Mamlakatimizda qishloq xo‘jaligi va oziq-ovqat mahsulotlari yo‘qotishlarini qisqartirish, mahsulotlar iste’molida isrofgarchiliklarning oldini olish maqsadida Vazirlar Mahkamasi qaror qiladi:
Oldingi tahrirga qarang.
1. O‘zbekiston Respublikasi Qishloq xo‘jaligi vazirligi, Iqtisodiy taraqqiyot va kambag‘allikni qisqartirish vazirligi hamda Savdo-sanoat palatasining “ekin maydonidan savdo do‘konigacha” bo‘lgan zanjirda qishloq xo‘jaligi va asosiy turdagi oziq-ovqat mahsulotlari qoldiqlari to‘g‘risida ma’lumot olish hamda onlayn rejimida mahsulotlar savdosini amalga oshirish imkonini beruvchi Qishloq xo‘jaligi vazirligi huzuridagi “Agrosanoatni raqamlashtirish markazi” MChJ Elektron agrosanoat bozori portalini (keyingi o‘rinlarda — Elektron portal) tashkil etish bo‘yicha takliflari ma’qullansin.
(1-band O‘zbekiston Respublikasi Vazirlar Mahkamasining 2023-yil 3-avgustdagi 330-sonli qarori tahririda — Qonunchilik ma’lumotlari milliy bazasi, 04.08.2023-y., 09/23/330/0559-son)
Qoraqalpog‘iston Respublikasi, viloyatlar va Toshkent shahar, tuman (shahar)lar, xo‘jalik yurituvchi subyektlar, shu jumladan, ulgurji savdo tashkilotlari bo‘yicha mavjud qishloq xo‘jaligi va oziq-ovqat mahsulotlari hajmi, zaxiralari va yetkazib berish bo‘yicha kontraktatsiya shartnomalari to‘g‘risidagi ma’lumotlarning real vaqt rejimida monitoringini yuritish;
asosiy turdagi qishloq xo‘jaligi va oziq-ovqat mahsulotlari narxlari va ularning dinamikasi bo‘yicha ma’lumotlarni to‘plash va tahlil qilish;
xo‘jalik yurituvchi subyektlar o‘rtasida onlayn rejimda kooperatsiya aloqalarini yo‘lga qo‘yish va elektron savdolarni tashkil etish.
3. Belgilab qo‘yilsinki, Qoraqalpog‘iston Respublikasi Vazirlar Kengashi, viloyatlar, Toshkent shahar va tuman (shahar)lar hokimliklari, hududlarida faoliyat ko‘rsatayotgan xo‘jalik yurituvchi subyektlar, shu jumladan, ulgurji savdo tashkilotlari tomonidan mavjud qishloq xo‘jaligi va oziq-ovqat mahsulotlari hajmi, zaxiralari va yetkazib berish bo‘yicha kontraktatsiya shartnomalari to‘g‘risidagi ma’lumotlarni Elektron portalga joylashtirishda amaliy yordam ko‘rsatadi.
ikki oy muddatda Elektron portalga doir loyiha-texnik hujjatlarni ishlab chiqib, ishga tushirish choralarini ko‘rsin hamda uning doimiy faoliyat yuritilishini ta’minlasin;
Elektron portal 2021-yil 1-oktabrdan 1-dekabrga qadar “test rejimida” ishlashini va 2022-yil 1-yanvardan boshlab to‘liq ishga tushirilishini ta’minlasin;
b) Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, O‘zbekiston fermer, dehqon xo‘jaliklari va tomorqa yer egalari kengashi bilan birgalikda hududlarda Elektron portal faoliyatini 2022-yil 1-yanvarga qadar to‘liq yo‘lga qo‘yishga ko‘maklashsin;
v) O‘zbekiston fermer, dehqon xo‘jaliklari va tomorqa yer egalari kengashi, Iqtisodiy taraqqiyot va kambag‘allikni qisqartirish vazirligi, Savdo-sanoat palatasi hamda boshqa manfaatdor vazirliklar va idoralar bilan birgalikda ikki oy muddatda Elektron portal faoliyatini tashkil etish va yuritish tartibini nazarda tutuvchi nizomni ishlab chiqib, tasdiqlasin.
Oldingi tahrirga qarang.
