O‘zbekiston Respublikasi Oliy Majlisi Senatining ayrim qo‘mitalari faoliyatini takomillashtirish maqsadida “O‘zbekiston Respublikasi Oliy Majlisining Senati to‘g‘risida”gi O‘zbekiston Respublikasi Konstitutsiyaviy Qonunining 9 va 17-moddalariga muvofiq O‘zbekiston Respublikasi Oliy Majlisining Senati qaror qiladi:
O‘zbekiston Respublikasi Oliy Majlisi Senatining Agrar, suv xo‘jaligi masalalari va ekologiya qo‘mitasi O‘zbekiston Respublikasi Oliy Majlisi Senatining Agrar va suv xo‘jaligi masalalari qo‘mitasi etib;
O‘zbekiston Respublikasi Oliy Majlisi Senatining Orolbo‘yi mintaqasini rivojlantirish masalalari qo‘mitasi O‘zbekiston Respublikasi Oliy Majlisi Senatining Orolbo‘yi mintaqasini rivojlantirish masalalari va ekologiya qo‘mitasi etib qayta tashkil etilsin.
2. Senatning Agrar va suv xo‘jaligi masalalari qo‘mitasining asosiy vazifalari etib quyidagilar belgilansin:
O‘zbekiston Respublikasi Oliy Majlisi Qonunchilik palatasidan kelib tushgan qonunlarni dastlabki tarzda ko‘rib chiqish va Senat Kengashiga takliflar kiritish;
agrar va suv xo‘jaligi masalalariga oid qonun hujjatlari, davlat dasturlarining ijro etilishi ustidan tizimli parlament nazoratini amalga oshirish, shu jumladan davlat organlari, xo‘jalik boshqaruvi organlari rahbarlarining hisobot va axborotlarini eshitib borish;
agrar va suv xo‘jaligi masalalariga oid mavjud qonunchilik bazasini tahlil qilish, amaldagi normativ-huquqiy hujjatlarni takomillashtirish yuzasidan takliflar ishlab chiqish;
qishloq xo‘jaligi ekin maydonlaridan, shu jumladan, g‘alla maydonlari va tomorqa yerlaridan foydalanish samaradorligining xalq deputatlari mahalliy Kengashlarida muhokama qilinishi amaliyotini o‘rganish, mahalliy Kengashlarning bu boradagi faoliyatiga uslubiy ko‘maklashish;
xorijiy mamlakatlar tajribasini o‘rgangan holda agrar va suv xo‘jaligi sektoriga innovatsion texnologiyalarni joriy etish bo‘yicha asoslantirilgan takliflar ishlab chiqish;
jismoniy va yuridik shaxslarning agrar va suv xo‘jaligi masalalariga oid murojaatlarini ko‘rib chiqish.
3. Senatning Orolbo‘yi mintaqasini rivojlantirish masalalari va ekologiya qo‘mitasining asosiy vazifalari etib quyidagilar belgilansin:
O‘zbekiston Respublikasi Oliy Majlisi Qonunchilik palatasidan kelib tushgan qonunlarni dastlabki tarzda ko‘rib chiqish va Senat Kengashiga takliflar kiritish;
Orolbo‘yi va ekologiya masalalariga oid qonun hujjatlari, davlat dasturlarining ijro etilishi ustidan tizimli parlament nazoratini amalga oshirish, shu jumladan davlat organlari, xo‘jalik boshqaruvi organlari rahbarlarining hisobot va axborotlarini eshitib borish;
Orolbo‘yi va ekologiya masalalariga oid mavjud qonunchilik bazasini tahlil qilish, amaldagi normativ-huquqiy hujjatlarni takomillashtirish yuzasidan takliflar ishlab chiqish;
Orolbo‘yi mintaqasini ijtimoiy-iqtisodiy rivojlantirish, mazkur hududda yashovchi aholining genofondini tiklash va sog‘lig‘ini saqlash, ularning turmush sharoitini yaxshilash, bandligini ta’minlash bo‘yicha takliflar ishlab chiqish;
fuqarolarning qulay atrof-tabiiy muhitga ega bo‘lishga oid konstitutsiyaviy huquqlarining so‘zsiz ro‘yobga chiqarilishini ta’minlash yuzasidan choralar ko‘rish;
Orolbo‘yi hududida ekologik vaziyatni yaxshilash, atrof-muhitni muhofaza qilish, bioxilmaxillikni tiklash, hayvonot va o‘simlik dunyosini saqlash bo‘yicha amalga oshirilayotgan ishlar samaradorligini oshirishga hamda Orol dengizi qurishining oqibatlarini bartaraf etish sohasida davlat-xususiy sherikchilikni rivojlantirishga ko‘maklashish;
Orol dengizining qurib qolgan qismidagi sho‘rlangan yerlarda ekotizimlarni tiklash, munosib hayot faoliyatini ta’minlash hamda himoya o‘rmonzorlarini barpo qilish borasidagi ishlarni monitoring qilish;
xorijiy mamlakatlar tajribasini o‘rgangan holda atrof-tabiiy muhitga salbiy ta’sirni kamaytirish bo‘yicha asoslantirilgan takliflar ishlab chiqish;
xalqaro tashkilotlar va xorijiy davlatlar bilan samarali hamkorlikni tashkil etish orqali Orolbo‘yi mintaqasining investitsiyalar jalb etuvchanligini yaxshilash hamda Orolbo‘yi hududida vujudga kelgan muammolarni bartaraf etish maqsadida xorijiy investitsiyalarni jalb etishga ko‘maklashish;
tegishli vazirlik va idoralar vakillarini jalb qilgan holda Orolbo‘yi hududida vujudga kelgan muammolarni aniqlab borish va ularni hal etish bo‘yicha tegishli choralar ko‘rish;
mutasaddi davlat organlari va nodavlat notijorat tashkilotlarining fuqarolar ekologik madaniyatini oshirish bilan bog‘liq faoliyatiga ko‘maklashish;
Orolbo‘yi mintaqasida ekologik inqiroz oqibatlariga barham berish maqsadida Orolbo‘yi mintaqasi uchun Inson xavfsizligi bo‘yicha ko‘p tomonlama sheriklik asosida Trast fondi bilan samarali hamkorlikni yo‘lga qo‘yish;
jismoniy va yuridik shaxslarning Orolbo‘yi va ekologiya masalalariga oid murojaatlarini ko‘rib chiqish.
