Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuni hamda Oʻzbekiston Respublikasi Prezidentining 2021-yil 30-apreldagi PF-6218-son “Milliy qonunchilik bazasini kompleks tizimlashtirish chora-tadbirlari toʻgʻrisida”gi Farmoni va Oʻzbekiston Respublikasi Prezidentining 2020-yil 24-fevraldagi PQ-4611-son “Moliyaviy hisobotning xalqaro standartlariga oʻtish boʻyicha qoʻshimcha chora-tadbirlar toʻgʻrisida”gi qaroriga muvofiq Oʻzbekiston Respublikasi Markaziy banki boshqaruvi qaror qiladi:

1. Oʻzbekiston Respublikasi Markaziy banki tomonidan qabul qilingan ayrim normativ-huquqiy hujjatlar ilovaga muvofiq oʻz kuchini yoʻqotgan deb topilsin.

2. Mazkur qaror rasmiy eʼlon qilingan kundan eʼtiboran uch oydan keyin kuchga kiradi.

1. Oʻzbekiston Respublikasi Markaziy banki boshqaruvining 2003-yil 8-noyabrdagi 27/4-son “Tijorat banklarida moliyaviy hisobotlaridagi xatolarni tuzatish tartibi toʻgʻrisida nizomni tasdiqlash haqida”gi qarori (roʻyxat raqami 1301, 2004-yil 21-yanvar) (Oʻzbekiston Respublikasi qonun hujjatlari toʻplami, 2004-y., 3-son, 37-modda).

2. Oʻzbekiston Respublikasi Markaziy banki boshqaruvining 2004-yil 6-noyabrdagi 24/8-son “Tijorat banklari tomonidan shuʼba xoʻjalik jamiyatlariga qilingan investitsiyalarning buxgalteriya hisobini yuritish toʻgʻrisidagi nizomni tasdiqlash haqida”gi qarori (roʻyxat raqami 1424, 2004-yil 19-noyabr) (Oʻzbekiston Respublikasi qonun hujjatlari toʻplami, 2004-y., 45-46-son, 484-modda).

3. Oʻzbekiston Respublikasi Markaziy banki boshqaruvining 2010-yil 23-oktabrdagi 34/5-son “Tijorat banklari tomonidan shuʼba xoʻjalik jamiyatlariga qilingan investitsiyalarning buxgalteriya hisobini yuritish toʻgʻrisidagi nizomga oʻzgartirishlar kiritish haqida”gi qarori (roʻyxat raqami 1424-1, 2010-yil 15-noyabr) (Oʻzbekiston Respublikasi qonun hujjatlari toʻplami, 2010-y., 46-son, 421-modda).

4. Oʻzbekiston Respublikasi Markaziy banki boshqaruvining 2004-yil 6-noyabrdagi 24/10-son “Hisobot sanasidan keyin yuz bergan voqealarni banklar tomonidan buxgalteriya hisobida aks ettirish toʻgʻrisida nizomni tasdiqlash haqida”gi qarori (roʻyxat raqami 1426, 2004-yil 23-noyabr) (Oʻzbekiston Respublikasi qonun hujjatlari toʻplami, 2004-y., 47-son, 489-modda).

5. Oʻzbekiston Respublikasi Markaziy banki boshqaruvining 2004-yil 6-noyabrdagi 24/11-son “Tijorat banklarining birgalikdagi faoliyatda ishtirokining buxgalteriya hisobi tartibi toʻgʻrisida nizomni tasdiqlash haqida”gi qarori (roʻyxat raqami 1427, 2004-yil 23-noyabr) (Oʻzbekiston Respublikasi qonun hujjatlari toʻplami, 2004-y., 47-son, 490-modda).

6. Oʻzbekiston Respublikasi Markaziy banki boshqaruvining 2004-yil 6-noyabrdagi 24/9-son “Tijorat banklari tomonidan qaram xoʻjalik jamiyatlariga qilingan investitsiyalarning buxgalteriya hisobini yuritish tartibi toʻgʻrisida nizomni tasdiqlash haqida”gi qarori (roʻyxat raqami 1429, 2004-yil 2-dekabr) (Oʻzbekiston Respublikasi qonun hujjatlari toʻplami, 2004-y., 48-49-son, 499-modda).

7. Oʻzbekiston Respublikasi Markaziy banki boshqaruvining 2004-yil 27-noyabrdagi 25/5-son “Tijorat banklarida qimmatbaho metallar, toshlar va tangalarning buxgalteriya hisobini yuritish tartibi toʻgʻrisidagi nizomni tasdiqlash toʻgʻrisida”gi qarori (roʻyxat raqami 1431, 2004-yil 17-dekabr) (Oʻzbekiston Respublikasi qonun hujjatlari toʻplami, 2004-y., 50-son, 506-modda).