“O‘zbekiston Respublikasining Davlat mustaqilligi asoslari to‘g‘risida”gi Qonuni hamda O‘zbekiston Respublikasi Oliy Kengashining 1992-yil 14-yanvardagi “O‘zbekiston Respublikasi hududida joylashgan harbiy qismlar va harbiy ta’lim muassasalari to‘g‘risida”gi qaroriga muvofiq respublikaning Qurolli Kuchlarida qonuniylik va huquq-tartibotni ta’minlash maqsadida:

1. O‘zbekiston Respublikasi hududida joylashgan harbiy tribunallar sud tizimining tarkibida ekanligi belgilansin va respublika hududidagi barcha strategik va umumiy maqsadli harbiy qismlar, qo‘shilmalar, birlashmalarda, shuningdek harbiy ta’lim muassasalari va boshqa harbiy tuzilmalarda O‘zbekiston Respublikasi nomidan odil sudlovni amalga oshiradi.

Sobiq Turkiston harbiy okrugi Harbiy tribunali negizida O‘zbekiston Respublikasi Qurolli Kuchlarining harbiy sudi tashkil etilsin.

2. Respublika hududida joylashgan Harbiy prokuratura organlari O‘zbekiston Respublikasi prokuroriga bo‘ysundirilsin va sobiq Turkiston harbiy okrugi Harbiy prokuraturasi negizida O‘zbekiston Respublikasi Qurolli Kuchlari Harbiy prokuraturasi tashkil etilsin.

Ularning zimmasiga respublika hududidagi barcha strategik va umumiy maqsadli harbiy qismlar, qo‘shilmalar, birlashmalarda, shuningdek harbiy ta’lim muassasalari va boshqa harbiy tuzilmalarda prokuror nazoratini amalga oshirish yuklansin.

3. Yangi qonunchilik hujjatlari qabul qilingunga qadar harbiy sudlar va harbiy prokuratura organlari o‘z faoliyatlarida O‘zbekiston Respublikasi qonunchiligiga hamda sobiq SSSR qonunchilik hujjatlarining O‘zbekiston Respublikasi qonunchiligiga zid bo‘lmagan qismiga amal qiladilar.

4. O‘zbekiston Respublikasi Oliy sudiga Oliy sudning Harbiy hay’atini tashkil etish to‘g‘risida O‘zbekiston Respublikasi Oliy Kengashiga takliflar kiritsin.

5. O‘zbekiston Respublikasi prokuraturasiga bir oy muddatda Harbiy prokuratura to‘g‘risidagi nizom loyihasini tayyorlab, Respublika Oliy Kengashiga ko‘rib chiqish uchun kiritsin.

6. O‘zbekiston Respublikasi Mudofaa ishlari bo‘yicha vazirligiga harbiy sudlar va harbiy prokuratura organlarini zaruriy moliyalashtirish, moddiy-texnik ta’minoti nazarda tutilsin shaxsiy tarkibda harbiy xizmatchilarning huquqiy maqomi va barcha turdagi pul va boshqa ta’minotlari saqlanib qolinsin.

Mazkur Farmon imzolangan kundan boshlab kuchga kiradi.