T/r | Tadbirlar nomi | Amalga oshirish mexanizmi | Ijro muddati | Mas’ul ijrochilar |
1. | Urug‘chilik sohasidagi zarur normativ-huquqiy hujjatlarni xalqaro standartlarga muvofiqlashtirish. | Urug‘chilik sohasidagi normativ-huquqiy hujjatlar xalqaro standartlarga muvofiqligini tahlil qilish asosida urug‘chilik sohasidagi normativ-huquqiy hujjatlarni xalqaro standartlarga muvofiqlashtirish. | 2019 yil noyabr | Qishloq xo‘jaligi vazirligi (Xodjayev), “O‘zstandart” agentligi (Sattarov), Urug‘chilikni rivojlantirish markazi (Namazov), tegishli vazirliklar va idoralar |
2. | Qishloq xo‘jaligi ekinlari navlari va duragaylarining birlamchi urug‘liklari va duragaylarini yetishtirish tizimini shakllantirish. | 1. Qoraqalpog‘iston Respublikasi va viloyatlarning har birida 3 tadan ixtisoslashtirilgan elita urug‘chilik xo‘jaliklarini tashkil etish, ularning har biriga unumdor, suv bilan yaxshi ta’minlangan maydonlardan 100 gektardan yer ajratish hamda Urug‘chilikni rivojlantirish markazi (Markaz)ning hududiy boshqarmalari tasarrufiga o‘tkazish bo‘yicha qarorlar qabul qilish. 2. Ixtisoslashtirilgan elita urug‘chiligi xo‘jaliklarining har birida 40 gektar maydonda urug‘lik paxta, 40 gektar maydonda urug‘lik g‘alla va 20 gektar maydonda boshqa qishloq xo‘jaligi ekinlarining superelita va elita urug‘liklarini yetishtirish. | 2019-yil noyabr
| Qoraqalpog‘iston Respublikasi Vazirlar Kengashi va viloyatlar hokimliklari, Qishloq xo‘jaligi vazirligi (Xodjayev), tegishli vazirliklar va idoralar |
3. | Urug‘chilik xo‘jaliklari o‘rtasida tender tanlovini o‘tkazish tartibini takomillashtirish. Markaz va urug‘chilik subyektlari o‘rtasida shartnoma munosabatlarini shakllantirish. | 1. Urug‘chilik xo‘jaliklari tanlovini o‘tkazish tartibi to‘g‘risidagi normativ-huquqiy hujjatlarni takomillashtirish. 2. Markaz va urug‘chilik subyektlari o‘rtasida urug‘lik materiallari yetishtirish bo‘yicha shartnomalar tuzish tartibini ishlab chiqish. | 2020-yil | Qishloq xo‘jaligi vazirligi (Xodjayev), Urug‘chilikni rivojlantirish markazi (Namazov), Qoraqalpog‘iston Respublikasi Vazirlar Kengashi va viloyatlar hokimliklari |
4. | Hududlarning tuproq-iqlim sharoitidan kelib chiqib qishloq xo‘jaligi ekinlarining bittadan navi bo‘yicha urug‘lik maydonlarini joylashtirish va istiqbolli navlar urug‘ini yetishtirishni tashkil etish hamda nav agrotexnikasini ishlab chiqish. | 1. Amaldagi qo‘llanmalarga qat’iy rioya etgan holda hududlarda ekinlarning bittadan navlari urug‘larini yetishtirishni tashkil etish. 2. Istiqbolli deb topilgan va yangi navlarning ekin maydonlarini qabul qilingan sxemalar asosida bosqichma-bosqich kengaytirib borish. 3. Originatorlar bilan hamkorlikda qishloq xo‘jaligi ekinlari navlarining urug‘chilik maydonlari uchun ilmiy-asoslangan agrotexnikani ishlab chiqish hamda urug‘chilik xo‘jaliklarida unga qat’iy rioya qilinishini ta’minlash. | 2020-yildan | Qishloq xo‘jaligi vazirligi (Xodjayev), tegishli vazirliklar va idoralar, Qoraqalpog‘iston Respublikasi Vazirlar Kengashi va viloyatlar hokimliklari |
