Shaharda va shahar atrofiga qatnaydigan yo‘lovchi tashish transporti xizmatlari xarajatlarining qimmatlashganligi munosabati bilan hamda hokimiyat va boshqaruv mahalliy organlarining aholiga transport xizmati ko‘rsatishning ahvoli uchun javobgarligini oshirish, transport xizmatining barqaror ishlashini ta’minlash va yo‘lovchi tashish transporti xizmatlariga tariflarni asosli shakllantirish maqsadida Vazirlar Mahkamasi qaror qiladi:

1. Qoraqalpog‘iston Respublikasi Vazirlar Kengashiga, viloyat hokimliklariga 1994-yil 1-oktabrdan boshlab shahar yo‘lovchi tashish transporti xizmatlarining cheklangan tariflarini yo‘lovchilar tashishning amalda shakllanayotgan xarajatlarini qoplashni ta’minlashni va aholi manfaatlariga rioya qilishni hisobga olgan holda belgilash huquqi berilsin.

2. 1994-yil 16-sentabrdan boshlab Toshkent shahrida shahar yo‘lovchi tashish transporti (avtobus, tramvay, trolleybus, metro) xizmatlarining cheklangan tariflari bir marta yurishga 30 tiyin miqdorida belgilansin.

3. 1994-yil 1-oktabrdan boshlab shahar atrofidagi yo‘nalishlar bo‘yicha qatnovchi avtobuslar bilan yo‘lovchilarni tashishda shartnomaviy (erkin) tariflarga o‘tilsin.

4. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, “O‘zavtotrans” davlat-aksionerlik korporatsiyasi, “Toshshaharyo‘lovchitrans” davlat uyushmasi, O‘zbekiston Respublikasi Kommunal xizmat ko‘rsatish vazirligi Moliya vazirligi bilan birgalikda bir oy muddatda shahar transporti ishida tartib o‘rnatish, uning bir maromda ishlashini ta’minlash, aholiga xizmat ko‘rsatish madaniyati va darajasini oshirish, shahar transportining mavjud parkini yangilash uchun zarur mablag‘larni qidirib topish bo‘yicha aniq chora-tadbirlarni ishlab chiqsinlar va amalga oshirsinlar.

5. Respublika aholisining ayrim toifalariga ilgari qabul qilingan qarorlarga muvofiq berilayotgan amaldagi imtiyozlar saqlab qolinsin.

7. O‘zbekiston Respublikasi Vazirlar Mahkamasining 1994-yil 29-iyundagi 330-son qarori o‘z kuchini yo‘qotgan deb hisoblansin.