Oʻzbekiston Respublikasi Prezidentining 2022-yil 18-noyabrdagi “Bolalarning dam olishlarini tizimli tashkil etish va sogʻlomlashtirish ishlarini yanada takomillashtirishga doir qoʻshimcha chora-tadbirlar toʻgʻrisida”gi PQ-427-son qaroriga hamda 2023-yil 21-dekabrdagi “Oila va xotin-qizlar qoʻmitasining faoliyatini takomillashtirishga oid qoʻshimcha chora-tadbirlar toʻgʻrisida”gi PF-208-son Farmoniga muvofiq:

1. Oʻzbekiston Respublikasi Prezidentining ayrim hujjatlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:

Bolalarni sogʻlomlashtirish va aholi salomatligini tiklashga koʻmaklashish jamgʻarmasiga 2025-2026-yillarda ajratilishi nazarda tutilgan mablagʻning bir qismini 2023-yil yoz mavsumida dam olgan bolalarning yoʻllanma xarajatlarini hamda 2024-yil yoz mavsumiga 59 ta oromgohni tayyorlash maqsadida olib borilgan taʼmirlash ishlari boʻyicha vujudga kelgan qarzdorlikni qoplash uchun yoʻnaltirishga ruxsat berish;

Oila va xotin-qizlar qoʻmitasining boʻysunuvi Kambagʻallikni qisqartirish va bandlik vazirligidan Vazirlar Mahkamasiga oʻtkazilganligi munosabati bilan qonunchilik hujjatlarini oʻzaro muvofiqlashtirish.

2. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

1. Oʻzbekiston Respublikasi Prezidentining 2018-yil 8-maydagi PF-5439-son Farmoni bilan tasdiqlangan Oʻzbekiston Respublikasida afv etishni amalga oshirish tartibi toʻgʻrisidagi nizomning 12-bandidagi “hamda mahalla va oilani qoʻllab-quvvatlash vazirlari” soʻzlari “vazirlari hamda Oila va xotin-qizlar qoʻmitasi raisi” soʻzlari bilan almashtirilsin.

2. Oʻzbekiston Respublikasi Prezidentining 2020-yil 18-fevraldagi “Jamiyatda ijtimoiy-maʼnaviy muhitni sogʻlomlashtirish, mahalla institutini yanada qoʻllab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari toʻgʻrisida”gi PF-5938-son Farmonining 8-bandi oʻz kuchini yoʻqotgan deb hisoblansin.

3. Oʻzbekiston Respublikasi Prezidentining 2021-yil 1-iyuldagi PF-6255-son Farmoni bilan tasdiqlangan Oʻzbekiston Respublikasining ekstremizm va terrorizmga qarshi kurashish boʻyicha 2021 — 2026-yillarga moʻljallangan Milliy strategiyasining 2-bobi 3-paragrafi “g” kichik bandidagi “Mahalla va oilani qoʻllab-quvvatlash vazirligi” soʻzlari “Oila va xotin-qizlar qoʻmitasi” soʻzlari bilan almashtirilsin.

4. Oʻzbekiston Respublikasi Prezidentining 2022-yil 1-martdagi “Oila va xotin-qizlar bilan ishlash, mahalla va nuroniylarni qoʻllab-quvvatlash tizimini takomillashtirish chora-tadbirlari toʻgʻrisida”gi PF-81-son Farmonining 5-bandi oʻz kuchini yoʻqotgan deb hisoblansin.

5. Oʻzbekiston Respublikasi Prezidentining 2023-yil 11-apreldagi PF-49-son Farmoni bilan tasdiqlangan Oʻzbekiston Respublikasi Mudofaa vazirligi huzuridagi Jamoatchilik kengashi tarkibining 12-bandidan “Kambagʻallikni qisqartirish va bandlik vazirligi huzuridagi” soʻzlari chiqarib tashlansin.

6. Oʻzbekiston Respublikasi Prezidentining 2023-yil 21-dekabrdagi PF-210-son Farmoni bilan tasdiqlangan Odam savdosiga qarshi kurashish va munosib mehnat masalalari boʻyicha Milliy komissiya tarkibining 19-bandi quyidagi tahrirda bayon etilsin:

7. Oʻzbekiston Respublikasi Prezidentining 2017-yil 23-maydagi PQ-2993-son qarori bilan tasdiqlangan Oʻzbekiston Respublikasi Madaniyat vazirligi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi toʻgʻrisidagi nizomning 3-bandidagi “Oʻzbekiston Xotin-qizlar qoʻmitasi” soʻzlari “Oila va xotin-qizlar qoʻmitasi” soʻzlari bilan almashtirilsin.