O‘zbekiston Respublikasi Oliy Majlisi Senatining Agrar va suv xo‘jaligi masalalari qo‘mitasi to‘g‘risidagi nizom 1-ilovaga muvofiq;
O‘zbekiston Respublikasi Oliy Majlisi Senatining Orolbo‘yi mintaqasini rivojlantirish masalalari va ekologiya qo‘mitasi to‘g‘risidagi nizom 2-ilovaga muvofiq tasdiqlansin.
O‘zbekiston Respublikasi Oliy Majlisi Senatining 2020-yil 21-oktabrdagi “O‘zbekiston Respublikasi Oliy Majlisi Senatining Orolbo‘yi mintaqasini rivojlantirish masalalariga oid faoliyatini yanada takomillashtirish to‘g‘risida”gi SQ-148-1V-sonli Qarorining 2 va 6-bandlari;
O‘zbekiston Respublikasi Oliy Majlisi Senati Kengashining 2020-yil 11-noyabrdagi “O‘zbekiston Respublikasi Oliy Majlisi Senati qo‘mitalari to‘g‘risidagi nizomlarni tasdiqlash haqida”gi KQ-154-IV-sonli Qarori 1-bandining 9-xatboshisi.
6. Ushbu Qarorga asosan O‘zbekiston Respublikasi Oliy Majlisi Senati devoni rahbari (A. Ziyayev) ikki hafta muddatda Senat faoliyatini tartibga soluvchi normativ-huquqiy hujjatlar hamda Senatning shtatlar jadvaliga o‘zgartish va qo‘shimchalar kiritish bo‘yicha takliflar tayyorlasin.
7. Ushbu Qarorning ijrosini nazorat qilish O‘zbekiston Respublikasi Oliy Majlisi Senati Raisining birinchi o‘rinbosari S. Safoyev zimmasiga yuklansin.
O‘zbekiston Respublikasi Oliy Majlisi Senatining 2022-yil 4-fevraldagi SQ-483-IV-sonli Qaroriga
1-ILOVA
1. Ushbu Nizom O‘zbekiston Respublikasi Oliy Majlisi Senatining Agrar va suv xo‘jaligi masalalari qo‘mitasining (bundan buyon matnda Qo‘mita deb yuritiladi) asosiy vazifalari va funksiyalarini, shuningdek Qo‘mita faoliyatini tashkil etish hamda amalga oshirishda davlat hokimiyati va boshqaruvi, xo‘jalik boshqaruvi organlari, tashkilot hamda muassasalar, nodavlat notijorat tashkilotlari, ommaviy axborot vositalari va fuqarolar bilan hamkorlik qilish tartibini belgilaydi.
2. Qo‘mita o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisi palatalari, O‘zbekiston Respublikasi Oliy Majlisi Senati (bundan buyon matnda Senat deb yuritiladi) Kengashi qarorlariga, shuningdek ushbu Nizomga amal qiladi.
O‘zbekiston Respublikasi Oliy Majlisi Qonunchilik palatasidan kelib tushgan qonunlarni dastlabki tarzda ko‘rib chiqish va Senat Kengashiga takliflar kiritish;
agrar va suv xo‘jaligi masalalariga oid qonun hujjatlari, davlat dasturlarining ijro etilishi ustidan tizimli parlament nazoratini amalga oshirish, shu jumladan davlat organlari, xo‘jalik boshqaruvi organlari rahbarlarining hisobot va axborotlarini eshitib borish;
agrar va suv xo‘jaligi masalalariga oid mavjud qonunchilik bazasini tahlil qilish, amaldagi normativ-huquqiy hujjatlarni takomillashtirish yuzasidan takliflar ishlab chiqish;
qishloq xo‘jaligi ekin maydonlaridan, shu jumladan, g‘alla maydonlari va tomorqa yerlaridan foydalanish samaradorligining xalq deputatlari mahalliy Kengashlarida muhokama qilinishi amaliyotini o‘rganish, mahalliy Kengashlarning bu boradagi faoliyatiga uslubiy ko‘maklashish;
xorijiy mamlakatlar tajribasini o‘rgangan holda agrar va suv xo‘jaligi sektoriga innovatsion texnologiyalarni joriy etish bo‘yicha asoslantirilgan takliflar ishlab chiqish;
jismoniy va yuridik shaxslarning agrar va suv xo‘jaligi masalalariga oid murojaatlarini ko‘rib chiqish.
