kam bo‘lgan taqdirda korxonani bank mulkiga o‘tkazish ko‘rsatilgan tafovut hamda navbatdan tashqari xarajatlarni qoplash va korxona xodimlarining ish haqi bo‘yicha qarzlarni to‘lash uchun mablag‘larni bank tomonidan qarzdorning yagona hisob raqamiga o‘tkazish sharti bilan amalga oshiriladi. Ushbu mablag‘lar tugatish boshqaruvchisi tomonidan, birinchi navbatda — navbatdan tashqari to‘lovlarga va korxona xodimlarining ish haqi bo‘yicha qarzlarni to‘lashga, shuningdek “Bankrotlik to‘g‘risida”gi O‘zbekiston Respublikasi Qonunining 134-moddasida ko‘rsatilgan tartibda yo‘naltiriladi”.

Ushbu bandning to‘rtinchi va beshinchi xatboshida ko‘rsatib o‘tilgan shartlar bank tomonidan bajarilganda, qarzdorning mol-mulki sud boshqaruvchisi tomonidan sud hujjatlari asosida tijorat bankining mulkiga o‘tkaziladi.

Mazkur bandning uchinchi—oltinchi xatboshida ko‘rsatilgan tartib 2005—2007-yillarda amal qiladi”;

b) 1-ilovada:

16-banddagi “bankrotlik tartibotini o‘tkazish uchun xo‘jalik sudi tasdiqlagan shaxs” so‘zlari “sud boshqaruvchisi” so‘zlari bilan almashtirilsin;

20 va 21-bandlardagi “bankrotlik tartibotini o‘tkazish uchun xo‘jalik sudi tasdiqlagan shaxs” so‘zlari “sud boshqaruvchisi” so‘zlari bilan almashtirilsin;

23-banddagi “bankrotlik tartibotini o‘tkazish uchun xo‘jalik sudi tasdiqlagan shaxs” so‘zlari “sud boshqaruvchisi” so‘zlari bilan almashtirilsin;

26-banddagi “bankrotlik tartibotini o‘tkazish uchun xo‘jalik sudi tasdiqlagan shaxs” so‘zlari “sud boshqaruvchisi” so‘zlari bilan hamda “83” raqami “134” raqami bilan almashtirilsin.

2. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari V.A. Golishev zimmasiga yuklansin.