“Respublika qishloq xoʻjaligi korxonalarini qoʻshimcha qiymatdan budjetga soliq toʻlashdan ozod qilish toʻgʻrisida” 1992-yil 28-maydagi Farmonga muvofiq hamda qishloq xoʻjaligi xodimlari mehnatini ragʻbatlantirish, ularning qishloq xoʻjaligi mahsulotlari yetishtirishni koʻpaytirishdan manfaatdorligini oshirish maqsadida Vazirlar Mahkamasi qaror qiladi:

1. Oʻzbekiston Respublikasi Moliya vazirligi, dehqonchilik sanoati kompleksi vazirliklari va idoralari, Qoraqalpogʻiston Respublikasi Vazirlar Kengashi, viloyatlarning hokimliklari jamoa, davlat xoʻjaliklari va boshqa qishloq xoʻjaligi korxonalarini 1992-yilning 1-iyunidan boshlab qoʻshimcha qiymatdan budjetga soliq toʻlashdan ozod qilish toʻgʻrisidagi Farmonni ogʻishmay amal qilish va bajarish uchun qabul qilsinlar.

2. Oʻzbekiston Respublikasi Qishloq xoʻjaligi vazirligi, Davlat oʻrmon qoʻmitasi, Davlat suv xoʻjaligi qurilishi qoʻmitasi, “Oʻzmevasabzavotuzumsanoati”, Oʻzbekiston Qishloq xoʻjaligi fanlari akademiyasi, “Oʻzbaliq” konserni, “Oʻzkooptayyorlovsavdo”, Oʻzbekbirlashuv va ularning joylardagi organlari qoʻshimcha qiymatdan soliq toʻlashdan ozod qilish hisobiga olingan qoʻshimcha mablagʻlarni asosan ish haqini oshirishga ajratsinlar, bunda mehnatga haq toʻlash fondini mahsulot yetishtirish xarajatlarining yetmish foiziga qadar yetkazishni taʼminlasinlar.

Qishloq xoʻjaligi korxonalari tomonidan ana shu soliq qiymati qoʻshilgan xomashyo, materiallarning sotib olinishi, xizmatlar va ishlardan foydalanilishi munosabati bilan qishloq xoʻjaligi mahsulotlarining tannarxi mazkur xarajatlarni hisobga olgan holda belgilansin.

3. Oʻzbekiston Respublikasi Moliya vazirligi respublikaning 1992-yil budjetiga tegishli oʻzgartishlar kiritsin.

4. Jamoa, davlat xoʻjaliklari va boshqa qishloq xoʻjaligi korxonalari uchun Oʻzbekiston Respublikasi Prezidenti huzuridagi Vazirlar Mahkamasining 1992-yil 11-apreldagi 186-son qarori 5-bandining amal qilishi bekor qilinsin.