Idoraviy normativ-huquqiy hujjatni davlat reyestridan chiqarish boʻyicha 2019-yil 21-iyundagi xulosaga muvofiq hamda Oʻzbekiston Respublikasi Prezidentining 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi, Oʻzbekiston Respublikasi Vazirlar Mahkamasining 1997-yil 9-oktabrdagi 469-son “Vazirliklar, davlat qoʻmitalari va idoralar meʼyoriy hujjatlarining qonuniyligini taʼminlash chora-tadbirlari toʻgʻrisida”gi hamda 2000-yil 19-maydagi 197-son “Vazirliklar, davlat qoʻmitalari va idoralarning meʼyoriy hujjatlarini qabul qilish tartibini takomillashtirish toʻgʻrisida”gi qarorlariga asosan, buyuraman:

1. Oʻzbekiston Respublikasiga Xalqaro tiklanish va taraqqiyot banki tomonidan beriladigan qarz mablagʻlarini berish, foydalanish va qaytarish tartibini (roʻyxat raqami 783, 1999-yil 30-iyul) Idoraviy normativ-huquqiy hujjatlarning davlat reyestridan chiqarish yuzasidan Oʻzbekiston Respublikasi Iqtisodiyot va sanoat vazirligining 2019-yil 28-maydagi RG-1-7/6-2248-3-son, Markaziy bankining 2019-yil 31-maydagi 17-20/278-son, Moliya vazirligining 2019-yil 21-maydagi OI/13-05-485-son va “Asaka” aksiyadorlik tijorat bankining 2019-yil 1-iyundagi 19-12/3477-son xatlari maʼlumot uchun qabul qilinsin.

2. Oʻzbekiston Respublikasi Makroiqtisodiyot va statistika vazirligi, Moliya vazirligi, Markaziy banki va Ixtisoslashgan “Asaka” aksiyadorlik-tijorat banki tomonidan 1999-yil 6-maydagi 12-02-1/210-son, 16-iyuldagi 55-son, 9-iyundagi 308/1961-son va 14-maydagi 21-04/2248-son bilan tasdiqlangan Oʻzbekiston Respublikasiga Xalqaro tiklanish va taraqqiyot banki tomonidan beriladigan qarz mablagʻlarini berish, foydalanish va qaytarish tartibi (roʻyxat raqami 783, 1999-yil 30-iyul) davlat reyestridan chiqarilsin.

3. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarning davlat reyestriga tegishli yozuv kiritilsin.

4. Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida eʼlon qilinishini taʼminlasin.

5. Mazkur buyruq rasmiy eʼlon qilingan kundan eʼtiboran kuchga kiradi.

6. Mazkur buyruqning ijrosini nazorat qilish vazirning birinchi oʻrinbosari M. Istamov zimmasiga yuklansin.