5. Qo‘mita o‘z zimmasiga yuklatilgan vazifalarni bajarishda qonun hujjatlariga muvofiq quyidagi funksiyalarni bajaradi:
Qonunchilik palatasidan kelib tushgan qonunlarni davlat organlari va nodavlat notijorat tashkilotlari, ilmiy muassasalar vakillari, mutaxassislar va olimlardan iborat tarkibda ishchi guruh tuzgan holda dastlabki tarzda ko‘rib chiqadi (qonunlarda umumdavlat va hududiy manfaatlar mutanosibligi ta’minlanganiga alohida e’tibor bergan holda), ular bo‘yicha xulosa tayyorlaydi va Senatning yalpi majlisi kun tartibiga kiritish bilan bog‘liq takliflarni Senat Kengashiga kiritadi;
O‘zbekiston Respublikasi Vazirlar Mahkamasining mamlakat ijtimoiy-iqtisodiy hayotining eng muhim masalalari yuzasidan har yilgi ma’ruzasini dastlabki tarzda ko‘rib chiqadi, zarur hollarda Senatning yalpi majlisida muhokama qilinishi shart bo‘lgan taklif va mulohazalarni ishlab chiqadi, Senatning tegishli qarorlari loyihalarini tayyorlaydi;
O‘zbekiston Respublikasi Bosh vazirining mamlakat ijtimoiy-iqtisodiy rivojlanishining ayrim dolzarb masalalari yuzasidan hisobotini dastlabki tarzda ko‘rib chiqadi, zarur hollarda taklif va mulohazalarni tayyorlaydi, Senatning tegishli qarorlari loyihalarini ishlab chiqadi;
O‘zbekiston Respublikasi Prezidentining agrar va suv xo‘jaligi masalalariga oid vazirliklar, davlat qo‘mitalari va boshqa davlat boshqaruvi organlarini tuzish hamda tugatish to‘g‘risidagi farmonlarini tasdiqlash haqidagi Senat qarorlari loyihalarini ishlab chiqadi;
Senat majlislarida hukumat a’zolarining o‘z faoliyatiga doir masalalar yuzasidan axborotini eshitish bo‘yicha Senat Kengashiga takliflar kiritadi;
yangi qabul qilingan qonunlar ijrosini ta’minlash uchun qonunosti hujjatlarining o‘z vaqtida qabul qilinishi yuzasidan monitoringni amalga oshiradi;
agrar va suv xo‘jaligi sohasidagi davlat hokimiyati va boshqaruvi, xo‘jalik boshqaruvi organlari rahbarlarining qonunlarga rioya etayotganligi, Senat, uning Kengashi qarorlari va Qo‘mita qarorlarini bajarayotganligi to‘g‘risidagi axborotini eshitadi;
agrar va suv xo‘jaligi sohasidagi O‘zbekiston Respublikasi qonunlari, Senat, uning Kengashi qarorlari, davlat dasturlarining davlat hokimiyati va boshqaruvi, xo‘jalik boshqaruvi organlari tomonidan ijro etilishining holatini va huquqni qo‘llash amaliyotini o‘rganadi;
agrar va suv xo‘jaligi sohasiga oid qonunchilikni yanada takomillashtirish maqsadida bu boradagi xalqaro tajribani o‘rganadi va xalqaro huquqning umum e’tirof etilgan normalarini milliy qonunchilikka implementatsiya qilish bo‘yicha asoslantirilgan takliflar ishlab chiqadi;
xorijiy mamlakatlar tajribasini o‘rgangan holda agrar va suv xo‘jaligi sektoriga innovatsion texnologiyalarni joriy etish bo‘yicha asoslantirilgan takliflar ishlab chiqadi;
qishloq xo‘jaligi ekin maydonlaridan, shu jumladan, g‘alla maydonlaridan va tomorqa yerlaridan foydalanish samaradorligini o‘rganadi, xalq deputatlari mahalliy Kengashlarida muhokama qilinishi amaliyotini tahlil qiladi, mahalliy Kengashlarning bu boradagi faoliyatiga uslubiy ko‘maklashadi;
xalq deputatlari mahalliy Kengashlarining tegishli doimiy komissiyalari bilan hamkorlik qiladi, ularning faoliyatiga uslubiy jihatdan ko‘maklashadi;
Senat huzuridagi Yoshlar parlamenti bilan hamkorlikni amalga oshiradi, ularning a’zolari tomonidan taqdim etilgan dolzarb masalalar yuzasidan takliflarni Qo‘mita muhokamasiga, zarur hollarda Kengash muhokamasiga kiritib boradi;
mamlakatimizda sodir bo‘layotgan muhim voqealar hamda aholining keng muhokamasiga sabab bo‘layotgan masalalar yuzasidan ommaviy axborot vositalarida munosabat bildirib boradi;
Senatga kelib tushgan jismoniy va yuridik shaxslarning agrar va suv xo‘jaligi sohasiga oid murojaatlarini ko‘rib chiqadi hamda ularni hal etish yuzasidan zarur choralar ko‘radi, jismoniy shaxslarni va yuridik shaxslar vakillarini qabul qilish orqali xalq bilan muloqotni amalga oshiradi, murojaatlarning tahlilini yuritadi;
davlat organlari va boshqa tashkilotlardan, mansabdor shaxslardan hujjatlarni, ekspertlik va boshqa xulosalarni, statistik va tahliliy ma’lumotlarni talab qilib oladi;
Senatning yalpi majlislarida ma’qullangan qonunlarning mazmun-mohiyatini keng aholi e’tiboriga yetkazish maqsadida joylarda xalq deputatlari mahalliy Kengashlari bilan hamkorlikda targ‘ibot tadbirlarini amalga oshiradi;
qabul qilingan qonunlarning mazmun-mohiyatini keng ommaga yetkazish, qonun hujjatlarini takomillashtirish va boshqa dolzarb masalalar bo‘yicha tadbirlar (konferensiya, davra suhbati, seminarlar) o‘tkazadi;
Qo‘mita faoliyatiga doir masalalar yuzasidan davlat hokimiyati va boshqaruvi, xo‘jalik boshqaruvi organlari, boshqa tashkilotlar hamda muassasalar, nodavlat notijorat tashkilotlari, ommaviy axborot vositalari va fuqarolar bilan hamkorlik qiladi;
Qo‘mita faoliyatini tashkil etish va Qo‘mita a’zolarining faoliyatini muvofiqlashtirishga oid masalalarni hal etadi.
