Oʻzbekiston Respublikasining 2019-yil 23-maydagi OʻRQ-542-son “Oʻzbekiston Respublikasining ayrim qonun hujjatlariga jinoyat protsessi ishtirokchilarining huquqlari himoya qilinishini taʼminlash bilan bogʻliq oʻzgartish va qoʻshimchalar kiritish toʻgʻrisida”gi, 2019-yil 28-avgustdagi OʻRQ-558-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi, 2019-yil 3-dekabrdagi OʻRQ-586-son “Mehnatga haq toʻlash, pensiyalar va boshqa toʻlovlar miqdorlarini aniqlash tartibi takomillashtirilganligi munosabati bilan Oʻzbekiston Respublikasining ayrim qonun hujjatlariga oʻzgartishlar kiritish toʻgʻrisida”gi, 2021-yil 18-noyabrdagi OʻRQ-729-son “Oʻzbekiston Respublikasida korrupsiyaga qarshi kurashish tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi, 2022-yil 11-martdagi OʻRQ-758-son “Soliq maʼmuriyatchiligi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi, 2022-yil 17-maydagi OʻRQ-770-son “Oʻzbekiston Respublikasida tibbiy-ijtimoiy xizmatlar tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartishlar kiritish toʻgʻrisida”gi qonunlari va Oʻzbekiston Respublikasi Prezidentining 2021-yil 26-martdagi PF-6196-son “Jamoat xavfsizligini taʼminlash va jinoyatchilikka qarshi kurashish sohasida ichki ishlar organlari faoliyatini sifat jihatidan yangi bosqichga koʻtarish chora-tadbirlari toʻgʻrisida”gi Farmoniga muvofiq buyuraman:

1. Oʻzbekiston Respublikasi ichki ishlar vazirining 2012-yil 29-dekabrdagi 175-son buyrugʻi (roʻyxat raqami 2456, 2013-yil 13-may) (Oʻzbekiston Respublikasi qonun hujjatlari toʻplami, 2013-y., 20-son, 260-modda) bilan tasdiqlangan Oʻzbekiston Respublikasi Ichki ishlar vazirligi tergov hibsxonalarining ichki tartib qoidalariga ilovaga muvofiq oʻzgartirishlar va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 5-banddagi “IIV Jazoni ijro etish bosh boshqarmasi (bundan buyon matnda JIEBB deb yuritiladi)” degan soʻzlar “IIV huzuridagi Jazoni ijro etish departamenti (bundan buyon matnda JIED deb yuritiladi)” degan soʻzlar bilan almashtirilsin.

2. Quyidagi mazmundagi 8¹-band bilan toʻldirilsin:

“8¹. Oʻzbekiston Respublikasi Korrupsiyaga qarshi kurashish agentligi xodimlari korrupsiyaning sabablari va shart-sharoitlarini oʻrganish hamda tahlil qilish uchun oʻz vakolatlari doirasida THga moneliksiz kirish va zarur hujjatlar bilan tanishish huquqiga ega.

THning maʼmuriyati Oʻzbekiston Respublikasi Korrupsiyaga qarshi kurashish agentligi xodimlariga ularning oʻz vazifalarini bajarishi va tegishli hujjatlar bilan tanishishi uchun zarur shart-sharoitlarni taʼminlashi shart”.

3. 9-bandning yettinchi xatboshisidagi “JIEBB” qisqartmasi “JIED” qisqartmasi bilan almashtirilsin.

4. 18-banddagi “Saqlash muddati” degan soʻzlar “Qamoqda saqlash muddati” degan soʻzlar bilan almashtirilsin.

5. 72-bandning uchinchi xatboshisidagi “nogironlariga” degan soʻz “nogironligi boʻlgan shaxslarga” degan soʻzlar bilan almashtirilsin.

6. 96-band quyidagi tahrirda bayon etilsin:

“96. Zarur hollarda, THda saqlanayotgan tibbiy yordamga muhtoj shaxslar JIED maʼmuriyati bilan kelishilgan holda jazoni ijro etish tizimidagi mahkumlar uchun ixtisoslashgan kasalxonaga belgilangan tartibda yuboriladi.”

7. 100-banddagi “eng kam ish haqi miqdorining oʻttiz foizigacha” degan soʻzlar “mehnatga haq toʻlash eng kam miqdorining ellik foizigacha” degan soʻzlar bilan almashtirilsin.

8. 107-banddagi “nogironlari” degan soʻz “nogironligi boʻlgan shaxslar” degan soʻzlar bilan almashtirilsin.

9. 161-bandning birinchi xatboshisidagi “JIEBBga” qisqartmasi “JIEDga” qisqartmasi bilan almashtirilsin.

10. 189-banddagi “boshqa majburiy toʻlovlar” degan soʻzlar “yigʻimlar” degan soʻz bilan almashtirilsin.

11. 194-banddagi “JIEBBga” qisqartmasi “JIEDga” qisqartmasi bilan almashtirilsin.

12. 197-banddagi “JIEBB” qisqartmasi “JIED” qisqartmasi bilan almashtirilsin.

13. 234-banddagi “nogironlariga” degan soʻz “nogironligi boʻlgan shaxslarga” degan soʻzlar bilan almashtirilsin.

14. 2, 3, 4, 5, 6, 7, 8, 10-ilovalardagi “UYa-64/___ ” degan soʻzlar “___ -son” degan soʻzlar bilan almashtirilsin.