Birlashgan Millatlar Tashkiloti bilan taʼlim, fan va madaniyat masalalarida oʻzaro manfaatli hamkorlikni rivojlantirish boʻyicha tizimli ish tashkil etish, Oʻzbekistonning boy madaniy-tarixiy merosini keng tanitish ustuvorligini izchil ilgari surish va amalga oshirish, respublikaning YUNESKO doirasida oʻtkaziladigan xalqaro tadbirlarda samarali ishtirok etishini taʼminlash, shuningdek, mazkur Tashkilot huzurida Oʻzbekiston Respublikasining doimiy vakolatxonasi faoliyatini samarali tashkil etish maqsadida:

1. Oʻzbekiston Respublikasining Birlashgan Millatlar Tashkiloti huzuridagi taʼlim, fan va madaniyat masalalari boʻyicha doimiy vakolatxonasi (keyingi oʻrinlarda — YUNESKO huzuridagi doimiy vakolatxona deb yuritiladi) Oʻzbekisgon Respublikasining Fransiya Respublikasidagi Elchixonasi tarkibidan chiqarilsin va Oʻzbekiston Respublikasining mustaqil xorijiy muassasasi sifatida taʼsis etilsin.

2. 2018-yilning 1-sentabridan boshlab Oʻzbekisnon Respublikasining Fransiya Rsspublikasidagi Elchixonasining (keyingi oʻrinlarda — Elchixona deb yuritiladi) mehnatga xaq toʻlash fondiga tegishli oʻzgargirishlar kiritgan holda katta rsferenti va referent — kotib lavozimlari qisqartirilishi hisobiga, YUNESKO huzuridagi Doimiy vakolatxona shtatlar birligiga 2 nafar diplomatik xodim, shu jumladan Oʻzbekiston Respublikasining YUNESKO huzuridagi Doimiy vakili va birinchi kotib lavozimlari belgilansin.

3. Oʻzbekiston Respublikasining YUNESKO huzuridagi Doimiy vakili maqomi, mehnatga xaq toʻlash darajasi va moddiy-maishiy xizmat koʻrsatish shart-sharoitlariga koʻra Oʻzbekiston Respublikasining Favqulodda va Muxtor Elchisiga tsnglashtirilsin.

4. YUNESKO huzuridagi Doimiy vakolatxona va Oʻzbekiston Respublikasining Fransiya Respublikasidagi Elchixonasi shtatlar jadvali 1- va 2-ilovalarga muvofiq tasdiqlansin.

5. Oʻzbekiston Respublikasi Tashqi ishlar vazirligi:

2018-yil budjetida tasdiqlangan, xorijiy muassasalarni moliyalashtirish hajmlari chegarasida 2018-yilda YUNESKO huzuridagi Doimiy vakolatxonaning taʼminoti uchun xarajatlar smetasini shakllantirsin va tasdiqlasin;

shtatlar jadvalidagi oʻzgarishlarni hisobga olgan holda, Elchixonaning 2018-yilgi taʼminoti uchun tasdiqlangan xarajatlar smetasiga oʻzgartirishlar kiritsin;

Elchixona balansida boʻlgan alohida mulklarni, asosiy vositalar va tovar-moddiy boyliklarni inventarizatsiyadan oʻtkazish, taqsimlash boʻyicha chora-tadbirlarni beligangan tartibda amalga oshirsin hamda Oʻzbekiston Respublikasi YUNESKO huzuridagi Doimiy vakolatxona balansiga topshirsin;

Oʻzbekiston tomoni YUNESKO huzuridagi Doimiy vakilni tayinlaganligini va kelgusidagi faoliyati haqida qabul qilingan qaror toʻgʻrisida YUNESKOning Bosh kotibiyatini diplomatik kanallar orqali xabardor qilsin.

6. Oʻzbekiston Respublikasi Moliya vazirligi Elchixonaga ikkita avtomobil taʼminoti uchun ajratilgan limitining qisqartirishi hisobiga, YUNESKO huzuridagi Doimiy vakolatxonaga ikkita avtomobil taʼminoti uchun limit ajratsin.

7. Oʻzbekiston Respublikasi Prezidenti hamda Hukumatining ayrim hujjatlariga 3-ilovaga muvofiq qoʻshimchalar kiritilsin, shuningdek, baʼzilari oʻz kuchini yoʻqotgan deb hisoblansin.

8. Mazkur karorning ijrosini nazorat qilish Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov va Oʻzbekiston Respublikasi tashqi ishlar vaziri A.X. Komilov zimmasiga yuklansin.

1. Oʻzbekiston Rsspublikasi Prezidentining “Oʻzbekiston Respublikasining xorijdagi diplomatik vakolatxonalari shtatlar jadvaliga oʻzgartirishlar kiritish toʻgʻrisida” 2007-yil 29-dekabrdagi PQ-765-son qarorining 2-ilovasi oʻz kuchini yoʻqotgan deb hisoblansin.

2. Oʻzbekiston Respublikasi Prezidentining “Oʻzbekiston Respublikasining xorijdagi diplomatik vakolatxonalari va konsullik muassasasalari xodimlarining mehnatiga xaq toʻlash tizimini takomillashtirish toʻgʻrisida” 2013-yil 24-dekabrdagi PQ-2095-son qarorning:

a) 1-ilovasidagi “Yevropa mamlakatlari” boʻlimi quyidagi mazmundagi 12.1 pozitsiya bilan toʻldirilsin:

b) 2-ilovasidagi “Yevropa mamlakatlari” boʻlimi quyidagi mazmundagi 12.1 pozitsiya bilan toʻldirilsin:

3. Oʻzbekiston Respublikasi Vazirlar Mahkamasining “Oʻzbekiston Respublikasining Fransiya Respublikasidagi Elchixonasi shtat jadvaliga qoʻshimchalar kiritish toʻgʻrisida” 2008-yil 25-yanvardagi 14-son qarori oʻz kuchini yoʻqotgan deb hisoblansin.

4. Oʻzbekiston Respublikasi Vazirlar Mahkamasining 2008-yil 7-fevraldagi 58-F-son farmoyishi oʻz kuchini yoʻqotgan deb hisoblansin.