6. Qo‘mita senatorlar orasidan Senat vakolatlari muddatiga rais, uning o‘rinbosari va a’zolaridan iborat tarkibda tuziladi.
Qo‘mita tarkibini saylash va unga o‘zgartirishlar kiritish O‘zbekiston Respublikasi Oliy Majlisi Senatining Reglamentida belgilangan tartibda amalga oshiriladi.
Qo‘mita ish rejasi loyihasini tayyorlaydi va Qo‘mitaning tasdiqlangan ish rejasi bajarilishini nazorat qiladi;
zarur materiallar tayyorlanishini tashkil etadi, Qo‘mita majlislarini chaqiradi va ularda raislik qiladi;
Qo‘mita a’zolariga topshiriqlar beradi, ularga Qo‘mita faoliyati bilan bog‘liq materiallar va hujjatlarni yuboradi;
Qonunchilik palatasidan kelib tushgan qonunlarni ko‘rib chiqish bo‘yicha ishchi guruhlar ishida ishtirok etish, shuningdek Qo‘mitaning boshqa topshiriqlarini bajarish uchun Qo‘mita a’zolarini belgilaydi;
davlat organlari, nodavlat notijorat tashkilotlari, ilmiy muassasalar, xo‘jalik yurituvchi subyektlar, matbuot organlari, televideniye, radio va boshqa ommaviy axborot vositalari vakillari, shuningdek mutaxassislar, ekspertlar va olimlarni Qo‘mita ishida ishtirok etishga taklif qiladi;
Senat, uning Kengashi majlislarida, davlat organlari va nodavlat notijorat tashkilotlari bilan munosabatlarda Qo‘mita nomidan ish ko‘radi;
Senatni, uning Kengashini, Senat Raisi va uning o‘rinbosarlarini Senat rahbariyati topshiriqlari bajarilishidan xabardor qiladi;
Qo‘mita tomonidan qabul qilingan qarorlar bajarilishi va Qo‘mita tavsiyalari ko‘rib chiqilishidan Qo‘mita a’zolarini xabardor qiladi;
qonunlarda, O‘zbekiston Respublikasi Oliy Majlisi Senatining Reglamentida hamda ushbu Nizomda nazarda tutilgan boshqa vakolatlarni amalga oshiradi.
8. Qo‘mita raisining o‘rinbosari Qo‘mita raisining topshirig‘iga binoan uning ayrim vazifalarini bajaradi va Qo‘mita raisi yo‘qligida yoki o‘z vazifalarini amalga oshirishi mumkin bo‘lmagan taqdirda, uning vazifasini bajarib turadi.
Qo‘mita majlisini rais o‘z tashabbusiga yoki Qo‘mita a’zolari umumiy sonining yarmidan ko‘pi tashabbusiga ko‘ra chaqiradi.
Qo‘mita a’zosi uzrli sabablarga ko‘ra Qo‘mita majlisida ishtirok etish imkoniyati yo‘qligi haqida Qo‘mita raisini oldindan xabardor qiladi.
11. Qo‘mita majlisi to‘g‘risida Qo‘mita raisi, qoida tariqasida, Senat Raisini majlis o‘tkazilishidan kamida yetti kun avval xabardor qiladi. Shu bilan bir vaqtda unga barcha zarur hujjatlarni taqdim etadi. Senat Raisidan majlisni o‘tkazish to‘g‘risida rozilik olinganidan so‘ng Qo‘mita raisi Qo‘mita a’zolarini va majlisning boshqa ishtirokchilarini xabardor qiladi.
12. Qo‘mitaning majlislari, agar ularda Qo‘mita a’zolarining kamida yarmi hozir bo‘lsa, vakolatli hisoblanadi.
13. Qo‘mita majlisini Qo‘mita raisi, u bo‘lmagan yoki o‘z vazifalarini bajara olmagan taqdirda Qo‘mita raisi o‘rinbosari yoxud Qo‘mita a’zolaridan biri olib boradi.
14. Qo‘mitaning majlislari ochiq tarzda o‘tkaziladi. Zarurat bo‘lganida Qo‘mita yopiq majlis o‘tkazish to‘g‘risida qaror qabul qilishi mumkin.
Qo‘mita majlislariga davlat hokimiyati va boshqaruvi, xo‘jalik boshqaruvi organlari, korxonalar, tashkilotlar hamda muassasalar, nodavlat notijorat tashkilotlari, ilmiy muassasalar, ommaviy axborot vositalari vakillari, shuningdek Senatning boshqa qo‘mitalari a’zolari va Senat devoni xodimlari taklif qilinishi mumkin.
15. Qo‘mita ko‘rib chiqilayotgan masalalar yuzasidan Qo‘mita jami a’zolarining ko‘pchilik ovozi bilan qarorlar qabul qiladi.
Qo‘mitaning davlat organlariga yuborilayotgan qarorlari ular tomonidan ko‘rib chiqilishi shart, natijalari yoki ko‘rilgan choralar to‘g‘risida, agar qarorda boshqacha qoida belgilangan bo‘lmasa, uzog‘i bilan bir oydan kechiktirmay xabar qilinishi kerak.
17. Qo‘mitaning ishi uning ish rejasiga, shuningdek Senat, Senat Kengashi, Senat Raisi topshiriqlari hamda tavsiyalariga muvofiq tashkil etiladi.
