Nogironlar huquqlari toʻgʻrisidagi xalqaro konvensiya qoidalarini Oʻzbekiston Respublikasi tomonidan amalga oshirish, shuningdek, inson huquqlari va erkinliklarini himoya qilish boʻyicha xalqaro hamkorlikni yanada rivojlantirish maqsadida Oʻzbekiston Respublikasi Oliy Majlisi Qonunchilik palatasining Kengashi va Oʻzbekiston Respublikasi Oliy Majlisi Senatining Kengashi qaror qiladilar:

1. Quyidagilar:

Oʻzbekiston Respublikasida Nogironlar huquqlari toʻgʻrisidagi Konvensiyani amalga oshirish boʻyicha 2023 — 2025-yillarga moʻljallangan Milliy harakatlar rejasi 1-ilovaga* muvofiq;

Oʻzbekiston Respublikasida Nogironlar huquqlari toʻgʻrisidagi Konvensiyani amalga oshirish boʻyicha 2023 — 2025-yillarga moʻljallangan Milliy harakatlar rejasi ijrosi yuzasidan “Yoʻl xaritasi” 2-ilovaga* muvofiq tasdiqlansin.

2. Oʻzbekiston Respublikasi Vazirlar Mahkamasi Oʻzbekiston Respublikasida Nogironlar huquqlari toʻgʻrisidagi Konvensiyani amalga oshirish boʻyicha 2023 — 2025-yillarga moʻljallangan Milliy harakatlar rejasining ijrosini taʼminlash choralarini koʻrsin.

3. Mazkur Qoʻshma qarorning ijrosini nazorat qilish Oʻzbekiston Respublikasi Oliy Majlisi Qonunchilik palatasi Spikerining birinchi oʻrinbosari A. Saidov va Oʻzbekiston Respublikasi Oliy Majlisi Senati Raisining birinchi oʻrinbosari S. Safoyev zimmasiga yuklatilsin.

4. Ushbu Qoʻshma qaror qabul qilingan kundan eʼtiboran kuchga kiradi.