O‘zbekiston poytaxti Toshkent shahri aholisiga va xorijiy mehmonlarga transport xizmati ko‘rsatish darajasi va sifatini oshirish, sotib olinayotgan “Mercedes-Benz Conecto O345” rusumli yo‘lovchi tashish avtobuslarining sifatli texnik tavsiflarini hamda qulayligini oshirish maqsadida Vazirlar Mahkamasi qaror qiladi:

1. “Toshshaharyo‘lovchitrans” davlat uyushmasi bilan “EvoBus GmbX, Mersedes-Bens Avtobuslar” (Germaniya) kompaniyasi o‘rtasida 2002-yil 5-apreldagi oldi-sotdi Bosh kontraktiga bosh kontraktning 37,42 mln yevro summasidagi tasdiqlangan umumiy qiymati doirasida avtobuslar rusumlari spetsifikatsiyalarini aniqlashtirishni nazarda tutuvchi shahar yo‘lovchi tashish avtbuslarini bosqichma-bosqich yetkazib berish yuzasidan Bosh kontraktga 1-son qo‘shimcha bitim tuzilganligi ma’lumot uchun qabul qilinsin.

“Toshshaharyo‘lovchitrans” davlat uyushmasi tuzilgan qo‘shimcha Bitimga muvofiq 30 ta “Mercedes-Benz Conecto O345U” rusumli avtobusi, 3 ta “Mercedes-Benz Sprinter 413 CDI” rusumli mikroavtobus, 1 ta “Mercedes-Benz Tourizmo RHD” rusumli sayyohlik avtobusi o‘z vaqtida sotib olinishi va ulardan samarali foydalanilishini ta’minlasin.

2. “Toshshaharyo‘lovchitrans” davlat uyushmasi ushbu qarorga muvofiq “EvoBus GmbX, Mersedes-Bens Avtobuslar” kompaniyasi bilan tuzilgan kontraktlar asosida respublikaga keltiriladigan 270 ta “Mercedes-Benz Conecto O345” rusumli avtobus, 30 ta “Mercedes-Benz Conecto O345U” rusumli avtobus, 3 ta “Mercedes-Benz Sprinter 413 CDI” rusumli mikroavtobus, 1 ta “Mercedes-Benz Tourizmo RHD” rusumli sayyohlik avtobusi, ehtiyot qismlar, maxsus texnika, asbob-uskunalar va boshqa foydalanish materiallari uchun bojxona to‘lovlarini to‘lashdan (bojxona rasmiylashtiruvi yig‘imlari bundan mustasno) ozod qilinsin.

4. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari K.N. To‘laganov zimmasiga yuklansin.