18. Qo‘mitaning qonunlar, Senat qarorlari ijrosi, huquqni qo‘llash amaliyoti holatini o‘rganish bo‘yicha yarim yillik ish rejalari Senat Kengashi tomonidan yilning 1-fevraliga va 1-iyuliga qadar tasdiqlanadi.
Qo‘mitaning qonunlar, Senat qarorlari ijrosi, huquqni qo‘llash amaliyoti holatini o‘rganish bo‘yicha yarim yillik ish rejalarini ko‘rib chiqish natijalari yuzasidan Senat Kengashi qaror qabul qiladi.
19. Qonunlarni muhokama qilishga, nazorat tadbirlarini tayyorlash va o‘tkazishga ko‘maklashish maqsadida Qo‘mita huzurida ekspert guruhlari tuziladi.
20. Qo‘mita o‘z zimmasiga yuklatilgan vazifalarning lozim darajada bajarilishini ta’minlash maqsadida davlat hokimiyati va boshqaruvi, xo‘jalik boshqaruvi organlari xodimlaridan, korxonalar, tashkilotlar hamda muassasalar, nodavlat notijorat tashkilotlari, ilmiy muassasalar, ommaviy axborot vositalari vakillaridan va sohada yetuk nazariy va amaliy bilimlarga ega bo‘lgan shaxslardan iborat tarkibda ilmiy-maslahat kengashlari, ishchi guruhlar tuzishi mumkin.
21. Qo‘mitaning joylardagi a’zolari har oyda o‘z faoliyati haqida Qo‘mitaga tegishli axborotlar taqdim etib boradi.
22. Qo‘mita faoliyatining tashkiliy, axborot-tahliliy, moddiy-texnik ta’minoti Senat devoni tomonidan amalga oshiriladi.
O‘zbekiston Respublikasi Oliy Majlisi Senatining 2022-yil 4-fevraldagi SQ-483-IV-sonli Qaroriga
2-ILOVA
1. Ushbu Nizom O‘zbekiston Respublikasi Oliy Majlisi Senatining Orolbo‘yi mintaqasini rivojlantirish masalalari va ekologiya qo‘mitasining (bundan buyon matnda Qo‘mita deb yuritiladi) asosiy vazifalari va funksiyalarini, shuningdek Qo‘mita faoliyatini tashkil etish hamda amalga oshirishda davlat hokimiyati va boshqaruvi, xo‘jalik boshqaruvi organlari, tashkilot hamda muassasalar, nodavlat notijorat tashkilotlari, ommaviy axborot vositalari va fuqarolar bilan hamkorlik qilish tartibini belgilaydi.
2. Qo‘mita o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisi palatalari, O‘zbekiston Respublikasi Oliy Majlisi Senati (bundan buyon matnda Senat deb yuritiladi) Kengashi qarorlariga, shuningdek ushbu Nizomga amal qiladi.
O‘zbekiston Respublikasi Oliy Majlisi Qonunchilik palatasidan kelib tushgan qonunlarni dastlabki tarzda ko‘rib chiqish va Senat Kengashiga takliflar kiritish;
Orolbo‘yi va ekologiya masalalariga oid qonunchilik hujjatlari, davlat dasturlarining ijro etilishi ustidan tizimli parlament nazoratini amalga oshirish, shu jumladan davlat organlari, xo‘jalik boshqaruvi organlari rahbarlarining hisobot va axborotlarini eshitib borish;
Orolbo‘yi va ekologiya masalalariga oid mavjud qonunchilik bazasini tahlil qilish, amaldagi normativ-huquqiy hujjatlarni takomillashtirish yuzasidan takliflar ishlab chiqish;
Orolbo‘yi mintaqasini ijtimoiy-iqtisodiy rivojlantirish, mazkur hududda yashovchi aholining genofondini tiklash va sog‘lig‘ini saqlash, ularning turmush sharoitini yaxshilash, bandligini ta’minlash bo‘yicha takliflar ishlab chiqish;
fuqarolarning qulay atrof-tabiiy muhitga ega bo‘lishga oid konstitutsiyaviy huquqlarining so‘zsiz ro‘yobga chiqarilishini ta’minlash yuzasidan choralar ko‘rish;
Orolbo‘yi hududida ekologik vaziyatni yaxshilash, atrof-muhitni muhofaza qilish, bioxilmaxillikni tiklash, hayvonot va o‘simlik dunyosini saqlash bo‘yicha amalga oshirilayotgan ishlar samaradorligini oshirishga hamda Orol dengizi qurishining oqibatlarini bartaraf etish sohasida davlat-xususiy sherikchilikni rivojlantirishga ko‘maklashish;
Orol dengizining qurib qolgan qismidagi sho‘rlangan yerlarda ekotizimlarni tiklash, munosib hayot faoliyatini ta’minlash hamda himoya o‘rmonzorlarini barpo qilish borasidagi ishlarni monitoring qilish;
xorijiy mamlakatlar tajribasini o‘rgangan holda atrof-tabiiy muhitga salbiy ta’sirni kamaytirish bo‘yicha asoslantirilgan takliflar ishlab chiqish;
xalqaro tashkilotlar va xorijiy davlatlar bilan samarali hamkorlikni tashkil etish orqali Orolbo‘yi mintaqasining investitsiyaviy jozibadorligini yaxshilash hamda Orolbo‘yi hududida vujudga kelgan muammolarni bartaraf etish maqsadida xorijiy investitsiyalarni jalb etishga ko‘maklashish;
tegishli vazirlik va idoralar vakillarini jalb qilgan holda Orolbo‘yi hududida vujudga kelgan muammolarni aniqlab borish va ularni hal etish bo‘yicha tegishli choralar ko‘rish;
mutasaddi davlat organlari va nodavlat notijorat tashkilotlarining fuqarolar ekologik madaniyatini oshirish bilan bog‘liq faoliyatiga ko‘maklashish;
Orolbo‘yi mintaqasida ekologik inqiroz oqibatlariga barham berish maqsadida Orolbo‘yi mintaqasi uchun Inson xavfsizligi bo‘yicha ko‘p tomonlama sheriklik asosida Trast fondi bilan samarali hamkorlikni yo‘lga qo‘yish;
jismoniy va yuridik shaxslarning Orolbo‘yi va ekologiya masalalariga oid murojaatlarini ko‘rib chiqish.
