Ўзбекистон Республикаси Президентининг 2025 йил 26 декабрдаги ПФ-258-сон «Ижтимоий ҳимояга муҳтож аҳоли қатламларига давлат ижтимоий қўллаб-қувватлаш чораларини тақдим этиш тизимини тубдан такомиллаштириш чора-тадбирлари тўғрисида»ги Фармонига мувофиқ буюраман:

1. Ўзбекистон Республикаси Истиқболли лойиҳалар миллий агентлиги директорининг 2025 йил 25 июндаги 13-сон буйруғи (рўйхат рақами 3642, 2025 йил 7 июль) (Қонунчилик маълумотлари миллий базаси, 08.07.2025 й., 10/25/3642/0581-сон) билан тасдиқланган Интернет тармоғидаги таваккалчиликка асосланган ўйинлар, лотерея ва букмекерлик гаровларида қатнашиши тақиқланган Ўзбекистон Республикасининг фуқаролари ва чет эл фуқароларининг тоифалари рўйхатининг 2-бандидаги ««Ижтимоий ҳимоя ягона реестри» ахборот тизимида рўйхатдан ўтган шахслар» деган сўзлар «Ижтимоий реестрга киритилган шахслар» деган сўзлар билан алмаштирилсин.

2. Мазкур буйруқ расмий эълон қилинган кундан эътиборан кучга киради.