Ўзбекистон Республикаси «Маҳаллий давлат ҳокимияти тўғрисида»ги Қонунининг 16², 24-моддаларига асосан, Ўзбекистон Республикаси Президентининг 2024 йил 4 январдаги «Чиқиндиларни бошқариш тизимини такомиллаштириш ва уларнинг экологик вазиятга салбий таъсирини камайтириш бўйича чора-тадбирлар тўғрисида» ПФ-5-сонли Фармони, вилоят Чиқиндиларни бошқариш ва циркуляр иқтисодиётни ривожлантириш бошқармасининг 2025 йил 4 мартдаги 01/125-сонли хати ва вилоят иқтисодиёт ва молия бош бошқармасининг 2025 йил 5 мартдаги 01-12/20-11-38/496-сонли хати, ҳудудлардаги маиший чиқиндиларни олиб чиқиб кетиш хизматларини такомиллаштириш тўғрисидаги вилоят ҳокимлиги котибият мудири Ш.Хамидовнинг ахбороти ҳамда билдирилган фикр ва мулоҳазаларни инобатга олиб, халқ депутатлари вилоят Кенгаши қарор қилади:

1. Ўзбекистон Республикаси Президентининг 2024 йил 4 январдаги «Чиқиндиларни бошқариш тизимини такомиллаштириш ва уларнинг экологик вазиятга салбий таъсирини камайтириш бўйича чора-тадбирлар тўғрисида» ПФ-5-сонли Фармони маълумот ва ижро учун қабул қилинсин.

2.Вилоятнинг Зарафшон шаҳар ва Учқудуқ, Томди, Қизилтепа туманлари ҳудудларида маиший чиқиндиларни тўплаш ва олиб чиқиб кетиш бўйича хизмат кўрсатиш учун тўлов тарифлари иловага мувофиқ тасдиқлансин.

3. Вилоят Экология, атроф-муҳитни муҳофаза қилиш ва иқлим ўзгариши бошқармаси (Р.Эргашев), вилоят Соғлиқни сақлаш бошқармаси (Н.Сафоев), вилоят Санитария эпидемиология осойишталиги ва жамоат саломатлиги бошқармаси (З.Азимов) шаҳар ва туманлар ҳокимликлари фуқароларнинг ҳуқуқий ва санитария-экологик саводхонлигини оширишга қаратилган тушунтириш ишларини ташкил этсин.

4. Вилоят ҳокимининг матбуот котиби – ахборот сиёсати масалалари бўйича маслаҳатчиси (Ш.Раубаева), вилоят ахборот ва оммавий коммуникациялар бошқармаси (Д.Мамаражабов), вилоят телерадиокомпанияси (А.Муқимов), «Дўстлик байроғи» ва «Знамя дружбы» газеталари таҳририяти давлат корхонаси (Б.Умаров)га олиб борилаётган ишларни доимий равишда оммавий ахборот воситаларида кенг ёритиб бориш тавсия этилсин.

5. Мазкур қарорнинг бажарилишини назорат қилиш вилоят ҳокими ўринбосари (Э.Камолов) ҳамда халқ депутатлари вилоят Кенгашининг маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (Н.Исоқов) ва аграр, сув хўжалиги ва экология масалалари бўйича доимий комиссияси (А.Жалилов) лар зиммаларига юклатилсин.