Oʻzbekiston Respublikasi Oliy Majlisi qaror qiladi:

Oʻzbekiston Respublikasining quyidagi qonun hujjatlariga oʻzgartishlar va qoʻshimchalar kiritilsin:

I. Oʻzbekiston Respublikasining 1991-yil 19-noyabrda qabul qilingan “Davlat tasarrufidan chiqarish va xususiylashtirish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 1, 43-modda; 1993-yil, № 5, 236-modda, 1994-yil, № 11-12, 285-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda; 1998-yil, № 3, 38-modda) 8-moddasi uchinchi bandining oltinchi xatboshisi “imtiyozlar berish” degan soʻzlardan oldin “qonun hujjatlarida belgilangan tartibda” degan soʻzlar bilan toʻldirilsin.

II. Oʻzbekiston Respublikasining 1992-yil 13-yanvarda qabul qilingan “Aholini ish bilan taʼminlash toʻgʻrisida”gi Qonunining 1998-yil 1-mayda qabul qilingan Oʻzbekiston Respublikasi Qonuni bilan tasdiqlangan yangi tahriri (Oʻzbekiston Respublikasi Oliy Majlisining Axborotnomasi, 1998-yil, № 5-6, 97-modda):

1) 22-moddasining toʻrtinchi qismi quyidagi tahrirda bayon etilsin:

“Haq toʻlanadigan jamoat ishlarini tashkil qilish va moliyalash, ishsiz shaxslarning bunday ishlarda ishtirok etishi tartibi Oʻzbekiston Respublikasi Vazirlar Mahkamasi tomonidan belgilanadi”;

2) 27-moddasining birinchi qismi quyidagi tahrirda bayon etilsin:

“Ishsizlik nafaqasi ushbu Qonunning 3-moddasiga muvofiq ishsiz deb eʼtirof etilgan shaxslarga tayinlanadi. Qaramogʻida uchtagacha kishi boʻlgan, oʻttiz besh yoshga toʻlmagan ishsiz erkaklarga ishsizlik nafaqasi ular haq toʻlanadigan jamoat ishlarida Oʻzbekiston Respublikasi Vazirlar Mahkamasi tomonidan belgilanadigan tartibda ishtirok etgan taqdirda tayinlanadi”;

3) 34-moddasining:

birinchi qismi quyidagi mazmundagi toʻrtinchi xatboshi bilan toʻldirilsin:

“qaramogʻida uchtagacha kishi boʻlgan oʻttiz besh yoshga toʻlmagan ishsiz erkak haq toʻlanadigan jamoat ishlarida ishtirok etishni rad etgan taqdirda”;

toʻrtinchi, beshinchi, oltinchi, yettinchi va sakkizinchi xatboshilari tegishincha beshinchi, oltinchi, yettinchi, sakkizinchi va toʻqqizinchi xatboshilari deb hisoblansin;

ikkinchi qismi quyidagi mazmundagi toʻrtinchi xatboshi bilan toʻldirilsin:

“ishsiz shaxs haq toʻlanadigan jamoat ishlarida ishtirok etayotgan boʻlsa, bunday ishlarda ishtirok etgan davrida”.

IV. Oʻzbekiston Respublikasining 1992-yil 9-dekabrda qabul qilingan “Davlat boji toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 1, 22-modda; 1994-yil, № 5, 161-modda; Oʻzbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 5-6, 102-modda, № 9, 181-modda) 4-moddasi 4-bandining:

“b” kichik bandi quyidagi tahrirda bayon etilsin:

“b) jismoniy shaxslar — tugʻilish, oʻlim qayd etilganligi uchun, farzandlikka olish, otalikni belgilash, jinsning oʻzgartirilishi hollarida, shuningdek fuqarolik holati dalolatnomalarini qayd etish paytida yoʻl qoʻyilgan xatolar munosabati bilan tugʻilganlik toʻgʻrisidagi hujjatlar yozuvlari oʻzgartirilgan, tuzatilgan va toʻldirilgan taqdirda ularga guvohnomalar berganlik uchun”;

“v” kichik bandidagi “ruhiy kasalligi yo aqli zaifligi” degan soʻzlar “ruhiyati buzilishi (ruhiy kasalligi yoki aqli zaifligi)” degan soʻzlar bilan almashtirilsin;

band quyidagi mazmundagi “d” kichik bandi bilan toʻldirilsin:

“d) tabiiy ofatlar natijasida jabrlangan jismoniy shaxslar — ularga takroriy guvohnomalar berganlik uchun”.

