Toshkent shahrida qulay ekologik vaziyat yaratish, respublika tashqi iqtisodiy faoliyati kengayayotgan sharoitda aviatsiyada tashishning o‘sib borayotgan hajmini to‘laroq qondirish maqsadida Vazirlar Mahkamasi qaror qiladi:

1. Vazirlar Mahkamasining 1992-yil 2-martdagi 68-f farmoyishi bilan tashkil etilgan respublika komissiyasining “Toshkent” aeroporti kompleksini shahar tashqarisiga ko‘chirish zarurligi to‘g‘risidagi qaroriga rozilik bildirilsin.

2. Komissiyaning 3-variant bo‘yicha Toshkent shahridan 45 kilometr janubi-g‘arbda va Chinoz shahridan 12 kilometr shimolda joylashgan yer uchastkasini tanlash to‘g‘risidagi qarori tasdiqlansin.

3. Toshkent viloyat hokimligi uch oy muddat ichida Qozog‘iston Respublikasining Chimkent viloyati rahbariyati bilan aeroport kompleksining bir qismini Qozog‘iston Respublikasi hududida joylashtirish masalasini ishlab chiqsin, muzokaralar natijasi bo‘yicha “Yangi” aeroporti qurilishi uchun yer uchastkasi ajratsin va aniqlangan yer uchastkasi va unga tutash hudud chegarasida “O‘zbekiston havo yo‘llari” milliy aviakompaniyasi bilan kelishmasdan har qanday qurilish ishlari olib borishni taqiqlasin.

4. “Yangi” aeroportini loyihalashtirish va qurish bo‘yicha bosh buyurtmachi qilib “O‘zbekiston havo yo‘llari” aviakompaniyasi belgilansin.

5. “O‘zbekiston havo yo‘llari” aviakompaniyasi:

1993-yil 1-oktabrgacha “Toshkent” aeroportini shahar tashqarisiga ko‘chirishning texnik-iqtisodiy asoslanishini ishlab chiqish ta’minlasin;

“Yangi” aeroportini qurishda va mablag‘ bilan ta’minlashda ishtirok etuvchi chet el firmalarini tanlash ishlari davom ettirilsin va 1992-yil 15-dekabrgacha taklif kiritsin.

6. O‘zbekistonning Taraqqiyot istiqbolini belgilash qo‘mitasi, Moliya vazirligi, Tashqi iqtisodiy aloqalar vazirligi, “O‘zsanoatqurilishbank”, “O‘zbekiston havo yo‘llari” aviakompaniyasi 1992-yil 25-dekabrgacha “Yangi” aeroportini loyihalashtirish va qurishni mablag‘lar bilan ta’minlash, shuningdek, qurilishning aniq pudratchilari bo‘yicha taklif kiritsinlar.

7. O‘zbekiston havo yo‘llari” aviakompaniyasining ixtiyori bo‘yicha loyihalash tashkilotlariga, shu jumladan, boshqa davlatlarning loyihalash tashkilotlariga O‘zbekiston Respublikasi hududida-topogeodezik qidiruv ishlarini olib borishga ruxsat etilsin.