8. Oʻzbekiston Respublikasi Prezidentining 2019-yil 7-martdagi “Xotin-qizlarning mehnat huquqlari kafolatlarini yanada kuchaytirish va tadbirkorlik faoliyatini qoʻllab-quvvatlashga oid chora-tadbirlar toʻgʻrisida”gi PQ-4235-son qarori 4-bandining toʻrtinchi va beshinchi xatboshilaridagi “tuman (shahar) mahalla va oilani qoʻllab-quvvatlash boʻlimi” soʻzlari “tuman (shahar) oila va xotin-qizlar boʻlimi” soʻzlari bilan almashtirilsin.

9. Oʻzbekiston Respublikasi Prezidentining 2019-yil 29-maydagi “Ixtisoslashtirilgan oʻquv-tarbiya muassasalari faoliyatini tubdan takomillashtirish toʻgʻrisida”gi PQ-4342-son qarori 8-bandining “b” kichik bandidagi “Mahalla va oilani qoʻllab-quvvatlash vazirligiga” soʻzlari “Oila va xotin-qizlar qoʻmitasiga” soʻzlari bilan almashtirilsin.

10. Oʻzbekiston Respublikasi Prezidentining 2019-yil 8-noyabrdagi “Reproduktiv yoshdagi ayollar, homiladorlar va bolalarga koʻrsatiladigan tibbiy yordam sifatini oshirish va koʻlamini yanada kengaytirish toʻgʻrisida”gi PQ-4513-son qarori 4-bandining uchinchi xatboshisidagi “Mahalla va oilani qoʻllab-quvvatlash vazirligi” soʻzlari “Oila va xotin-qizlar qoʻmitasi” soʻzlari bilan almashtirilsin.

11. Oʻzbekiston Respublikasi Prezidentining 2021-yil 5-martdagi “Xotin-qizlarni qoʻllab-quvvatlash, ularning jamiyat hayotidagi faol ishtirokini taʼminlash tizimini yanada takomillashtirish chora-tadbirlari toʻgʻrisida”gi PQ-5020-son qarorida:

5-bandning “g” kichik band i chiqarib tashlansin;

14-bandning ikkinchi xatboshisidagi “Mahalla va oilani qoʻllab-quvvatlash vazirligi” soʻzlari “Oila va xotin-qizlar qoʻmitasi” soʻzlari bilan almashtirilsin.

12. Oʻzbekiston Respublikasi Prezidentining 2021-yil 19-maydagi “Zoʻrlik ishlatishdan jabr koʻrgan xotin-qizlarni reabilitatsiya qilishga oid qoʻshimcha chora-tadbirlar toʻgʻrisida”gi PQ-5116-son qarorida:

10-bandning ikkinchi xatboshisidagi “Mahalla va oilani qoʻllab-quvvatlash vazirligiga” soʻzlari “Oila va xotin-qizlar qoʻmitasiga” soʻzlari bilan almashtirilsin;

ilovaning 7, 11 va 16-pozitsiyalari “Masʼul ijrochilar” ustunidagi “Mahalla va oilani qoʻllab-quvvatlash vazirligi” soʻzlari “Oila va xotin-qizlar qoʻmitasi” soʻzlari bilan almashtirilsin.

13. Oʻzbekiston Respublikasi Prezidentining 2024-yil 29-maydagi “Bolalar sogʻlomlashtirish oromgohlarida dam oladigan bolalar qamrovini kengaytirishga qaratilgan chora-tadbirlar toʻgʻrisida”gi PQ-199-son qarorining 6-bandi quyidagi mazmundagi beshinchi xatboshi bilan toʻldirilsin:

“Bunda mazkur qarorning 5-bandida nazarda tutilgan mablagʻlarni 2023-yil yoz mavsumida dam olgan bolalarning yoʻllanma xarajatlari uchun tegishli yilda amalda boʻlgan tartib asosida kompensatsiya toʻlash hamda 2024-yilda Federatsiya tizimidagi oromgohlarni yoz mavsumiga tayyorlash maqsadida olib borilgan taʼmirlash ishlari boʻyicha vujudga kelgan qarzdorlikni qoplash uchun yoʻnaltirishga ruxsat etiladi”.

14. Oʻzbekiston Respublikasi Prezidentining 2023-yil 24-maydagi “Raqamli xizmatlar qamrovi va sifatini oshirish hamda soha, tarmoq va hududlarni raqamli transformatsiya qilish chora-tadbirlari toʻgʻrisida”gi PQ-162-son qaroriga 4a-ilovada:

a) 15-pozitsiyaning “Axborot tizimi nomi” ustunidagi “Bolalar sogʻlomlashtirish oromgohlariga yoʻllanma olish axborot tizimi” soʻzlaridan keyin “*” belgisi bilan toʻldirilsin;

b) quyidagi mazmundagi izoh bilan toʻldirilsin: