“O‘zbekiston Respublikasining xalqaro shartnomalari to‘g‘risida” O‘zbekiston Respublikasi Qonunining 23-moddasiga muvofiq:

1. Quyidagilarga:

2005-yil 25-noyabrda Moskva shahrida Mustaqil Davlatlar Hamdo‘stligi ishtirokchi-davlatlarining Hukumat rahbarlari kengashi yig‘ilishida imzolangan Mustaqil Davlatlar Hamdo‘stligi ishtirokchi-davlatlarining yoshlar bilan ishlash sohasida hamkorlik to‘g‘risida Bitimiga;

2011-yil 19-mayda Minsk shahrida Mustaqil Davlatlar Hamdo‘stligi ishtirokchi-davlatlarining Hukumat rahbarlari kengashi yig‘ilishida imzolangan Mustaqil Davlatlar Hamdo‘stligi ishtirokchi-davlatlarining yoshlar bilan ishlash sohasida hamkorlik to‘g‘risida 2005-yil 25-noyabrdagi Bitimiga o‘zgartirish va qo‘shimchalar kiritish haqidagi Bayonnomaga qo‘shilinsin.

2. O‘zbekiston Respublikasi Tashqi ishlar vazirligi O‘zbekiston Respublikasining mazkur xalqaro shartnomalarga qo‘shilganligi to‘g‘risida depozitariyga tegishli bildirishnoma yo‘llasin.

3. O‘zbekiston Respublikasi Vazirlar Mahkamasi, tegishli vazirlik va idoralar rahbarlari ushbu xalqaro shartnomalar kuchga kirganidan keyin ularning amalga oshirilishi uchun mas’ul bo‘lgan vakolatli organlarni aniqlasin hamda O‘zbekiston Respublikasi majburiyatlarining bajarilishi ustidan o‘rnatilgan tartibda nazoratni ta’minlasin.

4. Mazkur qaror ijrosini nazorat qilish O‘zbekiston Respublikasi Bosh vaziri A.N. Aripov va O‘zbekiston Respublikasi Prezidenti maslahatchisi A.A. Abduvaxitov zimmasiga yuklansin.