T/r | Chora-tadbirlar | Amalga oshirish mexanizmi | Bajarish muddati | Moliyalashtirish manbalari | Ijro uchun mas’ullar |
I. Universitet faoliyatini yo‘lga qo‘yish chora-tadbirlari | |||||
1. | “Yangi O‘zbekiston” universitetini (keyingi o‘rinlarda — Universitet) davlat ro‘yxatidan o‘tkazish va uning tuzilmasini tasdiqlash. | 1. Universitet ustavini ishlab chiqish va tasdiqlash. 2. Universitetni belgilangan tartibda davlat ro‘yxatidan o‘tkazish. 3. Universitet tuzilmasini shakllantirish va tasdiqlash. | 2021-yil iyul | - | Prezident, ijod va ixtisoslashtirilgan maktablarni rivojlantirish agentligi (keyingi o‘rinlarda — Agentlik) |
2. | Universitet faoliyatini tashkil etish bo‘yicha nufuzli xorijiy oliy ta’lim muassasalari bilan hamkorlik o‘rnatish. | 1. Universitet faoliyatini dastlabki bosqichda tashkil etish bo‘yicha nufuzli xorijiy oliy ta’lim muassasalarini aniqlash. 2. Aniqlangan oliy ta’lim muassasalari bilan muzokaralar olib borish va ular bilan uzoq muddatli kelishuvga erishish. | 2021-yil iyul | - | Agentlik (H. Umarova), Tashqi ishlar vazirligi (A. Kamilov) |
3. | Universitetni yuqori kasbiy mahoratga ega bo‘lgan tajribali va malakali mutaxassislar bilan to‘ldirish. | 1. Universitet ehtiyojidan kelib chiqib, xorijiy hamkor tashkilotlar bilan birgalikda professor-o‘qituvchilar tarkibini shakllantirish. | 2021-yil iyul | - | Agentlik (H. Umarova), Universitet, Tashqi ishlar vazirligi (A. Kamilov) |
2. Universitet ta’lim jarayoniga jalb etiladigan xorijiy va mahalliy professor-o‘qituvchilar hamda malakali mutaxassislarni ochiq tanlov asosida saralab olish. | 2021-yil avgust | ||||
4. | Universitetga talabalarni qabul qilish jarayonini tashkil etish. | 1. Universitetning ta’lim yo‘nalishlari va mutaxassisliklari kesimida qabul parametrlarini belgilash. | 2021-yil iyul | Agentlik huzuridagi jamg‘arma mablag‘lari | Universitet, Agentlik (H. Umarova), Oliy va o‘rta maxsus ta’lim vazirligi (A. Toshkulov) |
2. Qabul qilish shartlari va muddatlarini ommaviy axborot vositalarida e’lon qilish. | |||||
3. Kirish imtihonlarini o‘tkazish va talabalarni o‘qishga qabul qilish. | 2021-yil avgust-sentyabr | ||||
5. | Universitetda iqtidorli talabalarning ta’lim olishini qo‘llab-quvvatlash bo‘yicha davlat grantini berish tartibini ishlab chiqish. | 1. Davlat grantini b?rish tartibini belgilangan tartibda manfaatdor vazirlik va idoralar bilan kelishish. 2. Hukumat qarori loyihasini Vazirlar Mahkamasiga kiritish. | 2021-yil iyul | - | Agentlik (H. Umarova), Oliy va o‘rta maxsus ta’lim vazirligi (A. Toshkulov), Moliya vazirligi (T. Ishmetov) |
6. | Universitetni rivojlantirish va xalqaro tan olingan reyting tashkilotlari ro‘yxatiga kiritish strategiyasini ishlab chiqish. | 1. Strategiyani ishlab chiqishga xorijiy ekspertlar va hamkor oliy ta’lim muassasalari mutaxassislarini jalb etish. | 2021-yil iyul | Agentlik huzuridagi jamg‘arma mablag‘lari | Agentlik (H. Umarova), Universitet, Oliy va o‘rta maxsus ta’lim vazirligi (A. Toshkulov) |
2. Universitetni o‘rta muddatda eng yaxshi 1000 ta, uzoq muddatda eng yaxshi 500 ta oliy ta’lim muassasalari qatoriga kiritish strategiyasini ishlab chiqish. | 2021-yil noyabr | ||||
7. | Universitetni nufuzli xalqaro tashkilotlarda akkreditatsiyadan o‘tkazish. | 1. Xalqaro tashkilotlarning akkreditatsiyadan o‘tkazish talablarini o‘rganish. | 2023-yil iyun | Agentlik huzuridagi jamg‘arma mablag‘lari, Universitet mablag‘lari | Universitet, Agentlik (H. Umarova), Tashqi ishlar vazirligi (A. Kamilov) |
