Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi hamda “Banklar va bank faoliyati toʻgʻrisida”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:

1. Oʻzbekiston Respublikasi Markaziy banki boshqaruvining 2018-yil 28-apreldagi 16/21-son qarori (roʻyxat raqami 3028, 2018-yil 29-iyun) (Qonun hujjatlari maʼlumotlari milliy bazasi, 02.07.2018-y., 10/18/3028/1418-son) bilan tasdiqlangan Tijorat banklarida kassa ishini tashkil etish, naqd pul va boshqa qimmatliklarni inkassatsiya qilishga doir yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 12-banddan “bank mijozi boʻlgan xoʻjalik yurituvchi subyektlarga kassa xizmatlarini koʻrsatadi hamda” degan soʻzlar chiqarib tashlansin.

2. 132-bandning birinchi xatboshidagi “(1000 soʻmliklar alohida, 2000 va 5000 soʻmliklar alohida, 10000 va 20000 soʻmliklar alohida, 50000 va 100000 soʻmliklar alohida)” degan soʻzlar “(1000 soʻmliklar alohida, 2000 va 5000 soʻmliklar alohida, 10000, 20000 va 50000 soʻmliklar alohida, 100000 va 200000 soʻmliklar alohida)” degan soʻzlar bilan almashtirilsin.

3. 190-band quyidagi mazmundagi yettinchi xatboshi bilan toʻldirilsin:

“Aholidan toʻlovlarni qabul qilishda toʻlov hujjatlari elektron koʻrinishda shakllantiriladigan hollarda, kunlik kassa hujjatlariga elektron toʻlov hujjatlarining kunlik reyestrini tikishga ruxsat beriladi.

Bunda, kunlik reyestr har bir toʻlov hujjatining turi (naqd pullarni topshirish eʼloni, bir martalik toʻlovlarni qabul qilish blanki, soliq va kommunal toʻlovlari uchun maxsus blanklar) boʻyicha alohida shakllantirilib, unda toʻlovchining ismi, sharifi, toʻlovni oluvchi tashkilot nomi, uning bank rekvizitlari, toʻlov summasi va maqsadi aks ettiriladi.”.

4. 197-band quyidagi mazmundagi xatboshi bilan toʻldirilsin:

“Bankda kassa hujjatlarini elektron shaklda rasmiylashtirilishi va aylanishi hamda kassa kitoblarini elektron shaklda yuritilishi yoʻlga qoʻyilgan boʻlsa, kunlik kassa hujjatlarini elektron fayl koʻrinishidagi har kunlik arxivi shakllantiriladi va saqlanadi.”.

5. 219-bandda:

uchinchi xatboshidagi “chet el valyutasidagi toʻlov hujjatlari qoldigʻini qayd etish kitobi va 32a-ilovasida keltirilgan 121A-shakldagi eskirgan naqd chet el valyutalari qoldigʻini qayd etish kitobida qayd etilgan yozuvlarga mos kelishini” degan soʻzlar “chet el valyutasidagi toʻlov hujjatlari qoldigʻini qayd etish kitobidagi yozuvlarga mos kelishini” degan soʻzlar bilan almashtirilsin;

toʻrtinchi xatboshi quyidagi tahrirda bayon etilsin:

“pul omboridagi “eskirgan” toifadagi naqd milliy valyutalar qoldigʻini 10198-“Eskirgan toifadagi naqd pullar” hisobvaragʻidagi qoldiqqa hamda mazkur Yoʻriqnomaning 36-ilovasida keltirilgan 141A-shakldagi “Eskirgan” toifadagi banknot va tangalar hisobini yuritish kitobida qayd etilgan yozuvlarga mos kelishini;”;

quyidagi mazmundagi beshinchi xatboshi bilan toʻldirilsin:

“pul omboridagi xorijiy davlatlarning “eskirgan” naqd chet el valyutalari qoldiqlarini 10198-“Eskirgan toifadagi naqd pullar” hisobvaragʻidagi har bir mos xorijiy valyuta qoldigʻiga hamda mazkur Yoʻriqnomaning 32a-ilovasida keltirilgan 121A-shakldagi “Eskirgan” naqd chet el valyutalari qoldigʻini qayd etish kitobida qayd etilgan yozuvlarga mos kelishini;”;

beshinchi xatboshi oltinchi xatboshi deb hisoblansin.

6. 327-bandning toʻrtinchi xatboshisi quyidagi tahrirda bayon etilsin:

“Bankning moddiy javobgar shaxslari tomonidan naqd pul va boshqa qimmatliklarni joʻnatish yoki qabul qilib olish bilan bogʻliq tayyorgarlik choralarini oʻz vaqtida koʻrishlari uchun ularga naqd pul va boshqa qimmatliklarni tashishga doir farmoyishlar inkassatorlar orqali yetib borguniga qadar:

qogʻozda rasmiylashtirilgan farmoyishning skaner qilingan nusxasi (PDF yoki TIF);

elektron rasmiylashtirilgan (vakolatli shaxsning elektron (yoki QR-kodli) imzosi bilan imzolangan) farmoyishlar maxsus dasturiy taʼminot orqali yuboriladi.”.

7. 36-ilovada:

“Markaziy bankka topshiriladigan banknot va tangalar hisobini yuritish kitobi” degan soʻzlar ““Eskirgan” toifadagi banknot va tangalar hisobini yuritish kitobi” degan soʻzlar bilan almashtirilsin;

“Markaziy bankka topshiriladigan naqd pullar zaxirasi hisobvaragʻi” degan soʻzlar ““Eskirgan” toifadagi naqd pullar hisobvaragʻi” degan soʻzlar bilan almashtirilsin;

“Markaziy bankka topshiriladigan naqd pullar zaxirasidagi naqd pullar” degan soʻzlar ““Eskirgan” toifadagi naqd pullar” degan soʻzlar bilan almashtirilsin;

“Kun oxiriga Markaziy bankka topshiriladigan banknotlar qoldiqlari” degan soʻzlar “Kun oxiriga “eskirgan” toifadagi naqd pullar qoldiqlari” degan soʻzlar bilan almashtirilsin.