Oʻzbekiston Respublikasi Oliy Majlisi qaror qiladi:

1. “Xalq deputatlari mahalliy Kengashi deputatini, Oʻzbekiston Respublikasi Oliy Majlisining Qonunchilik palatasi deputatini va Senati aʼzosini chaqirib olish toʻgʻrisida”gi Oʻzbekiston Respublikasi Qonuni xalq deputatlari viloyat, tuman va shahar Kengashlariga, Oʻzbekiston Respublikasi Oliy Majlisining Qonunchilik palatasiga boʻlib oʻtadigan saylov hamda Oʻzbekiston Respublikasi Oliy Majlisining Senatini shakllantirish yakunlariga koʻra amalga kiritilsin.

2. “Xalq deputatlari mahalliy Kengashi deputatini, Oʻzbekiston Respublikasi Oliy Majlisining Qonunchilik palatasi deputatini va Senati aʼzosini chaqirib olish toʻgʻrisida”gi Oʻzbekiston Respublikasi Qonuni amalga kiritilgan kundan eʼtiboran quyidagilar oʻz kuchini yoʻqotgan deb topilsin:

Oʻzbekiston Respublikasining 1996-yil 26-aprelda qabul qilingan “Oʻzbekiston Respublikasida deputatni chaqirib olish tartibi toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-yil, № 5-6, 67-modda);

Oʻzbekiston Respublikasi Oliy Majlisining 1996-yil 26-aprelda qabul qilingan “Oʻzbekiston Respublikasida deputatni chaqirib olish tartibi toʻgʻrisida”gi Oʻzbekiston Respublikasi Qonunini amalga kiritish haqida”gi qarori (Oʻzbekiston Respublikasi Oliy Majlisining Axborotnomasi, 1996-yil, № 5-6, 68-modda);

Oʻzbekiston Respublikasining 2000-yil 26-mayda qabul qilingan “Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 2000-yil, № 5-6, 153-modda) XXII boʻlimi.