2. Universitetni xalqaro akkreditatsiya talablari darajas�da tayyorlash. | 2026-yil yanvar | ||||
3. Universitetni xalqaro akkreditatsiyadan o‘tkazish ishlarini tashkil etish. | 2027-yil iyun | ||||
8. | Universitetning xalqaro reytinglarda ishtirokini tashkil etish. | 1. Universitet ishtirok etishi kutilayotgan xalqaro reyting tashkilotlari ro‘yxatini tasdiqlash. | 2023-may iyun | Agentlik huzuridagi jamg‘arma mablag‘lari, Universitetning budjetdan tashqari mablag‘lari | Agentlik (H. Umarova), Universitet |
2. Ro‘yxat bo‘yicha xalqaro tashkilotlarning reyting o‘tkazish talablarini o‘rganish. | 2024-yil avgust | ||||
3. Universitetni xalqaro reyting tashkilotlari talablari darajasida tayyorlash. | 2027-yil iyul | ||||
4. Universitetning xalqaro reyting baholash jarayonida ishtirok etishini tashkil etish. | 2029-yil dekabr | ||||
9. | Prezident maktablari, ijod va ixtisoslashtirilgan maktablarga ta’lim uzluksizligi va sifatini ta’minlash borasida Universitet tomonidan metodik yordam ko‘rsatish. | 1. Prezident maktablari, ijod va ixtisoslashtirilgan maktablar faoliyatini o‘rganish. 2. Maktablarning o‘quv jarayoni tahlili asosida ularda ilg‘or pedagogik texnologiyalarni qo‘llashga ko‘maklashish. 3. Universitet tomonidan maktablarda mahorat darslarini tashkil qilish. | Doimiy | Agentlik huzuridagi jamg‘arma mablag‘lari | Agentlik (H. Umarova), Universitet |
II. Universitetning o‘quv jarayonini tashkil etish | |||||
10. | O‘quv jarayonini tashkil etish bilan bog‘liq me’yoriy hujjatlarni ishlab chiqish va tasdiqlash. | 1. Xorijiy oliy ta’lim muassasalari bilan tuzilgan kelishuvlar asosida ta’lim yo‘nalishlarini belgilash, o‘quv rejalari va dasturlarini tasdiqlash. 2. Bakalavriat va magistraturada o‘qish muddatlari va talabalarning o‘quv mashg‘ulotlarida qatnashish tartibini belgilash. 3. Malakali, jumladan xorijiy mutaxassislarni jalb etish, ularga mehnat bozorining amaldagi konyunkturasini hisobga olgan holda ish haqi va boshqa to‘lovlar miqdorini belgilash. | 2021-yil avgust | - | Universitet, Agentlik (H. Umarova) |
11. | Ta’lim jarayoniga xalqaro ta’lim standartlariga asoslangan ilg‘or ta’lim texnologiyalari va o‘qitish metodikalarini joriy etish. | 1. Xorijiy yetakchi oliy ta’lim muassasalarining ilg‘or ta’lim texnologiyalari va o‘qitish metodikalarini o‘rganish va joriy etish choralarini ko‘rish. | 2021-yil sentyabr | Agentlik huzuridagi jamg‘arma mablag‘lari, Universitetning budjetdan tashqari mablag‘lari | Universitet, Agentlik (H. Umarova), Oliy va o‘rta maxsus ta’lim vazirligi (A. Toshkulov) |
2. Xorijiy mutaxassislar ishtirokida ma’ruza va amaliy mashg‘ulotlar o‘tkazish. | Doimiy | ||||
12. | O‘quv va ilmiy-tadqiqot jarayonini zamonaviy darslik, o‘quv qo‘llanma va adabiyotlar, shuningdek, ilmiy nashrlar, o‘quv-uslubiy, ilmiy-metodik qo‘llanmalar bilan ta’minlash, talabalar uchun ilg‘or elektron ma’lumotlar bazalaridan foydalanishga sharoit yaratish. | 1. O‘quv va ilmiy-tadqiqot jarayonini tegishli o‘quv-metodik, ilmiy-metodik qo‘llanmalar va ilmiy nashrlar bilan ta’minlash choralarini ko‘rish. | 2021-yil sentyabr | Agentlik huzuridagi jamg‘arma mablag‘lari, Universitetning budjetdan tashqari mablag‘lari | Agentlik (H. Umarova), Universitet, Oliy va o‘rta maxsus ta’lim vazirligi (A. Toshkulov), Innovatsion rivojlanish vazirligi (I. Abduraxmonov) |