5. | Urug‘lik paxta xomashyosi va urug‘lik donni qayta ishlash tizimini takomillashtirish. | 1. “O‘zpaxtasanoat” AJ va “O‘zdonmahsulot” AKga qarashli tashkilotlarning urug‘lik sexlari va omborlarini belgilangan tartibda 10 yil muddatda bo‘lib-bo‘lib to‘lash sharti bilan Markazga sotish. 2. Urug‘lik paxta xomashyosi va urug‘lik donni texnik paxta xomashyosi va tovar dondan alohida qabul qilish, saqlash va qayta ishlash tizimini joriy qilish. | 2020-yil | Qishloq xo‘jaligi vazirligi (Xodjayev), Davlat aktivlarini boshqarish agentligi (Xaydarov), “O‘zpaxtasanoat” AJ (Maqsudov), “O‘zdonmahsulot” AK (Po‘latov), tegishli vazirliklar va idoralar |
6. | Elita urug‘chilik laboratoriyalari va urug‘lik tayyorlash sexlarini modernizatsiya qilish bo‘yicha takliflarni tayyorlash hamda tegishli tashkilotlarga taklif kiritish. | 1. Elita urug‘chilik laboratoriyalari binolarini kapital ta’mirlash, yangilarini qurish, urug‘lik tayyorlash sexlarini modernizatsiyalash hamda qishloq xo‘jaligi texnika va agregatlarini xarid qilish bo‘yicha takliflar tayyorlash. 2. Xalqaro standartlar talablariga javob beradigan zamonaviy markaziy sinov laboratoriyasini tashkil qilish uchun talab etiladigan mablag‘lar manbalarini aniqlash. | 2020-yil mart | Qishloq xo‘jaligi vazirligi (Xodjayev), Moliya vazirligi (Tursunov), Innovatsion rivojlanish vazirligi (Abdurahmanov), tegishli vazirliklar va idoralar |
7. | Qishloq xo‘jaligi ekinlari kasalliklari va zararkunandalariga qarshi kurash ishlarini jadallashtirish, urug‘dorilagichlardan samarali foydalanish, ularni ishlatish me’yorlari va tayyorlash texnologiyalariga qat’iy rioya qilish. | 1. Urug‘lik chigit va urug‘lik donni dorilashda zamonaviy texnologiyalar 2. Qishloq xo‘jaligi ekinlari kasalliklari va zararkunandalariga qarshi qo‘llaniladigan samarali urug‘dorilagichlarni yaratish va sinash ishlarini jadallashtirish. 3. Urug‘dorilagichlarni ishlatish me’yorlari va tayyorlash texnologiyalariga qat’iy rioya qilish. | 2020-yil iyun | Qishloq xo‘jaligi vazirligi (Xodjayev), “O‘zagrokimyohimoya” AJ (Isayev), tegishli vazirliklar va idoralar |
8. | Sabzavot, poliz, dukkakli don, moyli va ozuqa ekinlari navlari va duragay urug‘chiligi tizimini takomillashtirish, elita, yuqori reproduksiyali hamda duragay urug‘larini yetishtirishni yo‘lga qo‘yish. | 1. Sabzavot, poliz, dukkakli don, moyli va ozuqa ekinlariga bo‘lgan talabdan kelib chiqib navlarning elita, yuqori reproduksiyali hamda duragay urug‘liklarini xalqaro standartlar talablari asosida yetishtirishga ixtisoslashgan urug‘chilik fermer xo‘jaliklarini tashkil etish, ichki ehtiyojni ta’minlash va eksportga chiqarishni oshirish. 2. Sabzavot, poliz, dukkakli don, moyli va ozuqa ekinlari navlarining original va elita urug‘liklarini yetishtirish usullarini takomillashtirish, urug‘liklarni tayyorlashda innovatsion va ilg‘or xorijiy texnologiyalarni tatbiq qilish. | 2020-yildan | Qishloq xo‘jaligi vazirligi (Xodjayev), tegishli vazirliklar va idoralar, |
9. | Seleksiya va urug‘chilik sohasida yuqori malakali kadrlarni tayyorlash va qayta tayyorlash, olim va mutaxassislarga shart-sharoitlar yaratish va ularni rag‘batlantirish, urug‘chilik sohasida halqaro tashkilotlar bilan hamkorlik aloqalarini o‘rnatish. | 1. Elita xo‘jaliklari, urug‘chi va urug‘shunos mutaxassislarning malakasi, kasb mahorati va ular tomonidan yetishtirilgan mahsulot sifatiga qarab moddiy rag‘batlantirish choralarini ko‘rish. 2. Urug‘chilik sohasiga yosh kadrlar va mutaxassislarni jalb qilish, ularni mahalliy va xalqaro institutlarning grant mablag‘lari hisobiga xorijiy mamlakatlarda malaka oshirishini tashkil etish. 3. Urug‘chilik sohasi rivojlangan mamlakatlar ilmiy muassasalari va tashkilotlari bilan hamkorlik o‘rnatish. | 2020-yildan | Qishloq xo‘jaligi vazirligi (Xodjayev), Innovatsion rivojlanish vazirligi (Abduraxmonov), tegishli vazirliklar va idoralar |
10. | Urug‘chilik bo‘yicha halqaro tashkilotlarga (ISTA, OECD. ISF, IPPC va h.k.) bosqichma-bosqich a’zo bo‘lish, urug‘chilik sohasida faoliyat yuritayotgan yirik xorijiy tashkilotlar bilan hamkorlikni kuchaytirish. | 1. Urug‘chilik bo‘yicha halqaro urug‘chilik tashkilotlari bilan aloqa o‘rnatish va ularga a’zo bo‘lish bo‘yicha takliflar tayyorlash. | 2019-yil oktyabr | Qishloq xo‘jaligi vazirligi (Xodjayev), Investitsiyalar va tashqi savdo vazirligi (Umurzoqov), Urug‘chilikni rivojlantirish markazi (Namazov), tegishli vazirliklar va idoralar |
11. | Urug‘lik yetishtirish, iste’molchilarga yetkazish, import va eksport bilan shug‘ullanuvchi xususiy firma hamda korxonalar ishini muvofiqlashtirish. | 1. Xususiy urug‘chilik firma va korxonalari bilan qonunda belgilangan tartibda o‘zaro hamkorlikni o‘rnatish. 2. Urug‘liklarni eksport qilish mexanizmlarini ishlab chiqish, xalqaro bozorga “Uzbek seeds” milliy brendi ostida urug‘liklarni eksport qilish choralarini belgilash. | 2020-yil avgust | Qishloq xo‘jaligi vazirligi (Xodjayev), Intellektual mulk agentligi (Fayzullayev), tegishli vazirliklar va idoralar |
O‘zbekiston Respublikasi Vazirlar Mahkamasining qarori, 05.09.2019 yildagi 733-son
Kuchga kirish sanasi
06.09.2019
Рус
Ўзб
O’zb
O‘zb|Рус
O‘zbekiston Respublikasi Prezidentining “Qishloq xo‘jaligi sohasida davlat boshqaruvi tizimini takomillashtirish chora-tadbirlari to‘g‘risida” 2019-yil 17-apreldagi PF-5708-son Farmoniga muvofiq mahsulot yetishtiruvchilarni qishloq xo‘jaligi ekinlari navlarining yuqori avlodli va sifatli urug‘liklari bilan yetarli miqdorda ta’minlash, urug‘chilikning milliy brendini yaratish, davlat-xususiy sheriklik shartlari asosida urug‘chilik klasterlarini tashkil etish, sohaga to‘g‘ridan-to‘g‘ri investitsiyalarni jalb etishni rag‘batlantirish maqsadida Vazirlar Mahkamasi qaror qiladi:
1. O‘zbekiston Respublikasi Prezidentining “Qishloq xo‘jaligi sohasida davlat boshqaruvi tizimini takomillashtirish chora-tadbirlari to‘g‘risida” 2019-yil 17-apreldagi PF-5708-son Farmoniga muvofiq O‘zbekiston Respublikasi Innovatsion rivojlanish vazirligi huzuridagi Urug‘chilikni rivojlantirish markazi va uning bo‘linmalari O‘zbekiston Respublikasi Qishloq xo‘jaligi vazirligi huzuridagi Urug‘chilikni rivojlantirish markazi etib qayta tashkil etilganligi ma’lumot uchun qabul qilinsin.
