1-modda. O‘zbekiston Respublikasining1993-yil 3-sentabrda qabul qilingan “Fuqarolarning davlat pensiya ta’minoti to‘g‘risida”gi 938–XII-sonli Qonuniga (O‘zbekiston Respublikasi Oliy Kengashining Axborotnomasi, 1993-yil, № 9, 338-modda; O‘zbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 4–5, 126-modda; 1998-yil, № 9, 181-modda; 1999-yil, № 5, 112-modda; 2001-yil, № 5, 89-modda; 2002-yil, № 4–5, 74-modda; O‘zbekiston Respublikasi Oliy Majlisi palatalarining Axborotnomasi, 2005-yil, № 5, 152-modda; 2007-yil, № 12, 590, 608-moddalar; 2008-yil, № 12, 640-modda; 2010-yil, № 5, 178-modda, № 9, 334-modda, № 12, 472-modda; 2012-yil, № 1, 4-modda; 2013-yil, № 10, 263-modda; 2014-yil, № 12, 341-modda; 2016-yil, № 4, 125-modda, № 12, 383, 384-moddalar; 2018-yil, № 1, 1-modda, № 10, 676-modda, № 12, 783-modda) quyidagi o‘zgartishlar kiritilsin:

1) 27-moddaning ikkinchi qismidagi “sakkiz barobari” degan so‘zlar “o‘n barobari” degan so‘zlar bilan almashtirilsin;

2) 31-moddaning oltinchi qismidagi “sakkiz barobaridan” degan so‘zlar “o‘n barobaridan” degan so‘zlar bilan almashtirilsin.

2-modda. O‘zbekiston Respublikasining 1996-yil 29-avgustda qabul qilingan “Fuqarolar sog‘lig‘ini saqlash to‘g‘risida”gi 265-I-sonli Qonunining (O‘zbekiston Respublikasi Oliy Majlisining Axborotnomasi, 1996-yil, № 9, 128-modda; 1999-yil, № 5, 124-modda; 2001-yil, № 5, 89-modda; O‘zbekiston Respublikasi Oliy Majlisi palatalarining Axborotnomasi, 2006-yil, № 10, 536-modda; 2007-yil, № 10, 473-modda; 2010-yil, № 5, 177-modda; 2016-yil, № 12, 383-modda; 2017-yil, № 6, 300-modda; 2018-yil, № 1, 1-modda) 41-moddasiga quyidagi qo‘shimcha va o‘zgartish kiritilsin:

quyidagi mazmundagi ikkinchi qism bilan to‘ldirilsin:

“Tibbiy ma’lumotga ega bo‘lmagan shaxslar ham O‘zbekiston Respublikasi Sog‘liqni saqlash vazirligi huzuridagi Xalq tabobati usullaridan foydalangan holda tibbiy xizmat ko‘rsatish faoliyatini litsenziyalash bo‘yicha maxsus komissiyaning xulosasi asosida xalq tabobati usullaridan foydalangan holda tibbiy faoliyat bilan shug‘ullanish huquqiga ega bo‘ladilar”;

ikkinchi — oltinchi qismlar tegishincha uchinchi — yettinchi qismlar deb hisoblansin.

3-modda. O‘zbekiston Respublikasining 1997-yil 29-avgustda qabul qilingan “Davlat bojxona xizmati to‘g‘risida”gi 472-I-sonli Qonuniga (O‘zbekiston Respublikasining 2018-yil 18-oktabrda qabul qilingan O‘RQ–502-sonli Qonuni tahririda) (O‘zbekiston Respublikasi Oliy Majlisi palatalarining Axborotnomasi, 2018-yil, № 10, 678-modda) quyidagi o‘zgartishlar va qo‘shimcha kiritilsin:

1) 6-moddaning ikkinchi qismidagi “Oliy harbiy bojxona instituti” degan so‘zlar “O‘zbekiston Respublikasi Davlat bojxona qo‘mitasining Bojxona instituti (bundan buyon matnda Bojxona instituti deb yuritiladi)” degan so‘zlar bilan almashtirilsin;

2) 13-modda oltinchi qismining ikkinchi xatboshisidagi “Oliy harbiy bojxona” degan so‘zlar “Bojxona” degan so‘z bilan almashtirilsin;