2. Talabalar ta’lim jarayonida foydalanishi uchun ilg‘or elektron ma’lumotlar bazalariga ulanish. | 2021-2022-yillar | ||||
3. Talabalar uchun zamonaviy, jumladan raqamli shaklda kutubxona tashkil etish va uni zamonaviy adabiyot va axborot resurslari bilan boyitib borish. | |||||
13. | Universitet talabalarining tegishli bakalavriat ta’lim yo‘nalishlari va magistratura mutaxassisliklari bo‘yicha amaliy mashg‘ulotlari hamda malaka amaliyotlari davlat organlari, davlat ulushiga ega bo‘lgan xo‘jalik yurituvchi subyektlar, yetakchi ilmiy-tadqiqot muassasalarida o‘tkazilishini tashkil etish. | 1. Kadrlar tayyorlash yo‘nalishlarining xususiyatidan kelib chiqib, talabalarni tegishli tashkilotlarga biriktirish va shartnomalar tuzish. 2. Shartnoma shartlariga muvofiq amaliy mashg‘ulotlar va malakaviy amaliyotni o‘quv jarayoni jadvali asosida tashkil etish, ushbu jarayonni nazorat qilish uchun Universitet va tashkilotlar vakillarini biriktirish. | Reja jadvalga muvofiq | Universitetning budjetdan tashqari mablag‘lari, Agentlik huzuridagi jamg‘arma mablag‘lari | Universitet, Agentlik (H. Umarova), manfaatdor vazirlik va idoralar, xo‘jalik yurituvchi subyektlar, ilmiy-tadqiqot muassasalari |
14. | Universitetda talabalar bo‘sh vaqtining mazmunli o‘tishini tashkil qilish va ularning ijtimoiy hayotini faollashtirish. | 1. Talabalar uchun sport to‘garaklari va san’at studiyalarini tashkil qilish. | 2021-yil oktyabr | Universitetning budjetdan tashqari mablag‘lari, Agentlik huzuridagi jamg‘arma mablag‘lari | Universitet, Agentlik (H. Umarova) |
2. Talabalar uchun ekskursiyalar tashkil etish, turli trening va madaniy uchrashuvlar o‘tkazish. | Reja jadvalga muvofiq | ||||
15. | 2021 — 2024-yillar uchun Universitet ta’lim jarayonini tashkil etishning ustuvor yo‘nalishlarini belgilash. | 1. Fakultetlar sonini 5 taga, yo‘nalishlar sonini 10 taga yetkazish. | 2021-yil sentyabr | - | Universitet, Agentlik (H. Umarova) |
2. Magistratura bosqichiga qabul kvotasini 50 taga yetkazish. | 2022-yil sentyabr | ||||
3. Ilmiy unvon va xalqaro sertifikatlarga ega pedagoglar sonini 124 nafarga yetkazish. | 2023-yil sentyabr | ||||
4. Bakalavr bosqichi talabalari sonini 500 nafarga, doktorantlar sonini 10 nafarga yetkazish. | 2024-yil sentyabr | ||||
16. | 2025 — 2028-yillar uchun Universitet ta’lim jarayonining ustuvor yo‘nalishlarini belgilash. | 1. Fakultetlar sonini 6 taga, yo‘nalishlar sonini 12 taga yetkazish. | 2025-yil sentyabr | - | Universitet, Agentlik (H. Umarova) |
2. Magistratura bosqichida talabalar sonini 400 nafarga yetkazish. | 2027-yil sentyabr | ||||
3. Ilmiy unvon va xalqaro sertifikatlarga ega pedagoglar sonini 587 nafarga yetkazish. | 2028-yil sentyabr | ||||
4. Bakalavr bosqichi talabalari sonini 4700 nafarga, doktorantlar sonini 100 nafarga yetkazish. | 2028-yil sentyabr | ||||
17. | Xalqaro hamkorlik aloqalarini yo‘lga qo‘yish va talabalarning amaliy ko‘nikmalarini orttirish tizimini joriy etish va takomillashtirish. | 1. Xalqaro kompaniyalar va korxonalarda amaliyot o‘tash tizimini joriy etish. 2. Yirik kompaniyalar faoliyatini o‘rganish. 3. Talabalarni ixtisoslik sohasiga amaliyot orqali o‘rgatish tizimini joriy etish. | 2022-yil yanvar — may | Universitetning budjetdan tashqari mablag‘lari, Agentlik huzuridagi jamg‘arma mablag‘lari | Universitet, Agentlik (H. Umarova) |