V. Oʻzbekiston Respublikasining 1992-yil 9-dekabrda qabul qilingan “Tabiatni muhofaza qilish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 1, 38-modda; Oʻzbekiston Respublikasi Oliy Majlisining Axborotnomasi,1995-yil, № 6, 118-modda; 1997-yil, № 4-5, 126-modda) 31-moddasi ikkinchi qismining beshinchi xatboshisi quyidagi mazmundagi xatboshilar bilan almashtirilsin:

“Oʻzbekiston Respublikasi Ichki ishlar vazirligi;

Oʻzbekiston Respublikasi Qishloq va suv xoʻjaligi vazirligi;

Oʻzbekiston Respublikasi Yer resurslari davlat qoʻmitasi maxsus vakolatli davlat tabiatni muhofaza qilish idoralari hisoblanadi”.

VI. Oʻzbekiston Respublikasining 1993-yil 2-sentabrda qabul qilingan “Mahalliy davlat hokimiyati toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 9, 320-modda; Oʻzbekiston Respublikasi Oliy Majlisining Axborotnomasi, 1997-yil, № 9, 241-modda) 21-moddasining ikkinchi qismi chiqarib tashlansin.

VII. Oʻzbekiston Respublikasining 1994-yil 5-mayda qabul qilingan “Xalq deputatlari viloyat, tuman va shahar Kengashlariga saylov toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1994-yil, № 5, 125-modda; Oʻzbekiston Respublikasi Oliy Majlisining Axborotnomasi, 1998-yil, № 3, 38-modda) 23-moddasi quyidagi tahrirda bayon etilsin:

“23-modda. Deputatlikka nomzodlarga qoʻyiladigan talablar

Quyidagilar:

qasddan sodir etilgan jinoyati uchun ilgari sudlangan fuqarolar;

saylov tayinlangan kunga qadar soʻnggi besh yil mobaynida Oʻzbekiston Respublikasi hududida doimiy yashamagan fuqarolar;

Oʻzbekiston Respublikasi Qurolli Kuchlarining harbiy xizmatchilari, Oʻzbekiston Respublikasi Milliy xavfsizlik xizmatining, Ichki ishlar vazirligining, Davlat bojxona qoʻmitasining, boshqa harbiylashtirilgan boʻlinmalarning xodimlari;

diniy tashkilotlar va birlashmalarning professional xizmatchilari deputatlikka nomzod etib roʻyxatga olinmaydilar.

Sudyalar, prokuratura organlari va hokimiyat ijroiya organlarining mansabdor shaxslari (viloyatlar, tumanlar va shaharlarning hokimlari bundan mustasno) deputat etib saylangudek boʻlsalar, egallab turgan lavozimlaridan boʻshash toʻgʻrisida ariza berganlari taqdirdagina xalq deputatlari viloyat, tuman va shahar Kengashlari deputatligiga nomzod etib roʻyxatga olinadilar”.

VIII. Oʻzbekiston Respublikasining 1994-yil 22-sentabrda qabul qilingan Qonuni bilan tasdiqlangan Oʻzbekiston Respublikasi Jinoyat kodeksining (Oʻzbekiston Respublikasi Oliy Kengashining Axborotnomasi, 1995-yil, № 1, 3-modda; Oʻzbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda, № 9 241-modda; 1998-yil, № 5-6, 102-modda, № 9, 181-modda):

1) 182-moddasi quyidagi tahrirda bayon etilsin:

Bojxona nazoratini chetlab yoki Bojxona nazoratidan yashirib yoxud Bojxona hujjatlari va vositalariga oʻxshatib yasalgan hujjatlardan aldash yoʻli bilan foydalangan holda yoki deklaratsiyasiz yoxud boshqa nomga yozilgan deklaratsiyadan foydalanib, tovar yoki boshqa qimmatliklarni Oʻzbekiston Respublikasining bojxona chegarasidan oʻtkazish:

a) koʻp miqdorda;

b) xizmat lavozimidan foydalangan holda sodir etilgan boʻlsa, —

mol-mulk musodara qilinib, besh yildan sakkiz yilgacha ozodlikdan mahrum qilish bilan jazolanadi.

