2019-yil 25 — 30-avgust kunlari Samarqand shahrida “Sharq taronalari” XII Xalqaro musiqa festivalini oʻtkazishda vujudga kelgan kreditor qarzdorlikni qoplash maqsadida:

1. 2019-yil 25 — 30-avgust kunlari Samarqand shahrida “Sharq taronalari” XII Xalqaro musiqa festivalini oʻtkazishda 5 288,1 mln soʻm kreditor qarzdorlik vujudga kelganligi inobatga olinsin.

2. Oʻzbekiston Respublikasi Moliya vazirligi Madaniyat vazirligi huzuridagi Xalqaro festivallar direksiyasi hisobiga 2019-yil 25 — 30-avgust kunlari Samarqand shahrida “Sharq taronalari” XII Xalqaro musiqa festivalini oʻtkazishda vujudga kelgan kreditor qarzdorlikni qoplash uchun 5 288,1 mln soʻmni Vazirlar Mahkamasining zaxira jamgʻarmasidan ajratsin.

3. Mazkur farmoyishga asosan ajratilgan mablagʻlardan maqsadli foydalanish yuzasidan shaxsiy masʼuliyat Oʻzbekistan Respublikasi madaniyat vaziri zimmasiga yuklansin.

4. Ushbu farmoyishning bajarilishini nazorat qilish Vazirlar Mahkamasining Mahalla, oila va yoshlarni qoʻllab-quvvatlash, madaniyat, maʼnaviyat va jamoat tashkilotlari masalalari kotibiyatiga yuklansin.