18. | Agrotexnologiyalar fakultetini tashkil etish. | 1. Fakultetni tashkil etishda xalqaro tajribalarni o‘rganish. Bunda, “Gen muhandisligi”, “Atrof-muhit muhandisligi”, “Biotizimlar muhandisligi” va “Agroiqtisodiyot” sohalarini tahlil qilish. | 2022 — 2024-yillar | - | Universitet, Agentlik (H. Umarova) |
2. Agrotexnologiyalar fakultetiga talabalarni qab?l qilish. | 2024/2025 o‘quv yilidan | ||||
III. Ilmiy-innovatsion faoliyat va xalqaro hamkorlikni tashkil etish | |||||
19. | Universitet professor-o‘qituvchilari, tadqiqotchilari va talabalarini tegishli sohalarning ilmiy-texnik muammolariga yo‘naltirilgan ilmiy-tadqiqot ishlariga jalb etish. | 1. Sohalarning ilmiy-texnik muammolari bazasini shakllantirish va doimiy yangilab borish. 2. Universitet professor-o‘qituvchilari, tadqiqotchilari va talabalarini tegishli ilmiy-tadqiqot ishlariga biriktirish. | Har o‘quv yilining sentyabr-oktyabr oylari | Agentlik huzuridagi jamg‘arma mablag‘lari | Universitet, Agentlik (H. Umarova), Innovatsion rivojlanish vazirligi (I. Abduraxmonov) |
3. Ilmiy-tadqiqot ishlari natijalarini impakt faktori yuqori bo‘lgan xorijiy va mahalliy ilmiy jurnallarda chop etish hamda natijalarni amaliyotga joriy etish choralarini ko‘rish. | Doimiy | ||||
20. | Bugungi kun talablaridan kelib chiqib, yuqori natijadorlikka erishishga yo‘naltirilgan ilmiy izlanishlarni olib borish orqali Universitetning ilmiy salohiyatini oshirish. | 1. Professor-o‘qituvchilarning xorijiy mamlakatlarda o‘tkaziladigan xalqaro konferensiyalar, simpoziumlar va seminarlarda tizimli ravishda ishtirokini ta’minlash. | 2022-yil yanvar oyida� boshlab doimiy | Agentlik huzuridagi jamg‘arma mablag‘lari | Universitet, Agentlik (H. Umarova), manfaatdor vazirlik va idoralar |
2. Universitetning ilmiy salohiyatini oshirish uchun mutaxassislik yo‘nalishlaridan kelib chiqib, falsafa fanlari doktori (RhD) hamda fan doktorlarining (DSs) yetakchi oliy ta’lim muassasalari bilan hamkorligini yo‘lga qo‘yish. 3. Etakchi oliy ta’lim muassasalari professor-o‘qituvchilari va xodimlarini ilmiy-tadqiqot ishlariga faol jalb etish. | 2023-yil yanvar oyidan boshlab doimiy | ||||
21. | Xorijiy universitetlar bilan hamkorlikda talabalar almashinuvini va qo‘shma ilmiy-tadqiqotlarni tashkil etish. | 1. Etakchi xorijiy universitetlar va ilmiy markazlar bilan qo‘shma ilmiy tadqiqotlar olib borishni yo‘lga qo‘yish. | 2022-yil noyabr | Universitet mablag‘lari, Agentlik huzuridagi jamg‘arma mablag‘lari | Universitet, Agentlik (H. Umarova), “El-yurt umidi” jamg‘armasi (A. Bekmurodov) |
2. Talabalarning xalqaro ilmiy konferensiyalarda ishtirokini ta’minlash. | 2023-yil martdan boshlab doimiy | ||||
22. | Innovatsiya va ilmiy faoliyatni olib borish, ilm-fan yutuqlarini tijoratlashtirish hamda moliyaviy resurslarni jalb etish. | 1. Innovatsion ishlanmalarni tijoratlashtirish yuzasidan ilg‘or xorijiy tajribani o‘rganish. 2. Mamlakatdagi iqtisodiyot tarmoqlari va ishlab chiqarish korxonalari ehtiyojlarini tahlil qilish. 3. Universitet professor-o‘qituvchilari, tadqiqotchilari va talabalari salohiyatdan foydalanib tijorat hamda notijorat tashkilotlar tuzish. | Doimiy | - | Universitet, Agentlik (H. Umarova), Innovatsion rivojlanishvazirligi (I. Abduraxmonov), manfaatdor vazirlik va idoralar |