Oʻsha harakat:

a) juda koʻp miqdorda;

b) chegarani buzib oʻtish, yaʼni bojxona xizmatining roziligini olmasdan turib, tovar yoki boshqa qimmatliklarni Oʻzbekiston Respublikasining bojxona chegarasidan ochiqdan-ochiq oʻtkazish yoʻli bilan;

v) uyushgan guruh tomonidan yoki uning manfaatlarini koʻzlab sodir etilgan boʻlsa, —

mol-mulk musodara qilinib sakkiz yildan oʻn besh yilgacha ozodlikdan mahrum qilish bilan jazolanadi”;

2) Kodeks quyidagi mazmundagi 186¹-modda bilan toʻldirilsin:

Etil spirti, alkogolli mahsulot va tamaki mahsulotini noqonuniy ravishda ishlab chiqarish yoki muomalaga kiritish, shunday harakatlar uchun maʼmuriy jazo qoʻllanilganidan keyin sodir etilgan boʻlsa, —

mol-mulk musodara qilinib, eng kam oylik ish haqining ellik baravaridan yetmish besh baravarigacha miqdorda jarima yoki ikki yilgacha axloq tuzatish ishlari yoxud uch yilgacha ozodlikdan mahrum qilish bilan jazolanadi.

Oʻsha harakatlar:

a) koʻp miqdorda;

b) bir guruh shaxslar tomonidan oldindan til biriktirib sodir etilgan boʻlsa, —

mol-mulk musodara qilinib, besh yildan sakkiz yilgacha ozodlikdan mahrum qilish bilan jazolanadi”.

IX. Oʻzbekiston Respublikasining 1994-yil 22-sentabrda qabul qilingan Qonuni bilan tasdiqlangan Oʻzbekiston Respublikasi Jinoyat-protsessual kodeksining (Oʻzbekiston Respublikasi Kengashining Axborotnomasi, 1995-yil, № 2, 5-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda):

1) 345-moddasining ikkinchi qismi “186” raqamidan keyin “186¹” degan raqam bilan toʻldirilsin;

2) 405-moddasi matnidagi “yetti sutkada” degan soʻzlar “oʻn besh sutkada” degan soʻzlar bilan almashtirilsin;

3) 490-moddasi quyidagi mazmundagi ikkinchi qism bilan toʻldirilsin:

“Nazorat instansiyasi sudi jinoyat ishini nazorat tartibda koʻrib, kassatsiya ajrimini, agar keyin sud ajrimlari qarorlari chiqarilgan boʻlsa, ularni ham bekor qiladi va ishni yangidan kassatsiya tartibida koʻrib chiqishga oʻtkazadi”;

ikkinchi, uchinchi va toʻrtinchi qismlari tegishincha uchinchi, toʻrtinchi va beshinchi qismlar deb hisoblansin.

X. Oʻzbekiston Respublikasining 1994-yil 22-sentabrda qabul qilingan Qonuni bilan tasdiqlangan Oʻzbekiston Respublikasi Maʼmuriy javobgarlik toʻgʻrisidagi kodeksining (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisning Axborotnomasi 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda):

1) 164-moddasi:

ikkinchi qismning sanksiyasi quyidagi tahrirda bayon etilsin:

“sotilayotgan ashyolarni musodara qilib, eng kam ish haqining besh baravaridan oʻn baravarigacha miqdorda jarima solishga sabab boʻladi”;

uchinchi qismning sanksiyasi quyidagi tahrirda bayon etilsin:

“fuqarolarga eng kam ish haqining besh baravaridan oʻn baravarigacha, mansabdor shaxslarga esa — yetti baravaridan oʻn besh baravarigacha miqdorda jarima solishga sabab boʻladi”;

2) Kodeks quyidagi mazmundagi 175¹ va 186¹ moddalar bilan toʻldirilsin:

Buxgalteriya hisobi va hisobotini yuritish tartibini buzish,—

mansabdor shaxslarga eng kam ish haqining besh baravaridan oʻn baravarigacha miqdorda jarima solishga sabab boʻladi.