O‘zbekiston Respublikasi Qishloq xo‘jaligi vazirligi huzuridagi Urug‘chilikni rivojlantirish markazining (keyingi o‘rinlarda Markaz deb ataladi) tuzilmasi 1-ilovaga muvofiq;
O‘zbekiston Respublikasi Qishloq xo‘jaligi vazirligi huzuridagi Urug‘chilikni rivojlantirish markazining Qoraqalpog‘iston Respublikasi va viloyatlar boshqarmalari tuzilmasi 2-ilovaga muvofiq;
O‘zbekiston Respublikasida qishloq xo‘jaligi ekinlari urug‘chiligi tizimini rivojlantirish bo‘yicha 2019 ― 2021-yillarga mo‘ljallangan chora-tadbirlar rejasi 3-ilovaga muvofiq tasdiqlansin.
O‘zbekiston Respublikasi qishloq xo‘jaligi vaziriga zarur hollarda Markaz tuzilmasiga boshqaruv xodimlarining belgilangan cheklangan umumiy soni va mehnatga haq to‘lash fondi doirasida o‘zgartirishlar kiritish huquqi berilsin.
Oldingi tahrirga qarang.
(3-bandning birinchi xatboshisi O‘zbekiston Respublikasi Vazirlar Mahkamasining 2022-yil 9-iyundagi 320-sonli qarori tahririda — Qonunchilik ma’lumotlari milliy bazasi, 09.06.2022-y., 09/22/320/0505-son)
xalqaro me’yorlarga mos holdagi “Milliy urug‘chilik siyosati”ni ishlab chiqish, urug‘chilikni rivojlantirishning qisqa va uzoq muddatli strategiyasini ishlab chiqish;
davlat-xususiy sheriklik shartlari asosida urug‘chilik klasterlari, shu jumladan, kichik urug‘chilik tashkilotlarini tashkil etish, ularning faoliyatini qo‘llab-quvvatlash va rivojlantirish choralarini ko‘rish;
jahon bozori konyunkturasini hisobga olgan holda respublika tuproq-iqlim sharoitlariga mos qishloq xo‘jaligi ekinlari turlari va navlarini aniqlab, hududlarni ixtisoslashtirish, ularning urug‘liklari va ko‘chatlarini tayyorlash, foydalanish va eksport qilishning zamonaviy tizimini shakllantirish, “Uzbek seeds” milliy brendini yaratish;
mahalliy va xorijiy seleksiya navlari hamda biotexnologik va noan’anaviy ekin turlari navlarining birlamchi urug‘chiligi hamda ko‘chatchiligini tashkil etish va rivojlantirish;
qishloq xo‘jaligi ekinlari seleksiyasi va urug‘chiligi sohasida fan, ta’lim va ishlab chiqarishni integratsiyalashtirish;
urug‘chilik bo‘yicha xalqaro va milliy tashkilotlar bilan o‘zaro faol hamkorlik qilish, urug‘liklarni ekishdan oldin ishlov berish va qayta ishlashga oid innovatsion texnologiyalar, ushbu sohadagi nou-xaularni joriy etish;
sabzavot va polizchilikda mahalliy seleksiya navlarini tiklash hamda F1 duragay urug‘chiligini yo‘lga qo‘yish;
seleksiya va urug‘chilik sohasida faoliyat yurituvchi subyektlarning moddiy-texnika bazasini modernizatsiyalash, xorijiy investitsiyalar va davlat-xususiy sheriklik tizimi imkoniyatlarini jalb etgan holda resurs tejaydigan zamonaviy texnologiyalarni joriy qilish;
Oldingi tahrirga qarang.
urug‘liklar yetishtirishga ixtisoslashgan hududlarning tuproq-iqlim sharoitidan kelib chiqqan holda, g‘o‘za, boshoqli don, sabzavot, poliz, moyli, dukkakli va oziqa ekinlarini ularning turlari hamda navlari bo‘yicha joylashtirish;
urug‘liklar yetishtirishga ixtisoslashgan hududlardagi qishloq xo‘jaligi subyektlarining yagona elektron tizimini yaratish. Bunda subyekt nomi, ekin turi, navi va avlodi, urug‘lik maydoniga berilgan mineral o‘g‘itlar turi va miqdori, ishlatilgan kimyoviy vositalar nomi va me’yori, aprobatsiya komissiyasining navdorlik bo‘yicha xulosasi, yetishtirilgan hosil to‘g‘risidagi ma’lumotlarni aks ettirish;
urug‘lik yetishtiruvchi subyektlarda vegetatsiya davrida paxta va boshoqli don maydonlarida kamida uch marta, boshqa urug‘lik maydonlarida kamida ikki marta, urug‘liklarni saqlash va qayta ishlash jarayonlarida doimiy monitoring yuritish, ularga amaliy yordam ko‘rsatish va faoliyatini muvofiqlashtirish;
qishloq xo‘jaligi ekinlari turi va navidan kelib chiqqan holda ilmiy-tadqiqot institutlari bilan hamkorlikda ekish, parvarishlash va hosilni yig‘ib olish bo‘yicha tavsiya, qo‘llanma, normativ hujjatlarni tayyorlash va urug‘chilik subyektlariga yetkazish;
urug‘chilik subyektlarida yetishtirilgan paxta, boshoqli don, sabzavot, poliz, moyli, dukkakli va oziqa ekinlari urug‘liklarini xalqaro standartlarga mos ravishda tayyorlash va qadoqlash hamda ichki va tashqi bozorga “Uzbek seeds” milliy brendi asosida sotishni tashkil etish.