23. | Universitet ilmiy maktablarini shakllantirish va respublika ilmiy muassasalari bilan hamkorlik qilish. | 1. Universitet professor-o‘qituvchilarining ilmiy maktablarini yo‘lga qo‘yish. 2. Ilmiy maktablar faoliyatini ommalashtirish va qo‘lga kiritilgan yutuqlar bo‘yicha xalqaro konferensi??ar tashkil qilish. 3. Mahalliy va xorijiy ilmiy muassasalar bilan hamkorlikni kuchaytirish. | 2022/2023 o‘quv yilidan boshlab | - | Universitet, Fanlar akademiyasi (B. Yuldashev), Innovatsion rivojlanish vazirligi (I. Abduraxmonov) |
24. | Universitet talabalarini amaliyot o‘tash obyektlariga biriktirish. | 1. Tegishli bakalavriat ta’lim yo‘nalishlari va magistratura mutaxassisliklari bo‘yicha amaliyot o‘tash obyektlari bazasini shakllantirish. 2. Davlat organlari va davlat ulushiga ega bo‘lgan xo‘jalik yurituvchi subyektlar, yetakchi ta’lim va ilmiy-tadqiqot muassasalari ro‘yxatini tasdiqlash. | Har yili 1-martga qadar | Agentlik huzuridagi jamg‘arma mablag‘lari, Universitetning budjetdan tashqari mablag‘lari | Agentlik (H. Umarova), manfaatdor vazirlik va idoralar |
IV. Universitetning moddiy-texnika bazasini kuchaytirish | |||||
25. | Universitet binosini barpo etish va uning hududini obodonlashtirish ishlarini amalga oshirish. | 1. Universitet binosini barpo etish uchun yer maydoni ajratish. 2. Universitet uchun bino va inshootlarda qurilish-ta’mirlash ishlarini tayyor holda foydalanishga topshirish sharti bilan bajarish. 3. Talabalar turar joyini qurish va jihozlash ishlarini bajarish. 4. Universitet hududini zamonaviy landshaft dizayni asosida obodonlashtirish. | 2022/2023 o‘quv yiliga qadar | Davlat budjeti mablag‘lari, homiylik xayriyalari | Vazirlar Mahkamasi, Agentlik (H. Umarova), Moliya vazirligi (T. Ishmetov), Iqtisodiy taraqqiyot va kambag‘allikni qisqartirish vazirligi (I. Norqulov), Toshkent shahar hokimligi (J. Artikxodjayev) |
26. | Universitetning o‘quv binolarini zamonaviy jihozlar bilan ta’minlash. | 1. Ta’lim yo‘nalishlarining xususiyatini hisobga olgan holda auditoriyalarni jihozlash uchun zarur vositalar ro‘yxatini shakllantirish. | 2021-yil iyul | Davlat budjeti mablag‘lari, homiylik xayriyalari | Universitet, Agentlik (H. Umarova), Iqtisodiy taraqqiyot va kambag‘allikni qisqartirish vazirligi (I. Norqulov), Moliya vazirligi (T. Ishmetov) |
2. Universitetni o‘quv va ilmiy laboratoriya uskunalari, kompyuter texnikasi, dasturiy mahsulotlar, multimedia mahsulotlari, o‘quv va ilmiy-metodik adabiyotlar, qurilish materiallari, inventar va moddiy-texnika resurslari bilan ta’minlash. | Reja jadvalga muvofiq | ||||
27. | Universitet sport kompleksini tashkil etish va uni zamonaviy inventarlar bilan jihozlash. | 1. Sport kompleksi uchun zarur inventarlar ro‘yxatini shakllantirish va tasdiqlash. 2. Sport inventarlari bilan doimiy ta’minlash choralarini ko‘rish. | 2022-yil sentyabr | Davlat budjeti mablag‘lari, homiylik xayriyalari | Universitet, Agentlik (H. Umarov�), Moliya vazirligi (T. Ishmetov) |
O‘zbekiston Respublikasi Prezidentining qarori, 23.06.2021 yildagi PQ-5158-son
Kuchga kirish sanasi
24.06.2021
Рус
Ўзб
O’zb
O‘zb|Рус
Keyingi yillarda mamlakatimiz hayotining barcha soha va tarmoqlarini XXI asrning yuksak demokratik talablari asosida yangilash, inson huquq va erkinliklari, manfaatlarini ta’minlash, jahon hamjamiyati bilan uyg‘un va hamnafas bo‘lib yashash, milliy tiklanishdan milliy yuksalishga erishish yo‘lida ulkan ishlar amalga oshirilmoqda. Ana shunday strategik maqsadlarning eng muhim uzviy qismi bo‘lgan ilm-fan va ta’lim-tarbiya tizimini, jumladan oliy ta’lim taraqqiyotini yangi bosqichga ko‘tarish ustuvor masala sifatida kun tartibiga qo‘yilmoqda.