Xuddi shunday huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, —

mansabdor shaxslarga eng kam ish haqining oʻn baravaridan oʻn besh baravarigacha miqdorda jarima sabab boʻladi”;

Etil spirti, alkogolli mahsulot va tamaki mahsulotini noqonuniy ravishda ishlab chiqarish yoki muomalaga kiritish,—

huquqbuzarlik ashyolarini musodara qilib, eng kam ish haqining besh baravaridan oʻn besh baravarigacha miqdorda jarima solishga sabab boʻladi”;

3) 227-moddasining sanksiyasi quyidagi tahrirda bayon etilsin:

“huquqbuzarlik ashyolarini musodara qilib, fuqarolarga eng kam ish haqining besh baravaridan oʻn baravarigacha, mansabdor shaxslarga esa — oʻn baravaridan oʻn besh baravarigacha miqdorda jarima solishga sabab boʻladi”;

4) Kodeks quyidagi mazmundagi 241¹-modda bilan toʻldirilsin:

Xoʻjalik yurituvchi subyektlarning moliya-xoʻjalik faoliyatini tekshirish va taftish qilishlarning belgilangan tartibini buzish, —

mansabdor shaxslarga eng kam ish haqining uch baravaridan besh baravarigacha miqdorda jarima solishga sabab boʻladi.

Xuddi shunday huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, —

mansabdor shaxslarga eng kam ish haqining besh baravaridan oʻn baravarigacha miqdorda jarima solishga sabab boʻladi”;

5) 245-moddasining birinchi qismi “175-moddasining beshinchi qismi” degan soʻzlardan keyin “175¹-moddasida” degan soʻzlar bilan, “186” raqamidan keyin “186¹” degan, “241” raqamidan keyin esa “241¹” degan raqamlar bilan toʻldirilsin;

6) 261-moddasining birinchi qismidagi “65-moddasining birinchi qismida (qishloq xoʻjaligi uchun moʻljallangan yerlar bundan mustasno), 65-moddasining ikkinchi qismida, 68-moddasida (hisobotni buzib koʻrsatish, yerdan foydalanganlik toʻgʻrisida axborot taqdim etishdan bosh tortish yoki notoʻgʻri axborot taqdim etish bundan mustasno), 69-moddasida (qishloq xoʻjaligi uchun moʻljallangan yerlar bundan mustasno)” degan soʻzlar “65-moddasining ikkinchi qismida (qishloq xoʻjaligi yerlarini va boshqa yerlarni yaroqsiz holga keltirganlik bundan mustasno), 68-moddasida (shaharlar va posyolkalarning yerlariga, tabiatni muhofaza qilish, sogʻlomlashtirish, rekreatsiya maqsadlariga moʻljallangan yerlarga, suv fondi yerlariga oid qismi)” degan soʻzlar bilan almashtirilsin;

7) 266¹-moddasi quyidagi tahrirda bayon etilsin:

Yer resurslari davlat qoʻmitasining organlariga ushbu Kodeksning 65-moddasida (erlarni ishlab chiqarish va boshqa chiqindilar, kimyoviy va radioaktiv moddalar hamda oqova suvlar bilan ifloslantirganlik bundan mustasno), 68-moddasida (shaharlar va posyolkalarning yerlari, tabiatni muhofaza qilish, sogʻlomlashtirish, rekreatsiya maqsadlariga moʻljallangan yerlar, suv fondi yerlari bundan mustasno), 69-moddasida nazarda tutilgan maʼmuriy huquqbuzarliklar toʻgʻrisidagi ishlar taalluqlidir.

Yer resurslari davlat qoʻmitasi organlari nomidan maʼmuriy huquqbuzarlik toʻgʻrisidagi ishlarni koʻrib chiqish va jarima solish tariqasida maʼmuriy jazo chorasini qoʻllashga quyidagilar haqlidirlar:

Oʻzbekiston Respublikasi yerlardan foydalanish va ularning muhofaza etilishini nazorat qilish boʻyicha bosh davlat inspektori va uning oʻrinbosarlari — fuqarolarga eng kam ish haqining uch baravarigacha, mansabdor shaxslarga esa — yetti baravarigacha miqdorda;

Qoraqalpogʻiston Respublikasi, viloyatlar va tumanlari yerlardan foydalanish va ularning muhofaza etilishini nazorat qilish boʻyicha davlat inspektorlari — fuqarolarga eng kam ish haqning ikki baravarigacha, mansabdor shaxslarga esa — besh baravarigacha miqdorda jarima solishga”.

