Oʻzbekiston Respublikasi Vazirlar Mahkamasining 2021-yil 19-fevraldagi 85-son “Diplomatik korpus, xalqaro va mahalliy nodavlat notijorat tashkilotlar hamda ommaviy axborot vositalari vakillarining jazoni ijro etish muassasalariga tashrifini tashkil etish tartibi toʻgʻrisidagi nizomni tasdiqlash haqida”gi qaroriga muvofiq, buyuraman:

1. Oʻzbekiston Respublikasi ichki ishlar vazirining 2004-yil 1-noyabrdagi “Diplomatik korpus, xalqaro nohukumat hamda mahalliy nodavlat va notijorat tashkilotlar, ommaviy axborot vositalari vakillarini jazoni ijro etish tizimi muassasalariga tashrifini tashkillashtirish tartibi toʻgʻrisidagi yoʻriqnomani tasdiqlash haqida”gi (roʻyxat raqami 1425, 2004-yil 20-noyabr) (Oʻzbekiston Respublikasi qonun hujjatlari toʻplami, 2004-y., 47-son, 487-modda) buyrugʻi oʻz kuchini yoʻqotgan deb topilsin.

2. Mazkur buyruq Oʻzbekiston Respublikasi Davlat xavfsizlik xizmati, Bosh prokuraturasi va Tashqi ishlar vazirligi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.