Ayni shu asosda insonning fundamental huquqlaridan biri bo‘lgan bilim olish, zamonaviy kasb-hunarlar, malaka darajalarini egallash bo‘yicha katta imkoniyatlar yaratilmoqda.
Qisqa muddatda respublikamizda oliy ta’lim muassasalari soni qariyb ikki barobar oshgani, bozor iqtisodiyoti talablaridan kelib chiqqan holda, yangi oliygohlar, xususan nufuzli xorijiy universitetlarning filiallari ochilayotgani, tizimda o‘qishning kunduzgi shakli bilan birga kechki va sirtqi bo‘limlar faoliyati yo‘lga qo‘yilgani, maktab bitiruvchilarining oliy ta’lim muassasalariga qamrovi 2016-yildagi 9 foizdan bugungi kunga kelib 28 foizga yetganini alohida ta’kidlash lozim.
Shu bilan birga, bugungi kunda biz o‘z oldimizga qo‘ygan, har tomonlama rivojlangan yangi O‘zbekiston davlati va jamiyatini barpo etish, Uchinchi Renessans poydevorini yaratishdek ulkan vazifalar yurtimizda yuksak intellektual salohiyatga ega bo‘lgan, jahon mehnat bozori, ilm-fan va texnologiyalar olamida raqobatdosh, zamonaviy bilim va ko‘nikmalarni chuqur o‘zlashtirgan, yuqori malakali, mustaqil fikrlaydigan, vatanparvar kadrlar tayyorlashning umume’tirof etilgan xalqaro standartlar asosidagi innovatsion tizimini shakllantirish borasidagi ishlarimizni sifat jihatidan yanada kuchaytirishni talab etmoqda.
Bunda, hech shubhasiz, mamlakatimiz oliy ta’lim tizimining bayroqdori — flagmani sifatida respublikamiz va dunyo tajribasining eng ilg‘or yutuqlarini o‘zida mujassam etadigan, barcha institut va universitetlarimizga namunaviy model bo‘lib xizmat qiladigan yangi zamonaviy universitetni tashkil etish muhim ahamiyatga egadir.
Xalqimiz, avvalo, yoshlarimizning talab va istaklarini hisobga olib hamda mamlakatimizning oliy ta’lim sohasidagi kadrlar tayyorlash salohiyatini oshirish, bu borada farzandlarimiz uchun yanada keng imkoniyat va sharoitlar yaratish maqsadida:
1. Mamlakatimiz poytaxti Toshkent shahrida “Yangi O‘zbekiston” universiteti (keyingi o‘rinlarda — Universitet) tashkil etilsin.
Universitetda ta’lim jarayoni nufuzli xorijiy oliy ta’lim muassasalari bilan hamkorlikda tashkil etiladi;
Universitetni tamomlagan O‘zbekiston Respublikasi fuqarolari Davlat xizmatini rivojlantirish agentligi tomonidan Milliy kadrlar zaxirasiga olinadi hamda 5 yillik ish tajribasidan so‘ng rahbarlik lavozimiga tayinlanadigan istiqbolli nomzodlar ro‘yxatiga kiritiladi;
Universitet O‘zbekiston Respublikasi Davlat gerbi tasviri va davlat tilida nomi tushirilgan muhr, bank hisobvaraqlari, shtamp va boshqa rekvizitlariga ega bo‘ladi.
nufuzli xorijiy oliy o‘quv yurtlarining ta’lim dasturlari asosida yuksak zamonaviy kasbiy bilim va malakaga ega bo‘lgan, xalqaro miqyosda raqobatbardosh, istiqbolli kadrlarni tayyorlash;
o‘quv-tarbiya jarayonini ilg‘or pedagogik va zamonaviy axborot texnologiyalarini qo‘llagan holda jahonning yetakchi universitetlarida joriy etilgan ta’lim texnologiyalari va usullari asosida tashkil etish;
talabalarning intellektual qobiliyatini rivojlantirish, bilimini amaliy tajribalar orqali mustahkamlashga, o‘quv materiallarini samarali va puxta o‘zlashtirishga xizmat qiladigan har tomonlama qulay ta’lim muhitini shakllantirish;
ijtimoiy-iqtisodiy sohalardagi mavjud ehtiyojlardan kelib chiqib, ilmiy-tadqiqot ishlarini olib borish, shuningdek, chet ellardagi nufuzli, tan olingan ilmiy markazlar bilan yaqindan hamkorlik qilish, talabalarni ilmiy va innovatsion faoliyatga keng jalb etish;
ta’limning uzluksizligi va sifatini ta’minlash borasida Prezident maktablari, ijod va ixtisoslashtirilgan maktablarga metodik yordam ko‘rsatish.