XI. Oʻzbekiston Respublikasining 1995-yil 6-mayda qabul qilingan “Oʻzbekiston Respublikasida deputatlarining maqomi toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1995-yil, № 6, 114-modda; 1996-yil, № 9, 141-modda) 7-moddasining ikkinchi qismi quyidagi mazmundagi ikkinchi va uchinchi qismlar bilan almashtirilsin:

“Alohida hollarda deputatning vakolatlari tegishli hokimiyat vakillik organi qarori bilan muddatidan ilgari toʻxtatilishi mumkin. Deputat degan yuksak nomga dogʻ tushiruvchi xulq-atvor bunday masalani koʻrib chiqish uchun asos boʻlishi mumkin.

Deputat uni deputatlikka nomzod etib koʻrsatgan organ (partiya) oldidagi oʻz majburiyatlarini bajarmagan taqdirda, bu organning (partiyaning) taklifi ham deputatning vakolatlarini muddatidan ilgari toʻxtatish toʻgʻrisidagi masalani koʻrib chiqish uchun asos boʻlib xizmat qilishi mumkin”.

XII. Oʻzbekiston Respublikasining 1995-yil 21-dekabrda qabul qilingan Qonuni bilan tasdiqlangan Oʻzbekiston Respublikasi Mehnat kodeksining (Oʻzbekiston Respublikasi Oliy Majlisining Axborotnomasi, 1996-yil, 1-songa ilova; 1997-yil, № 2, 65-modda; 1998-yil, № 5-6, 102-modda, № 9, 181-modda):

1) 65-moddasining birinchi qismi quyidagi tahrirda bayon etilsin:

“Ishsizlik nafaqasi ishsiz deb eʼtirof etilgan shaxsga u ish qidirayotgan shaxs sifatida mahalliy mehnat organida roʻyxatdan oʻtgan kundan eʼtiboran tayinlanadi. Qaramogʻida uchtagacha kishi boʻlgan, oʻttiz besh yoshga toʻlmagan ishsiz erkakka ishsizlik nafaqasi u haq toʻlanadigan jamoat ishlarida Oʻzbekiston Respublikasi Vazirlar Mahkamasi tomonidan belgilanadigan tartibda ishtirok etgan taqdirda tayinlanadi. Ishsiz shaxsning nafaqa olish huquqi u ish qidirayotgan shaxs sifatida roʻyxatdan oʻtgan paytdan boshlab kechi bilan oʻn birinchi kundan eʼtiboran kuchga kiradi”;

2) 66-moddasi:

birinchi qismi quyidagi mazmundagi toʻrtinchi xatboshi bilan toʻldirilsin:

“qaramogʻida uchtagacha kishi boʻlgan, oʻttiz besh yoshga toʻlmagan ishsiz erkak haq toʻlanadigan jamoat ishlarida ishtirok etishni rad etgan taqdirda”;

toʻrtinchi, beshinchi, oltinchi, yettinchi va sakkizinchi xatboshilari tegishincha beshinchi, oltinchi, yettinchi, sakkizinchi va toʻqqizinchi xatboshilar deb hisoblansin;

ikkinchi qismi quyidagi mazmundagi toʻrtinchi xatboshi bilan toʻldirilsin:

“ishsiz shaxs haq toʻlanadigan jamoat ishlarida ishtirok etayotgan boʻlsa, — bunday ishlarda ishtirok etgan davrida”.

XIII. Oʻzbekiston Respublikasining 1995-yil 21-dekabrda va 1996-yil 29-avgustda qabul qilingan qonunlari bilan tasdiqlangan Oʻzbekiston Respublikasi Fuqarolik kodeksining (Oʻzbekiston Respublikasi Oliy Majlisining Axborotnomasi, 1996-yil, 2-songa ilova, № 11-12; 1997-yil, № 2, 56-modda, № 9, 241-modda; 1998-yil, № 5-6, 102-modda) 38-moddasi:

birinchi qismi quyidagi tahrirda bayon etilsin:

“Quyidagi fuqarolik holati hujjatlari davlat tomonidan qayd etilish kerak:

1) tugʻilish;

2) oʻlim;

3) nikoh tuzilganligi;

4) nikohdan ajralish”;

quyidagi mazmundagi uchinchi qism bilan toʻldirilsin:

