O‘zbekiston Respublikasi Prezidentining “O‘zbekiston Respublikasida giyohvandlik vositalari va psixotrop moddalarning noqonuniy aylanmasiga chek qo‘yish orqali ularning aholi salomatligi va mamlakatimiz genofondiga salbiy ta’sirini bartaraf etish strategik chora-tadbirlari to‘g‘risida” 2024-yil 6-maydagi PF-73-son Farmoni ijrosini ta’minlash hamda giyohvandlik vositalari, psixotrop va kuchli ta’sir qiluvchi moddalarni ekspert-kriminalistik tadqiqotlardan o‘tkazish jarayonlarini jadallashtirish maqsadida Vazirlar Mahkamasi qaror qiladi:

1. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizomga 37-ilovaning 12-pozitsiyasi to‘rtinchi ustunining to‘rtinchi xatboshisi quyidagi tahrirda bayon etilsin:

“Giyohvandlik vositalari, psixotrop moddalar va prekursorlardan ichki ishlar organlari, Davlat xavfsizlik xizmati hamda bojxona organlarining ekspertiza va tezkor-qidiruv faoliyatida, shuningdek, O‘zbekiston Respublikasi Elektron texnologiyalarini rivojlantirish markazi va Adliya vazirligining sud-ekspertiza muassasalari faoliyatida litsenziya olmasdan foydalaniladi”.

2. Ushbu qarorning bajarilishini nazorat qilish O‘zbekiston Respublikasi sog‘liqni saqlash vaziri A.A. Xudayarov zimmasiga yuklansin.