“Oʻzbekiston Respublikasining xalqaro shartnomalari toʻgʻrisida” Oʻzbekiston Respublikasi Qonunining 23-moddasiga muvofiq:

1. Quyidagilarga:

2008-yil 23-may kuni Minsk shahrida Mustaqil Davlatlar Hamdoʻstligi ishtirokchi-davlatlarning hukumat rahbarlari kengashi yigʻilishida imzolangan Mustaqil Davlatlar Hamdoʻstligida koʻrgazma-yarmarka faoliyatini takomillashtirish toʻgʻrisida 1995-yil 26-maydagi Bitimga oʻzgartirishlar kiritish hakidagi Protokolga;

2013-yil 20-noyabr kuni Sankt-Peterburg shahrida Mustaqil Davlatlar Hamdoʻstligi ishtirokchi-davlatlarning hukumat rahbarlari kengashi yigʻilishida imzolangan Mustaqil Davlatlar Hamdoʻstligida koʻrgazma-yarmarka va kongress faoliyatini takomillashtirish toʻgʻrisida 1995-yil 26-maydagi Bitimga oʻzgartirishlar kiritish haqidagi Protokolga qoʻshilinsin.

2. Oʻzbekiston Respublikasi Investitsiyalar va tashqi savdo vazirligi yuqoridagi xalqaro shartnomalarni amalga oshirilishi uchun masʼul boʻlgan vakolatli organ etib belgilansin.

3. Oʻzbekiston Respublikasi Tashqi ishlar vazirligi Oʻzbekiston Respublikasining mazkur xalqaro shartnomalarga qoʻshilganligi hamda ularni amalga oshirish uchun vakolatli organ toʻgʻrisida depozitariyga tegishli bildirishnoma yoʻllasin.

4. Oʻzbekiston Respublikasi Vazirlar Mahkamasi hamda tegishli vazirlik va idoralarning rahbarlari ushbu xalkaro shartnomalar kuchga kirgandan keyin Oʻzbekiston Respublikasining majburiyatlari bajarilishi ustidan belgilangan tartibda nazoratni taʼminlasin.

5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.