Oʻzbekiston Respublikasi Prezidentining “Toshkent shahrida “MMFI” milliy tadqiqot yadro universiteti” Federal davlat avtonom oliy taʼlim muassasasini tashkil etish va uning faoliyatini tashkil etish toʻgʻrisida” 2018-yil 20-iyuldagi PQ-3875-son qaroriga muvofiq, shuningdek, “MMFI” milliy tadqiqot yadro universiteti” Federal davlat avtonom oliy taʼlim muassasasining Toshkent shahridagi filialida respublika atom sohasi uchun oliy maʼlumotli malakali kadrlar tayyorlashni taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Energetika vazirligi huzuridagi Atom energetikasini rivojlantirish agentligining Oʻzbekiston Respublikasi hududida atom elektr stansiyasini qurish loyihasini amalga oshirish uchun atom energetikasi va yadro texnologiyalari sohasida oliy malakali kadrlarga boʻlgan ehtiyojini hisobga olgan holda:

2019/2020 oʻquv yilida “MMFI” milliy tadqiqot yadro universiteti” federal davlat avtonom oliy taʼlim muassasasining Toshkent shahridagi filialida (keyingi oʻrinlarda — Filial) bakalavrlar tayyorlash boʻyicha 100 nafar qabul kvotasi ilovaga muvofiq;

Filialda kadrlar tayyorlash faqat grant asosida amalga oshirilishi maʼlumot uchun qabul qilinsin.

2. Oʻzbekiston Respublikasi Oliy va oʻrta maxsus taʼlim vazirligi, Energetika vazirligi huzuridagi Atom energetikasini rivojlantirish agentligi “MMFI” milliy tadqiqot yadro universiteti” Federal davlat avtonom oliy taʼlim muassasasi bilan birgalikda 2019/2020 oʻquv yilida Filialga kirish imtihonlarini oʻtkazish boʻyicha tashkiliy-texnik tadbirlarning belgilangan tartibda bajarilishini taʼminlasin.

3. Mazkur qarorning bajarilishini nazorat qilish Oʻzbekiston Respublikasi energetika vaziri A.S. Sultonov va Oʻzbekiston Respublikasi oliy va oʻrta maxsus taʼlim vaziri I.U. Madjidov zimmasiga yuklansin.