Vazirlar Mahkamasi qaror qiladi:

Oʻzbekiston Respublikasi Vazirlar Mahkamasining “Avtotransport vositalarini xarid qilish-sotish, almashtirish va hadya etish bitimlarini rasmiylashtirish tartibi toʻgʻrisida” 1991-yil 16-sentabrdagi 233-son qarori (Oʻzbekiston Respublikasi QT, 1991-yil 9-son 30 modda)ga quyidagi oʻzgartirishlar kiritilsin:

3 va 4-bandlar quyidagi tahrirda bayon qilinsin:

“3. Belgilab qoʻyilsinki, Avtotransport vositalarini xarid qilish-sotish, almashtirish va hadya etish shartnomalarini tasdiqlaganlik uchun notarial idoralari tomonidan undiriladigan poshlinasi summasining 80 foizi, shuningdek, Oʻzbekiston Respublikasi Ichki ishlar vazirligining Davlat avtomobil nazorati organlari avtotransport vositalarini qayta roʻyxatga olganliklari uchun undiriladigan summaning 85 foizi mahalliy budjetlarga oʻtqiziladi. Qolgan 20 va 15 foizi Oʻzbekiston Respublikasi Adliya vazirligining adliya va sud muassalarini rivojlantirish fondining va Oʻzbekiston Respublikasi Ichki ishlar vazirligining DAN boshqarmasining hisob-kitob schyotlariga oʻtqiziladi.

4. Yuridik va jismoniy shaxslar tomonidan avtotransport ishlab chiqaruvchi korxonalardan, ularning vakillaridan, vositachi (distribyutor) tashkilotlardan, shuningdek, chakana savdo tarmoqlaridan, respublika, viloyat, tumanlararo taʼminot-savdo bazalaridan va kimoshdi savdolaridan sotib olingan avtomototransportni roʻyxatga olish notarial idorasida xarid qilish-sotish shartnomasini tasdiqlamasdan Davlat avtomobil nazorati organlarida amalga oshiriladi.”

2. band oʻz kuchini yoʻqotgan deb hisoblansin.