O‘zbekiston Respublikasi Qishloq xo‘jaligi vazirligi huzuridagi “Agrosanoatni raqamlashtirish markazi” MChJ Elektron portalni shakllantirish, yuritish, texnik qo‘llab-quvvatlash va takomillashtirib borish uchun mas’ul organ hisoblanadi;
(5-bandning ikkinchi xatboshisi O‘zbekiston Respublikasi Vazirlar Mahkamasining 2023-yil 3-avgustdagi 330-sonli qarori tahririda — Qonunchilik ma’lumotlari milliy bazasi, 04.08.2023-y., 09/23/330/0559-son)
Elektron portalni ishga tushirish va uning faoliyatini ta’minlash bilan bog‘liq xarajatlar O‘zbekiston Respublikasi Qishloq xo‘jaligi vazirligi huzuridagi Qishloq xo‘jaligini rivojlantirish va oziq-ovqat ta’minoti jamg‘armasi mablag‘lari hisobidan amalga oshiriladi.
6. Meva-sabzavotlarni saqlash, tashish va chakana savdoda muzlatkichlardan foydalanishni rag‘batlantirish maqsadida shunday tartib o‘rnatilsinki, unga muvofiq “E-AUKSION” elektron savdo platformasi orqali ajratilgan davlat mulki hisoblangan yer uchastkalari va bino-inshootlar qiymati tadbirkorlik subyekti tomonidan, istisno tariqasida, savdo o‘tkazilgan sanadan boshlab bir yil davomida teng ulushlarda bo‘lib-bo‘lib to‘lash mexanizmi joriy qilinadi.
7. O‘zbekiston Respublikasi Iqtisodiy taraqqiyot va kambag‘allikni qisqartirish vazirligi Qishloq xo‘jaligi vazirligi, Moliya vazirligi, Sog‘liqni saqlash vazirligi, Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi, Fanlar akademiyasi, Iqtisodiy tadqiqotlar markazi, ilmiy-tadqiqot institutlari, Birlashgan Millatlar Tashkilotining Qishloq xo‘jaligi va oziq-ovqat tashkiloti hamda Jahon banki ekspertlari bilan birgalikda ikki oy muddatda xorijiy tajribani chuqur o‘rgangan holda respublikada oziq-ovqat mahsulotlari isrofgarchiligini kamaytirish, ushbu mahsulotlarni yig‘ib olish va ularni xayriya tarzida aholining ehtiyojmand qatlamiga tarqatish faoliyatini amalga oshiruvchi “Food Banking” tashkilotlari tizimini joriy etish yuzasidan Vazirlar Mahkamasiga asoslangan takliflar kiritsin.
Oldingi tahrirga qarang.
(8-bandning birinchi xatboshisi O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
tegishli davlat organlari va jamoat tashkilotlari, soha bo‘yicha xususiy sektorning ekspertlari va mutaxassislari bilan yaqindan hamkorlikda tomorqa xo‘jaligi egalari va iste’molchilar bilan oziq-ovqat mahsulotlarini ishlab chiqarish (yetishtirish), tashish, saqlash va iste’mol qilish davrida oziq-ovqat yo‘qotishlarini qisqartirish choralarini ko‘rish, isrofgarchilikni oldini olish bo‘yicha keng qamrovli targ‘ibot ishlarini amalga oshirsin;
mahalla fuqarolar yig‘inlari va mahalla faollari bilan birgalikda umumiy ovqatlanish tashkilotlarida, to‘ylar, oilaviy tantanalar, ma’raka va marosimlarda oziq-ovqat mahsulotlarining jismoniy va yuridik shaxslar tomonidan sababsiz isrof qilinishi holatlarining oldini olish yuzasidan manzilli choralar ko‘rsin.
9. O‘zbekiston Milliy teleradiokompaniyasi, O‘zbekiston Musulmonlari idorasiga ommaviy axborot vositalari orqali aholi o‘rtasida mavjud resurslardan oqilona foydalanish, isrofgarchiliklar oldini olishga, shu jumladan umumiy ovqatlanish shaxobchalari oziq-ovqat mahsulotlarini sababsiz isrof qilish holatlariga yo‘l qo‘ymaslikka qaratilgan ma’lumotlar bilan jihozlanishi va xizmat ko‘rsatuvchi xodimlar iste’molchilarni buyurtma berishdan oldin ogohlantirishi lozimligi bo‘yicha suhbatlar, ko‘rsatuv va eshittirishlarni tashkil etish tavsiya etilsin.
10. Mazkur qarorning bajarilishini nazorat qilish O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari Sh.M. G‘aniyev, Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari zimmasiga yuklansin.