5. Qo‘mita o‘z zimmasiga yuklatilgan vazifalarni bajarish uchun qonun hujjatlariga muvofiq quyidagi funksiyalarni amalga oshiradi:
O‘zbekiston Respublikasi Oliy Majlisi Qonunchilik palatasidan kelib tushgan qonunlarni davlat organlari va nodavlat notijorat tashkilotlari, ilmiy muassasalar vakillari, mutaxassislar va olimlardan iborat tarkibda ishchi guruh tuzgan holda dastlabki tarzda ko‘rib chiqadi (qonunlarda umumdavlat va hududiy manfaatlar mutanosibligi ta’minlanganiga alohida e’tibor bergan holda), ular bo‘yicha xulosa tayyorlaydi va Senatning yalpi majlisi kun tartibiga kiritish bilan bog‘liq takliflarni Senat Kengashiga kiritadi;
O‘zbekiston Respublikasi Vazirlar Mahkamasining mamlakat ijtimoiy-iqtisodiy hayotining eng muhim masalalari yuzasidan har yilgi ma’ruzasini dastlabki tarzda ko‘rib chiqadi, zarur hollarda Senatning yalpi majlisida muhokama qilinishi shart bo‘lgan taklif va mulohazalarni ishlab chiqadi, Senatning tegishli qarorlari loyihalarini tayyorlaydi;
O‘zbekiston Respublikasi Bosh vazirining mamlakat ijtimoiy-iqtisodiy rivojlanishining ayrim dolzarb masalalari yuzasidan hisobotini dastlabki tarzda ko‘rib chiqadi, zarur hollarda taklif va mulohazalarni tayyorlaydi, Senatning tegishli qarorlari loyihalarini ishlab chiqadi;
Orolbo‘yi mintaqasida tadbirkorlik faoliyatini yo‘lga qo‘yish, yangi korxonalar qurish, mazkur hudud aholisini ish bilan ta’minlash istagida bo‘lgan tadbirkorlik subyektlariga soliq va bojxona sohalarida imtiyoz va preferensiyalar berishni ko‘zda tutuvchi normativ-huquqiy hujjatlar loyihalarini ishlab chiqadi;
Senat majlislarida hukumat a’zolarining o‘z faoliyatiga doir masalalar yuzasidan axborotini eshitish bo‘yicha Senat Kengashiga takliflar kiritadi;
Orolbo‘yi va ekologiya masalalariga oid normativ-huquqiy hujjatlar, Senat, uning Kengashi qarorlari, davlat dasturlarining davlat hokimiyati va boshqaruvi, xo‘jalik boshqaruvi organlari tomonidan ijro etilishining holatini va huquqni qo‘llash amaliyotini o‘rganadi;
Orolbo‘yi atrof-tabiiy muhitini muhofaza qilish va ekologiya masalalari bo‘yicha tizimli dasturlar va loyihalar ishlab chiqilishida ishtirok etadi hamda ularning ijro etilishini nazorat qiladi;
Orolbo‘yi va ekologiya masalalariga oid qonunchilikni yanada takomillashtirishga doir takliflar tayyorlash va kiritish maqsadida xalqaro tajribani o‘rganadi va muntazam tahlillar olib boradi;
Senatning yalpi majlislarida ma’qullangan qonunlarning mazmun-mohiyatini keng aholi e’tiboriga yetkazish maqsadida hamda Orolbo‘yi mintaqasida yashovchi aholining turmush sharoitini yanada yaxshilash va ekologiya masalalari bo‘yicha tegishli xalq deputatlari mahalliy Kengashlari bilan samarali hamkorlikni yo‘lga qo‘yadi;
qabul qilingan qonunlarning mazmun-mohiyatini keng ommaga yetkazish, qonunchilikni takomillashtirish va boshqa dolzarb masalalar bo‘yicha tadbirlar (konferensiya, davra suhbati, seminarlar) o‘tkazadi;
hayvonot va o‘simlik dunyosini saqlash bo‘yicha amalga oshirilayotgan ishlar samaradorligini oshirishga, mavjud qo‘riqxonalarni qaytadan ta’mirlash va yangi qo‘riqxona hududlarini yaratish bo‘yicha ishlarga ko‘maklashadi;
Orol dengizining O‘zbekiston Respublikasi tomonidagi qurigan tubida dov-daraxtlar ekilgan maydonlarni va himoya o‘rmonzorlarini kengaytirish yuzasidan takliflar ishlab chiqadi;
Orolbo‘yi hududida ekologik vaziyatni yaxshilash, atrof-muhitni muhofaza qilish, o‘simlik va hayvonot dunyosini sog‘lomlashtirish, bioxilmaxillikni tiklashga oid muammolarini hal etish borasidagi ishlarga keng jamoatchilikni jalb etishga ko‘maklashadi;
Orolbo‘yi mintaqasini samarali va barqaror ijtimoiy-iqtisodiy rivojlantirish maqsadida tadbirkorlik subyektlarini jalb qilgan holda mazkur hududda ekologik innovatsiyalar va texnologiyalar zonasini yaratish borasidagi ishlarga ko‘maklashadi;
Orol dengizining qurib qolgan qismidagi sho‘rlangan yerlarda ekotizimlarni tiklash hamda munosib hayot faoliyatini ta’minlash, himoya o‘rmonzorlarini barpo qilish borasida mutasaddi idoralar tomonidan amalga oshirilayotgan ishlarni tizimli ravishda o‘rganib boradi va ularning axborotini eshitadi;
xorijiy mamlakatlar tajribasini o‘rgangan holda atrof-tabiiy muhitga salbiy ta’sirni kamaytirish bo‘yicha asoslantirilgan takliflar ishlab chiqadi;
