Soliqlar va majburiy to‘lovlarning budjetga va budjetdan tashqari fondlarga o‘z vaqtida tushishi mexanizmini takomillashtirish, muddatida to‘lanmagan soliqlar va boshqa to‘lovlarni qisqartirish, soliq to‘lashdan bosh tortishlarning oldini olish hisobiga soliqlar yig‘ilishini oshirish, soliq va to‘lov intizomini mustahkamlash maqsadida Vazirlar Mahkamasi qaror qiladi:

5. O‘zbekiston Respublikasi Moliya vazirligi:

respublika budjeti va mahalliy budjetlar o‘rtasidagi o‘zaro hisob-kitoblarni aniqlashtirishda o‘zaro hisob-kitoblar bo‘yicha berilishi kerak bo‘lgan subvensiya yoki mablag‘larni Hukumat komissiyasi tomonidan belgilangan muddatda to‘lanmagan soliqlar va boshqa to‘lovlarni qisqartirish bo‘yicha oylik topshiriqning bajarilmagan summasiga kamaytirsin;

respublika budjeti daromadlari va xarajatlari bo‘yicha pul o‘tkazilishining Vaqtinchalik tartibini bir hafta muddatda tasdiqlasin.

8. O‘zbekiston Respublikasi Davlat soliq qo‘mitasi barcha hududiy soliq organlarida muddatida to‘lanmagan soliqlar va to‘lovlarni undirish hamda soliqlar va budjetga to‘lovlar bo‘yicha qarzlarni qarzdor korxonaning mol-mulkidan undirish bo‘yicha mustaqil bo‘linmalarni xodimlarning tasdiqlangan cheklangan soni doirasida tashkil etsin.

9. Soliq to‘lashdan bosh tortish uchun foydalaniladigan g‘ayriqonuniy naqd pul muomalasini qisqartirish maqsadida respublika soliq organlari yuridik shaxslar, shuningdek yuridik shaxs bo‘lmagan holda tadbirkorlik faoliyati bilan shug‘ullanuvchi yuridik va jismoniy shaxslar o‘rtasida naqd pul mablag‘lari bilan hisob-kitob qilish hollari aniqlanganda (mahsulotni tashish bo‘yicha transport xizmati ko‘rsatish ham shu jumlaga kiradi), amaldagi qonun hujjatlari bilan ruxsat berilgan hollar bundan istisno, ham xaridor, ham sotuvchi to‘g‘risidagi ishni har ikkala tomonga jarima sanksiyalarini qo‘llagan holda huquqni muhofaza qilish organlariga oshirsinlar.

11. O‘zbekiston Respublikasi Moliya vazirligi Davlat soliq qo‘mitasi bilan birgalikda o‘n kun muddatda soliq organlari xodimlarini moddiy rag‘batlantirishning amaldagi tizimini takomillashtirsin va ko‘rib chiqish uchun Vazirlar Mahkamasiga kiritsin.

12. Vazirlar Mahkamasining “Bankrotlik to‘g‘risida” O‘zbekiston Respublikasi Qonunini amalga oshirish chora-tadbirlari haqida” 1995-yil 17-iyuldagi 273-son qarori o‘z kuchini yo‘qotgan deb hisoblansin.

13. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda mazkur qarordan kelib chiqqan holda amaldagi qonun hujjatlari va normativ hujjatlarga o‘zgartirishlar va qo‘shimchalar kiritish to‘g‘risidagi taklifni Vazirlar Mahkamasiga kiritsin.

14. Mazkur qarorning bajarilishini nazorat qilish Bosh vazirning o‘rinbosari B.S. Hamidov va Markaziy bank raisi F.M. Mullajonov zimmasiga yuklansin.