Universitetning tuzilmasini va shtatlar jadvalini tasdiqlash, shuningdek, bakalavriat va magistraturada o‘qish tartibini belgilash;
xorijiy oliy ta’lim muassasalari bilan tuzilgan kelishuvlar asosida ta’lim yo‘nalishlarini belgilash, o‘quv rejalari va dasturlarini tasdiqlash hamda pedagog xodimlarning mehnatini me’yorlashtirish;
yuqori malakali, jumladan xorijiy mamlakatlardagi yetuk mutaxassislarni jalb etish, ularga mehnat bozorining amaldagi konyunkturasini hisobga olgan holda Universitet xodimlarining ish haqi va boshqa to‘lovlar miqdorini belgilash;
bakalavriat, magistratura va doktoranturaga qabul qilish shartlarini, shuningdek, talabalarni qabul qilishda test sinovlari fanlari majmuasini va o‘qish uchun to‘lov miqdorini belgilash;
innovatsiya va ilmiy faoliyatni olib borish, ilm-fan yutuqlarini tijoratlashtirish hamda moliyaviy resurslarni jalb etish uchun tijorat va notijorat tashkilotlar (startap, jamg‘arma va boshqalar) tuzish;
xorijiy ta’lim va ilmiy tashkilotlar bilan to‘g‘ridan to‘g‘ri muzokaralar olib borish hamda o‘z faoliyatiga oid moliyaviy-iqtisodiy va ma’muriy boshqaruv yuzasidan qarorlarni qabul qilish;
b) Universitetda ta’lim-tarbiya jarayonlari milliy va umuminsoniy qadriyatlar asosida olib boriladi hamda talabalarda yuksak ma’naviy va axloqiy fazilatlarni rivojlantirish, Vatanga muhabbat va sadoqat, xalq manfaatlari uchun xizmat qilish tuyg‘usi bilan yashaydigan barkamol avlod sifatida tarbiyalashga xizmat qiladi;
v) Universitetda ta’lim jarayoni 2021/2022 o‘quv yilidan boshlanadi hamda davlat va ingliz tillarida, kredit-modul tizimi asosida olib boriladi;
d) talabalarni qabul qilish parametrlari Prezident, ijod va ixtisoslashtirilgan maktablarni rivojlantirish agentligi (keyingi o‘rinlarda — Agentlik) bilan kelishgan holda Universitet tomonidan o‘rnatiladi;
e) Universitetda uning ilmiy salohiyatidan kelib chiqib, ilmiy va ilmiy-pedagogik kadrlar tayyorlash yo‘lga qo‘yiladi;
j) Universitetda ta’lim jarayoni “fan — ta’lim — ishlab chiqarish integratsiyasi” tamoyili asosida tashkil etilib, talabalar 1-kursdan ishlab chiqarish va ilmiy-tadqiqot markazlariga biriktiriladi hamda bitiruvchi kurs talabalari uchun “El-yurt umidi” jamg‘armasi hisobidan yetakchi xorijiy oliy ta’lim muassasalarida o‘qishni davom ettirish va bitiruv oldi amaliyotini nufuzli xorijiy kompaniyalarda o‘tash imkoniyati yaratiladi;
z) Agentlik Universitetga malakali professor-o‘qituvchilarni, jumladan xorijiy mamlakatlar mutaxassislarini jalb qilishga yaqindan ko‘maklashadi;
i) Universitet bitiruvchilariga O‘zbekiston Respublikasida oliy ma’lumot to‘g‘risidagi hujjat sifatida tan olinadigan Universitet tomonidan belgilangan namunadagi diplom beriladi;
k) Universitetda talabalar bo‘sh vaqtini mazmunli o‘tkazishi uchun sport to‘garaklari, san’at studiyalari, kutubxona va ekskursiyalar tashkil etiladi, turli trening va madaniy uchrashuvlar o‘tkaziladi.
4. Universitetda iqtidorli talabalarning ta’lim olishini qo‘llab-quvvatlash uchun davlat granti quyidagilarga nisbatan tatbiq etiladi:
xalqaro darajadagi tegishli dasturlar (International Baccalaureate, Advanced Placement, International Advanced Levels) diplomi yoki sertifikatiga ega Prezident maktablari bitiruvchilariga;
Agentlik tizimidagi ijod va ixtisoslashtirilgan maktablar uchun ajratiladigan qabul parametrlariga muvofiq kirish imtihonlari asosida ushbu maktablar bitiruvchilariga;
Universitetga kirish imtihonlaridan muvaffaqiyatli o‘tgan Xalqaro matematika olimpiadasi (IMO), Xalqaro fizika olimpiadasi (IPhO), Xalqaro kimyo olimpiadasi (IChO), Xalqaro biologiya olimpiadasi (IBO), Xalqaro informatika olimpiadasi (IOI) g‘oliblariga;
Universitetga kirish imtihonlaridan muvaffaqiyatli o‘tgan “Ijtimoiy himoya yagona reyestri”ga kiritilgan oilalar farzandlariga.