fuqarolarning qulay atrof-tabiiy muhitga ega bo‘lishiga oid konstitutsiyaviy huquqlarining so‘zsiz ro‘yobga chiqarilishini ta’minlash bo‘yicha tahlillar olib boradi va qarorlar qabul qiladi;
ekologik turizmni rivojlantirish maqsadida tizimli tahlillar olib boradi, ushbu sohani rivojlantirish yuzasidan qarorlar qabul qiladi;
Orolbo‘yi mintaqasida yashovchi aholining genofondini tiklash va sog‘ligini saqlash bo‘yicha takliflar ishlab chiqadi, ularning amalga oshirilishini nazorat qiladi;
Orolbo‘yi mintaqasida yashovchi aholiga malakali mutaxassislarni jalb qilgan holda tibbiy xizmatlar ko‘rsatish mexanizmlari samaradorligini oshirish bo‘yicha takliflar ishlab chiqadi;
Orolbo‘yi mintaqasida yashovchi aholiga chorvachilik, parrandachilik, intensiv bog‘dorchilik va uzumchilik, qishloq xo‘jaligi va chorvachilik mahsulotlarini qayta ishlash, energiya samarador issiqxonalar va sovutkich kameralar tashkil qilishga, ularga tadbirkorlik faoliyatini yo‘lga qo‘yish uchun imtiyozli asosda kreditlar ajratilishiga ko‘maklashadi;
Orolbo‘yi mintaqasini obodonlashtirish, mazkur hududda toza ichimlik suvi ta’minoti, kanalizatsiya va boshqa ichki muhandislik-kommunikatsiya tizimlarini yaxshilashga qaratilgan dasturlar ijrosini nazorat qiladi;
Orolbo‘yi mintaqasining investitsiyaviy jozibadorligini yaxshilash maqsadida rivojlangan xorijiy mamlakatlar olimlari va tadbirkorlarini jalb qilgan holda Orolbo‘yi hududida tadbirkorlik faoliyatini amalga oshirish uchun yaratilgan imtiyozlar haqida xalqaro konferensiya va boshqa anjumanlar tashkil qilib boradi;
Orolbo‘yi mintaqasida ekologik inqiroz oqibatlariga barham berish maqsadida Orolbo‘yi mintaqasi uchun Inson xavfsizligi bo‘yicha ko‘p tomonlama sheriklik asosida Trast fondi bilan samarali hamkorlikni yo‘lga qo‘yadi;
Moliya vazirligi huzuridagi Orolbo‘yi mintaqasini rivojlantirish jamg‘armasi mablag‘lari maqsadli sarflanishini nazorat qiladi;
Senatga kelib tushgan jismoniy va yuridik shaxslarning Orolbo‘yi va ekologiya masalalariga oid murojaatlarini ko‘rib chiqadi hamda ularni hal etish yuzasidan zarur choralar ko‘radi, jismoniy shaxslarni va yuridik shaxslar vakillarini qabul qilish orqali xalq bilan muloqotni amalga oshiradi, murojaatlarning tahlilini yuritadi;
davlat organlari va boshqa tashkilotlardan, mansabdor shaxslardan hujjatlarni, ekspertlik va boshqa xulosalarni, statistik va boshqa ma’lumotlarni talab qilib oladi;
Qo‘mita faoliyatiga doir masalalar yuzasidan davlat hokimiyati va boshqaruvi, xo‘jalik boshqaruvi organlari, boshqa tashkilotlar hamda muassasalar, nodavlat notijorat tashkilotlari, ommaviy axborot vositalari va fuqarolar bilan hamkorlik qiladi;
Qo‘mita faoliyatini tashkil etish va Qo‘mita a’zolarining faoliyatini muvofiqlashtirishga oid masalalarni hal etadi.
6. Qo‘mita senatorlar orasidan Senat vakolatlari muddatiga rais, uning o‘rinbosari va a’zolaridan iborat tarkibda tuziladi.
Qo‘mita tarkibini saylash va unga o‘zgartirishlar kiritish O‘zbekiston Respublikasi Oliy Majlisi Senatining Reglamentida belgilangan tartibda amalga oshiriladi.
Qo‘mita ish rejasi loyihasini tayyorlaydi va Qo‘mitaning tasdiqlangan ish rejasi bajarilishini nazorat qiladi;
zarur materiallar tayyorlanishini tashkil etadi, Qo‘mita majlislarini chaqiradi va ularda raislik qiladi;
Qo‘mita a’zolariga topshiriqlar beradi, ularga Qo‘mita faoliyati bilan bog‘liq materiallar va hujjatlarni yuboradi;
Qonunchilik palatasidan kelib tushgan qonunlarni ko‘rib chiqish bo‘yicha ishchi guruhlar ishida ishtirok etish, shuningdek Qo‘mitaning boshqa topshiriqlarini bajarish uchun Qo‘mita a’zolarini belgilaydi;
davlat organlari, nodavlat notijorat tashkilotlari, ilmiy muassasalar, xo‘jalik yurituvchi subyektlar, matbuot organlari, televideniye, radio va boshqa ommaviy axborot vositalari vakillari, shuningdek mutaxassislar, ekspertlar va olimlarni Qo‘mita ishida ishtirok etishga taklif qiladi;
Senat, uning Kengashi majlislarida, davlat organlari va nodavlat notijorat tashkilotlari bilan munosabatlarda Qo‘mita nomidan ish ko‘radi;
Senatni, uning Kengashini, Senat Raisi va uning o‘rinbosarlarini Senat rahbariyati topshiriqlari bajarilishidan xabardor qiladi;
Qo‘mita tomonidan qabul qilingan qarorlar bajarilishi va Qo‘mita tavsiyalari ko‘rib chiqilishidan Qo‘mita a’zolarini xabardor qiladi;
qonunlarda, O‘zbekiston Respublikasi Oliy Majlisi Senatining Reglamentida hamda ushbu Nizomda nazarda tutilgan boshqa vakolatlarni amalga oshiradi.