(3-band O‘zbekiston Respublikasi Vazirlar Mahkamasining 2022-yil 9-iyundagi 320-sonli qaroriga asosan xatboshilar bilan to‘ldirilgan — Qonunchilik ma’lumotlari milliy bazasi, 09.06.2022-y., 09/22/320/0505-son)
elita-urug‘chilik xo‘jaliklarida yuqori reproduktiv (original, superelita va elita) urug‘liklarni yetishtirish nav originatorlari va ishlab chiqaruvchilar o‘rtasidagi shartnomalar asosida tashkil etiladi;
Oldingi tahrirga qarang.
urug‘liklar yetishtirishga ixtisoslashgan hududlarda qishloq xo‘jaligi ekinlarining elita va keyingi avlodlarga mansub urug‘lik materiallarini yetishtirish huquqi urug‘lik yetishtiruvchi subyektlar o‘rtasida tanlov o‘tkazish orqali beriladi;
(4-bandning uchinchi xatboshisi O‘zbekiston Respublikasi Vazirlar Mahkamasining 2022-yil 9-iyundagi 320-sonli qarori tahririda — Qonunchilik ma’lumotlari milliy bazasi, 09.06.2022-y., 09/22/320/0505-son)
nav originatorlari va urug‘lik yetishtiruvchi subyektlarni rag‘batlantirish hamda urug‘lik materiallari yetishtirish uchun tanlovni o‘tkazish amaldagi normativ-huquqiy hujjatlarga muvofiq amalga oshiriladi;
Oldingi tahrirga qarang.
qishloq xo‘jaligi ekinlarining urug‘liklari va ko‘chatlariga bo‘lgan buyurtma hajmi har yili O‘zbekiston Respublikasi Qishloq xo‘jaligi vazirligi tomonidan belgilanadi;
(4-bandning beshinchi xatboshisi O‘zbekiston Respublikasi Vazirlar Mahkamasining 2021-yil 21-dekabrdagi 766-sonli qarori tahririda — Qonunchilik ma’lumotlari milliy bazasi, 22.12.2021-y., 09/21/766/1182-son)
Markaz va urug‘lik yetishtiruvchi subyektlar tomonidan urug‘lik materiallari tashqi bozorga “Uzbek seeds” milliy brendi ostida eksport qilinadi;
Markaz direktori, direktorning birinchi o‘rinbosari va o‘rinbosarlari O‘zbekiston Respublikasi qishloq xo‘jaligi vaziri tomonidan belgilangan tartibda lavozimga tayinlanadi va lavozimidan ozod etiladi;
davlat xaridlari uchun mahsulot yetishtiruvchi xo‘jalik subyektlariga lizing shartlari asosida qishloq xo‘jaligi texnikalarini sotish, mineral o‘g‘itlar, yoqilg‘i-moylash materiallari, o‘simliklarni kimyoviy himoya qilish vositalarini va boshqa moddiy resurslarni yetkazib berishda nazarda tutilgan imtiyozlar Markazning hududiy bo‘linmalariga ham tatbiq etiladi;
Oldingi tahrirga qarang.