Agentlik bir oy muddatda davlat grantini berish tartibini nazarda tutuvchi Hukumat qarori loyihasini Vazirlar Mahkamasiga kiritsin.
5. “Yangi O‘zbekiston” universitetining faoliyatini yo‘lga qo‘yish bo‘yicha “yo‘l xaritasi” ilovaga muvofiq tasdiqlansin.
6. Agentlik tomonidan Universitetda ta’lim jarayonlarini xalqaro standartlar asosida tashkil etish bo‘yicha Amerika Qo‘shma Shtatlarining Massachusets texnologiya instituti, Stenford universiteti, Buyuk Britaniyaning Kembrij universiteti, Germaniyaning Myunxen texnika universiteti va boshqa nufuzli xorijiy oliy ta’lim muassasalari bilan muzokaralar olib borilayotganligi ma’lumot uchun qabul qilinsin.
muzokaralar yakuni bo‘yicha hamkor xorijiy oliy ta’lim muassasalari bilan uzoq muddatli kelishuvga erishish choralarini ko‘rsin;
b) ikki oy muddatda Universitetni chuqur bilim, yuqori kasb mahoratiga ega, tajribali rahbar va pedagog kadrlar hamda malakali mutaxassislar bilan to‘ldirish choralarini ko‘rsin;
v) fakultetlar va ta’lim yo‘nalishlari ochilishidan kelib chiqib, o‘quv rejalari va fan dasturlarini joriy etish uchun Universitetni zarur moddiy-texnika vositalari, darsliklar, o‘quv va metodik adabiyotlar, laboratoriya asbob-uskunalari, sarflanadigan laboratoriya materiallari bilan butlash choralarini ko‘rsin hamda ilg‘or elektron ma’lumotlar bazalariga doimiy ulanishini ta’minlasin;
g) Universitetga homiylik, grant va budjetdan tashqari mablag‘larni, texnik ko‘mak hamda qonunchilik hujjatlari bilan taqiqlanmagan boshqa mablag‘larni jalb etishga ko‘maklashsin.
Agentlik huzuridagi Prezident, ijod va ixtisoslashtirilgan maktablarni rivojlantirish jamg‘armasi mablag‘lari;
Vazirlar Mahkamasi bir oy muddatda Universitetda ta’lim jarayonini 2021/2022 o‘quv yilidan tashkil etish uchun zarur mablag‘lar ajratilishini ta’minlasin.
8. 2024-yil 1-iyunga qadar Agentlik va Universitet tomonidan olib kelinadigan o‘quv va ilmiy laboratoriya jihozlari, sarflanadigan laboratoriya materiallari, kompyuter texnikasi, dasturiy mahsulotlar, multimedia mahsulotlari, o‘quv va ilmiy-metodik adabiyotlar, qurilish materiallari, inventar va moddiy-texnika resurslari bojxona bojidan ozod etilsin.
9. Ichki ishlar vazirligi Universitetning buyurtmanomalariga binoan Universitet xorijiy professor-o‘qituvchilari va ma’muriy xodimlariga hamda ularning oila a’zolariga davlat bojlari to‘lashdan ozod etgan holda ko‘p martalik vizalar berilishi va uzaytirilishini, shuningdek, ularning vaqtincha yashash joyida ro‘yxatdan o‘tkazilishi hamda ro‘yxatdan o‘tkazish muddati uzaytirilishini ta’minlasin.
Universitet kampusini qurish uchun Toshkent shahrida zarur yer maydonini doimiy foydalanish huquqi bilan ajratish choralarini ko‘rsin;
xorijiy loyiha va pudrat kompaniyalarini jalb etgan holda Universitet uchun zamonaviy o‘quv kampusi loyihasi ishlab chiqilishi va xalqaro standartlar asosida qurilishini ta’minlasin;
yangi bino qurilgunga qadar Universitetni Jahon iqtisodiyoti va diplomatiya universitetining bo‘sh maydonlarida vaqtinchalik joylashtirsin.
11. Agentlik manfaatdor vazirlik va idoralar bilan birgalikda bir oy muddatda qonunchilik hujjatlariga mazkur qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
12. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.