8. Qo‘mita raisining o‘rinbosari Qo‘mita raisining topshirig‘iga binoan uning ayrim vazifalarini bajaradi va Qo‘mita raisi yo‘qligida yoki o‘z vazifalarini amalga oshirishi mumkin bo‘lmagan taqdirda, uning vazifasini bajarib turadi.
Qo‘mita raisining o‘rinbosari Orolbo‘yi mintaqasiga oid masalalarni bevosita hududga chiqqan holda hal etadi.
Qo‘mita majlisini rais o‘z tashabbusiga yoki Qo‘mita a’zolari umumiy sonining yarmidan ko‘pi tashabbusiga ko‘ra chaqiradi.
Qo‘mita a’zosi uzrli sabablarga ko‘ra Qo‘mita majlisida ishtirok etish imkoniyati yo‘qligi haqida Qo‘mita raisini oldindan xabardor qiladi.
11. Qo‘mita majlisi to‘g‘risida Qo‘mita raisi, qoida tariqasida, Senat Raisini majlis o‘tkazilishidan kamida yetti kun avval xabardor qiladi. Shu bilan bir vaqtda unga barcha zarur hujjatlarni taqdim etadi. Senat Raisidan majlisni o‘tkazish to‘g‘risida rozilik olinganidan so‘ng Qo‘mita raisi Qo‘mita a’zolarini va majlisning boshqa ishtirokchilarini xabardor qiladi.
12. Qo‘mitaning majlislari, agar ularda Qo‘mita a’zolarining kamida yarmi hozir bo‘lsa, vakolatli hisoblanadi.
13. Qo‘mita majlisini Qo‘mita raisi, u bo‘lmagan yoki o‘z vazifalarini bajara olmagan taqdirda Qo‘mita raisi o‘rinbosari yoki Qo‘mita a’zolaridan biri olib boradi.
14. Qo‘mitaning majlislari ochiq tarzda o‘tkaziladi. Zarurat bo‘lganida Qo‘mita yopiq majlis o‘tkazish to‘g‘risida qaror qabul qilishi mumkin.
Qo‘mita majlislariga davlat hokimiyati va boshqaruvi, xo‘jalik boshqaruvi organlari, korxonalar, tashkilotlar hamda muassasalar, nodavlat notijorat tashkilotlari, ilmiy muassasalar, ommaviy axborot vositalari vakillari, shuningdek Senatning boshqa qo‘mitalari a’zolari va Senat devoni xodimlari taklif qilinishi mumkin.
15. Qo‘mita ko‘rib chiqilayotgan masalalar yuzasidan Qo‘mita jami a’zolarining ko‘pchilik ovozi bilan qarorlar qabul qiladi.
Qo‘mitaning davlat organlariga yuborilayotgan qarorlari ular tomonidan ko‘rib chiqilishi shart, natijalari yoki ko‘rilgan choralar to‘g‘risida, agar qarorda boshqacha qoida belgilangan bo‘lmasa, uzog‘i bilan bir oydan kechiktirmay xabar qilinishi kerak.
17. Qo‘mitaning ishi uning ish rejasiga, shuningdek Senat, Senat Kengashi, Senat Raisi topshiriqlari hamda tavsiyalariga muvofiq tashkil etiladi.
18. Qo‘mitaning qonunlar, Senat qarorlari ijrosi, huquqni qo‘llash amaliyoti holatini o‘rganish bo‘yicha yarim yillik ish rejalari Senat Kengashi tomonidan yilning 1-fevrali va 1-iyuliga qadar tasdiqlanadi.
Qo‘mitaning qonunlar, Senat qarorlari ijrosi, huquqni qo‘llash amaliyoti holatini o‘rganish bo‘yicha yarim yillik ish rejalarini ko‘rib chiqish natijalari yuzasidan Senat Kengashi qaror qabul qiladi.
19. Qonunlarni muhokama qilishga, nazorat tadbirlarini tayyorlash va o‘tkazishga ko‘maklashish maqsadida Qo‘mita huzurida ekspert guruhlari tuziladi.
20. Qo‘mita o‘z zimmasiga yuklatilgan vazifalarni lozim darajada bajarilishini ta’minlash maqsadida davlat hokimiyati va boshqaruvi, xo‘jalik boshqaruvi organlari xodimlaridan, korxonalar, tashkilotlar hamda muassasalar, nodavlat notijorat tashkilotlari, ilmiy muassasalar, ommaviy axborot vositalari vakillaridan va sohada yetuk nazariy va amaliy bilimlarga ega bo‘lgan shaxslardan iborat tarkibda ilmiy-konsultativ kengashlar, ishchi guruhlar tuzishi mumkin.
21. Qo‘mitaning joylardagi a’zolari har oyda o‘z faoliyati haqida Qo‘mitaga tegishli axborotlar taqdim etib boradi.