g‘o‘zaning birlamchi va elita urug‘chiligi laboratoriyalaridagi sinov namunalarining tola sifati O‘zbekiston Respublikasi Qishloq xo‘jaligi vazirligi huzuridagi Agrosanoat majmui ustidan nazorat qilish inspeksiyasi huzuridagi “Qishloq xo‘jaligi mahsulotlari sifatini baholash markazi” davlat muassasasida bepul tahlil qilib beriladi;
(4-bandning to‘qqizinchi xatboshisi O‘zbekiston Respublikasi Vazirlar Mahkamasining 2023-yil 11-dekabrdagi 653-sonli qarori tahririda — Qonunchilik ma’lumotlari milliy bazasi, 13.12.2023-y., 09/23/653/0931-son)
urug‘chilik va ko‘chatchilik subyektlarining ekin maydonlarida tuproq unumdorligini oshiruvchi qishloq xo‘jaligi ekinlarini almashlab ekish tizimiga qat’iy rioya qilinadi.
5. O‘zbekiston Respublikasi Investitsiyalar va tashqi savdo vazirligi Tashqi ishlar vazirligi, Vazirlar Mahkamasi huzuridagi Agrosanoat kompleksi va oziq-ovqat bilan ta’minlash sohasida loyihalarni amalga oshirish agentligi hamda Qishloq xo‘jaligi vazirligi bilan birgalikda:
2020-yilning ikkinchi yarmida “Uzbek seeds” milliy brendi savdo tarmog‘ini, davlat-xususiy sheriklik shartlari asosida urug‘chilik klasterlari, shu jumladan, kichik urug‘chilik kompaniyalarini tashkil etish;
qishloq xo‘jaligi ekinlarining birlamchi urug‘chiligi elita laboratoriyalarini mahsulotning sifat ko‘rsatkichlarini aniqlovchi hamda urug‘lik materiallarini tayyorlovchi asbob-uskunalar bilan ta’minlash uchun Markazga xalqaro tashkilotlar va moliya institutlari, xorijiy hukumat tashkilotlarining investitsiyalari va grantlarini jalb etish choralarini ko‘rsin.
Yaqin istiqbol va kelajakda qishloq xo‘jaligi bo‘yicha shakllanadigan investitsiya loyihalarida, qoida tariqasida, seleksiya, urug‘chilik va ko‘chatchilikni rivojlantirish komponentlari nazarda tutilsin.
6. Markazning yuridik shaxs maqomiga ega bo‘lmagan Urug‘chilikni rivojlantirish jamg‘armasi (keyingi o‘rinlarda Jamg‘arma deb ataladi) tashkil etilsin va quyidagilar uni shakllantirish manbalari etib belgilansin:
ko‘rsatilayotgan xizmatlardan, qishloq xo‘jaligi ekinlari urug‘lik materialini realizatsiya qilishdan, shu jumladan, uni eksport qilishdan olingan daromadlar;
Markazning bo‘sh turgan mablag‘larini tijorat banklari depozitlariga joylashtirishdan olinadigan daromadlar;
xalqaro tashkilotlar va moliya institutlari, xorijiy hukumat tashkilotlarining investitsiyalari va grantlari;
urug‘chilik sohasini barqaror rivojlantirishni ta’minlashga qaratilgan kompleks dasturlarni amalga oshirish;
qishloq xo‘jaligi ekinlari seleksiyasi va urug‘chiligi sohasiga xorijiy mutaxassislar va konsultantlarni jalb etish, shuningdek, Markaz xodimlari, elita urug‘chilik xo‘jaliklari mutaxassislarini tayyorlash, qayta tayyorlash va malakasini oshirish;
qishloq xo‘jaligi ekinlari seleksiyasi va urug‘chiligi sohasida nou-xaularni joriy etish, shuningdek, sabzavot va poliz ekinlarining F1 duragay urug‘chiligini tashkil etish;
sabzavot, poliz, dukkakli, moyli va ozuqa ekinlari nav orginatorlari va mualliflarini qo‘llab-quvvatlash;
qishloq xo‘jaligi ekinlarining birlamchi urug‘chiligi va ko‘chatchiligini tashkil etish uchun Markazga Qoraqalpog‘iston Respublikasi va viloyatlarda 300 gektardan sug‘oriladigan yer maydonlari ajratilishini;
qishloq xo‘jaligi mahsulotlari yetishtiruvchilarni urug‘lik materiallari bilan ta’minlash maqsadida tuman (shahar) markazlarida urug‘lik materiallarini realizatsiya qilish shoxobchalarini qurish uchun yer maydonlari ajratilishini yoxud O‘zbekiston Respublikasi Davlat aktivlarini boshqarish agentligi bilan birgalikda foydalanilmayotgan bino va inshootlar nol balans qiymatida operativ boshqaruv huquqi bilan Markazga o‘tkazilishini ta’minlasin.