3) 16-modda to‘qqizinchi qismining to‘rtinchi xatboshisidagi “Oliy harbiy bojxona” degan so‘zlar “Bojxona” degan so‘z bilan almashtirilsin;

4) 17-modda:

quyidagi mazmundagi to‘rtinchi qism bilan to‘ldirilsin:

“Bojxona institutining boshlig‘i O‘zbekiston Respublikasi Prezidenti bilan kelishuvga binoan O‘zbekiston Respublikasi Davlat bojxona qo‘mitasi raisi tomonidan lavozimga tayinlanadi va lavozimidan ozod etiladi”;

to‘rtinchi — o‘n to‘rtinchi qismlari tegishincha beshinchi — o‘n beshinchi qismlar deb hisoblansin;

beshinchi qismidagi “birinchi va uchinchi qismlarida” degan so‘zlar “birinchi, uchinchi va to‘rtinchi qismlarida” degan so‘zlar bilan almashtirilsin;

5) 18-moddaning:

birinchi qismidagi “Oliy harbiy bojxona” degan so‘zlar “Bojxona” degan so‘z bilan almashtirilsin;

to‘rtinchi qismidagi “Oliy harbiy bojxona” degan so‘zlar “Bojxona” degan so‘z bilan almashtirilsin;

6) 22-moddaning o‘n oltinchi qismidagi “Oliy harbiy bojxona” degan so‘zlar “Bojxona” degan so‘z bilan almashtirilsin;

7) 23-moddaning to‘rtinchi va o‘n sakkizinchi qismlaridagi “Oliy harbiy bojxona” degan so‘zlar “Bojxona” degan so‘z bilan almashtirilsin;

8) 26-moddaning birinchi qismidagi “Oliy harbiy bojxona” degan so‘zlar “Bojxona” degan so‘z bilan almashtirilsin;

9) 32-moddaning ikkinchi qismidagi “Oliy harbiy bojxona” degan so‘zlar “Bojxona” degan so‘z bilan almashtirilsin.

4-modda. O‘zbekiston Respublikasining 2003-yil 29-avgustda qabul qilingan “O‘zbekiston Respublikasi Oliy Majlisi Qonunchilik palatasining Reglamenti to‘g‘risida”gi 522-II-sonli Qonuniga (O‘zbekiston Respublikasi Oliy Majlisining Axborotnomasi, 2003-yil, № 9–10, 136-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 4, 163-modda, № 7, 326-modda; 2008-yil, № 12, 637-modda; 2009-yil, № 4, 136-modda; 2011-yil, № 4, 101-modda; 2013-yil, № 4, 95-modda; 2014-yil, № 4, 86-modda, № 5, 130-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda; 2018-yil, № 1, 4-modda, № 4, 224-modda, № 7, 431-modda; 2019-yil, № 1, 1-modda, № 3, 157-modda) quyidagi o‘zgartishlar kiritilsin:

1) 6-modda uchinchi qismining:

to‘rtinchi xatboshisi chiqarib tashlansin;

beshinchi, oltinchi va yettinchi xatboshilari tegishincha to‘rtinchi, beshinchi va oltinchi xatboshilar deb hisoblansin;

to‘rtinchi xatboshisidagi “mas’ul qo‘mitaning” degan so‘zlar “qonun loyihasini dastlabki tarzda ko‘rib chiqish uchun mas’ul bo‘lgan qo‘mitaning (bundan buyon matnda mas’ul qo‘mita deb yuritiladi)” degan so‘zlar bilan almashtirilsin;

2) 7-moddaning uchinchi qismidagi “qonunchilik va sud-huquq masalalari” degan so‘zlar “korrupsiyaga qarshi kurashish va sud-huquq masalalari” degan so‘zlar bilan almashtirilsin;

3) 8¹-modda chiqarib tashlansin;

4) 13-moddaning birinchi qismi quyidagi tahrirda bayon etilsin:

“Qonunchilik palatasi Spikeri mas’ul qo‘mitani belgilaydi, qonun loyihasini hamda unga ilova qilingan materiallarni mas’ul qo‘mitaga va, bir vaqtning o‘zida, fraksiyalarga (deputatlar guruhlariga) topshiradi, shuningdek fraksiyalar (deputatlar guruhlari) tomonidan fikrlar va takliflarni hamda mas’ul qo‘mita tomonidan xulosani taqdim etish muddatini belgilaydi”;

5) 14-moddaning uchinchi qismidagi “agar Qonunchilik palatasi Kengashi tomonidan boshqa muddat belgilangan bo‘lmasa” degan so‘zlar chiqarib tashlansin;

6) 19-moddaning uchinchi qismidagi “Qonunchilik palatasi Kengashi Muvofiqlashtiruvchi guruhning axborotini eshitib” degan so‘zlar “Qonunchilik palatasi Spikeri” degan so‘zlar bilan almashtirilsin.

