Tabiiy muhitni avtotransport vositalarining zararli ta’siridan himoya qilish ishlarini kuchaytirish maqsadida Vazirlar Mahkamasi qapop qiladi:

1. O‘zbekiston Respublikasi Ichki ishlar vazirligi tuzilmasida Ichki ishlar vazirligi Davlat avtomobil nazorati boshqarmasi ekologiya bo‘limi negizida 12 nafardan iborat, shu jumladan mazkur bo‘limning shartnoma asosida mablag‘ bilan ta’minlanadigan 8 nafar xodimi hisobiga Avtotransportdagi ekologiya muammolari markazi tashkil etilsin. Markazning barcha xodimlari 1995-yilga Ichki ishlar vazirligi uchun tasdiqlangan umumiy mablag‘lar doirasida budjetdan mablag‘ bilan ta’minlashga o‘tkazilsin.

2. Ichki ishlar vazirligi bir oy muddatda manfaatdor vazirliklar va idoralar bilan birgalikda O‘zbekiston Respublikasi Ichki ishlar vazirligi Davlat avtomobil nazorati boshqarmasi huzuridagi Avtotransportdagi ekologiya muammolari markazi to‘g‘risida nizomni ishlab chiqsin va tasdiqlasin.

3. O‘zbekiston Respublikasi Ichki ishlar vazirligi va Davlat Tabiatni muhofaza qilish qo‘mitasi Moliya vazirligi bilan kelishgan holda Avtotransport vositalari uchun yagona zaharlilik (tutunlilik) talonlari, ekologik sertifikatlar, shuningdek, tranzit avtotransporti uchun ruxsatnomalar joriy qilish to‘g‘risida nizom ishlab chiqsinlar va tasdiqlasinlar.

4. “O‘zmevasabzavotuzumsanoat” uyushmasi Markazga uchta statsionar diagnostika postini tekinga, shuningdek, atrof muhitni muhofaza qilish ko‘chma laboratoriyasini qoldiq qiymati bo‘yicha bersin.

5. O‘zbekiston Respublikasi Davlat matbuot qo‘mitasi Markazni berilgan buyurtmanomalar bo‘yicha zarur matbaa mahsulotlari bilan ta’minlasin.

6. Mazkur qarorning bajarilishini nazorat qilish Bosh vazirning birinchi o‘rinbosari I. H. Jo‘rabekov zimmasiga yuklansin.