Oldingi tahrirga qarang.
8. O‘zbekiston Respublikasi Innovatsion rivojlanish vazirligi Fanlar akademiyasi bilan birgalikda urug‘chilikdagi ilmiy ishlanmalarni rivojlantirish va mustahkamlash maqsadida har yili qishloq xo‘jaligi ekinlari seleksiyasi, urug‘chiligi va ko‘chatchiligi bo‘yicha dolzarb davlat ilmiy dasturlari doirasida fundamental, amaliy va innovatsion loyihalar tanlovlarining e’lon qilib borilishini hamda grantlar hisobiga moliyalashtirilishini ta’minlasin.
(8-bandning birinchi xatboshisi O‘zbekiston Respublikasi Vazirlar Mahkamasining 2021-yil 27-avgustdagi 545-sonli qarori tahririda — Qonunchilik ma’lumotlari milliy bazasi, 28.08.2021-y., 09/21/545/0832-son)
Bunda quyidagilar moliyalashtiriladigan fundamental, amaliy va innovatsion loyihalarning asosiy maqsadlari etib belgilansin:
jahon amaliyotida qo‘llanilayotgan zamonaviy usul va texnologiyalar asosida qishloq xo‘jaligi ekinlarining hosildorligi va sifat ko‘rsatkichlari yuqori bo‘lgan, iqlim o‘zgarishlari, qurg‘oqchilik va sho‘rga moslashgan, kasallik va zararkunandalarga bardoshli nav va duragaylari seleksiyasi hamda urug‘chiligi jarayonlarining barqaror rivojlanishini ta’minlash;
navlarning hosildorligi va urug‘liklarni ko‘payish koeffitsentini oshirish hisobiga nav almashtirish va yangilash muddatlarini jadallashtirish;
nanotexnologiyalar, molekulyar genetika, biokimyo, biofizika va gen-muhandislik usullarini qo‘llashga asoslangan urug‘lik yetishtirishning zamonaviy texnologiyalarini joriy etish hisobiga urug‘larning navdorlik va unuvchanlik xususiyatlarini yaxshilash, ekinlarning hosildorligini oshirish;
urug‘lik yetishtiruvchi subyektlarning moddiy-texnika bazasini modernizatsiyalash, ularni zamonaviy qishloq xo‘jaligi texnikasi va agregatlari bilan jihozlash.
9. O‘zbekiston Respublikasi Iqtisodiyot va sanoat vazirligi, Qishloq xo‘jaligi vazirligi, Innovatsion rivojlanish vazirligining 2020-2021 o‘quv yilidan boshlab Toshkent davlat agrar universiteti va uning filiallarida qishloq xo‘jaligi ekinlari navlarini sinash, urug‘chilik va urug‘shunoslik kafedrasini tashkil etish to‘g‘risidagi taklifi ma’qullansin.
10. O‘zbekiston Respublikasi Innovatsion rivojlanish vazirligi bir oy muddatda Vazirlik huzuridagi “Urug‘chilikni rivojlantirish markazi” davlat unitar korxonasiga qarashli va u tomonidan foydalanilayotgan binolar, inshootlar, transport vositalari va boshqa moddiy-texnik qimmatliklar Qishloq xo‘jaligi vazirligi huzurida qayta tashkil etilayotgan Markazga o‘tkazilishini ta’minlasin.
O‘zbekiston Respublikasi Qishloq xo‘jaligi vazirligi huzuridagi Urug‘chilikni rivojlantirish markazi ustavini;
O‘zbekiston Respublikasi Qishloq xo‘jaligi vazirligi huzuridagi Urug‘chilikni rivojlantirish markazining Urug‘chilikni rivojlantirish jamg‘armasi to‘g‘risidagi nizomni tasdiqlasin;
boshqa manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni ushbu qarorga muvofiqlashtirsin.
12. Mazkur qarorning bajarilishini nazorat qilish O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha maslahatchisi A.D. Vaxabov va O‘zbekiston Respublikasi qishloq xo‘jaligi vaziri J.A. Xodjayev zimmasiga yuklansin.