5-modda. O‘zbekiston Respublikasining 2003-yil 29-avgustda qabul qilingan “O‘zbekiston Respublikasi Oliy Majlisi Senatining Reglamenti to‘g‘risida”gi 523-II-sonli Qonuniga (O‘zbekiston Respublikasi Oliy Majlisining Axborotnomasi, 2003-yil, № 9–10, 137-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 4, 163-modda; 2009-yil, № 4, 136-modda; 2011-yil, № 4, 101-modda; 2014-yil, № 4, 86-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda; 2018-yil, № 1, 4-modda, № 4, 224-modda, № 7, 431-modda; 2019-yil, № 1, 1-modda, № 3, 157-modda) quyidagi o‘zgartishlar kiritilsin:

1) 7-moddaning uchinchi qismidagi “qonunchilik va sud-huquq masalalari” degan so‘zlar “sud-huquq masalalari va korrupsiyaga qarshi kurashish” degan so‘zlar bilan almashtirilsin;

2) 32¹-moddaning to‘rtinchi qismidagi “Qonunchilik va sud-huquq masalalari” degan so‘zlar “Sud-huquq masalalari va korrupsiyaga qarshi kurashish” degan so‘zlar bilan almashtirilsin;

3) 32⁸-moddaning to‘rtinchi qismidagi “Qonunchilik va sud-huquq masalalari” degan so‘zlar “Sud-huquq masalalari va korrupsiyaga qarshi kurashish” degan so‘zlar bilan almashtirilsin.

6-modda. O‘zbekiston Respublikasining 2013-yil 26-dekabrda qabul qilingan O‘RQ–360-sonli Qonuni bilan tasdiqlangan O‘zbekiston Respublikasining Budjet kodeksi (O‘zbekiston Respublikasi Oliy Majlisi palatalarining Axborotnomasi, 2013-yil, 12-songa 1-ilova; 2014-yil, № 9, 244-modda; 2015-yil, № 12, 452-modda; 2016-yil, № 12, 383, 385-moddalar; 2017-yil, № 6, 300-modda, № 10, 605-modda, № 12, 772-modda; 2018-yil, № 1, 1, 4-moddalar, № 7, 431, 433-moddalar; 2019-yil, № 1, 1-modda) 70-moddasi birinchi qismi 3-bandining yettinchi xatboshisidagi “Sof ichimlik suvi” degan so‘zlar “Suv ta’minoti va kanalizatsiya tizimlarini rivojlantirish” degan so‘zlar bilan almashtirilsin.

7-modda. O‘zbekiston Respublikasining 2016-yil 11-aprelda qabul qilingan “Parlament nazorati to‘g‘risida”gi O‘RQ-403-sonli Qonuniga (O‘zbekiston Respublikasi Oliy Majlisi palatalarining Axborotnomasi, 2016-yil, № 4, 123-modda; 2017-yil № 6, 300-modda; 2018-yil, № 1, 4-modda, № 4, 224-modda; 2019-yil, № 1, 1-modda, № 3, 157-modda) quyidagi o‘zgartishlar kiritilsin:

1) 10-moddaning beshinchi qismidagi “Qonunchilik va sud-huquq masalalari” degan so‘zlar “Sud-huquq masalalari va korrupsiyaga qarshi kurashish” degan so‘zlar bilan almashtirilsin;

2) 19-moddaning to‘rtinchi qismidagi “Qonunchilik va sud-huquq masalalari” degan so‘zlar “Sud-huquq masalalari va korrupsiyaga qarshi kurashish” degan so‘zlar bilan almashtirilsin.

8-modda. O‘zbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid bo‘lgan o‘z normativ-huquqiy hujjatlarini qayta ko‘rib chiqishlari va bekor qilishlarini ta’minlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi o‘rtasida tushuntirilishini ta’minlasin.

9-modda. Ushbu Qonun rasmiy e’lon qilingan kundan e’tiboran kuchga kiradi.