“Farzandlikka olish, otalikni belgilash, familiya, ism va ota ismini oʻzgartirish, jinsning oʻzgartirilishi kabi voqea va faktlar ushbu moddaning birinchi qismida nazarda tutilgan fuqarolik holati hujjatlarida ularga tegishli oʻzgartishlar kiritish yoʻli bilan ifodalanadi”;

uchinchi, toʻrtinchi, beshinchi va oltinchi qismlari tegishincha toʻrtinchi, beshinchi, oltinchi va yettinchi qismlar deb hisoblansin;

oltinchi qismidagi “fuqarolik holati hujjatlarini yozish organi tomonidan sud qarori asosida” degan soʻzlar “fuqarolik holati hujjatlarini yozish organi tomonidan, manfaatdor shaxslar oʻrtasida nizo boʻlsa yoki fuqarolik holati hujjatlaridagi yozuvlarda jiddiy tafovutlar boʻlsa — sud qarori asosida” degan soʻzlar bilan almashtirilsin.

XIV. Oʻzbekiston Respublikasining 1996-yil 29-avgustda qabul qilingan Qonuni bilan tasdiqlangan Oʻzbekiston Respublikasi Konsullik ustavining (Oʻzbekiston Respublikasi Oliy Majlisining Axborotnomasi, 1996-yil, № 9, 124-modda) 46-moddasi quyidagi tahrirda bayon etilsin:

Konsul tomonidan fuqarolik holati dalolatnomalarini qayd etish Oʻzbekiston Respublikasi Vazirlar Mahkamasi tasdiqlaydigan Fuqarolik holati dalolatnomalarini qayd etish qoidalariga muvofiq amalga oshiriladi”.

XV. Oʻzbekiston Respublikasining 1996-yil 30-avgustda qabul qilingan “Seleksiya yutuqlari toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-yil, № 9, 133-modda; 1997-yil, № 4-5, 126-modda) 22-moddasining ikkinchi qismi quyidagi tahrirda bayon etilsin:

“Davlat sinovlari ixtisoslashtirilgan tashkilotlar tomonidan belgilangan uslub va muddatlarda roʻyxati Oʻzbekiston Respublikasi Vazirlar Mahkamasi tomonidan tasdiqlanadigan davlat nav sinov stansiyalarida, davlat nav sinov uchastkalarida, boshqa xoʻjaliklar va tashkilotlarda oʻtkaziladi”.

XVI. Oʻzbekiston Respublikasining 1997-yil 24-aprelda qabul qilingan “Tabiiy monopoliyalar toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1997-yil, № 4-5, 106-modda) quyidagi mazmundagi 2¹-modda bilan toʻldirilsin:

Ushbu Qonunda quyidagi asosiy tushunchalar qoʻllanilmoqda:

tabiiy monopoliyalar — tovar bozoridagi shunday holatki, unda texnologik xususiyatlarga qoʻra ishlab chiqarish xarajatlari ortib ketishi munosabati bilan muayyan turdagi tovarlarga (ishlarga, xizmatlarga) boʻlgan talabni qondirishning raqobatga asoslangan sharoitini yaratib boʻlmaydi yoki bunday sharoitni yaratish iqtisodiy jihatdan maqsadga muvofiq emas;

tabiiy monopoliya subyekti — tabiiy monopoliya sharoitida tovarlar (ishlar, xizmatlar) ishlab chiqarish (realizatsiya qilish) bilan mashgʻul xoʻjalik yurituvchi subyekt (yuridik shaxs)”

XVII. Oʻzbekiston Respublikasining 1997-yil 24-aprelda qabul qilingan Qonuni bilan tasdiqlangan Oʻzbekiston Respublikasining Soliq kodeksi (Oʻzbekiston Respublikasi Oliy Majlisining Axborotnomasi, 1997-yil, 4-5-songa ilova, № 9, 241-modda; 1998-yil, № 3, 38-modda, № 5-6, 102-modda, № 9, 181-modda);

1) 7-moddasining birinchi qismi quyidagi mazmundagi 4¹-band bilan toʻldirilsin:

“4¹) ijtimoiy infratuzilmani rivojlantirish soligʻi”;

2) 8-moddasining toʻrtinchi qismi quyidagi tahrirda bayon etilsin:

“Savdo va umumiy ovqatlanish korxonalari daromad (foyda) soligʻi, qoʻshilgan qiymat soligʻi, ekologiya soligʻi, suv resurslaridan foydalanganlik uchun soliq, yer osti boyliklaridan foydalanganlik uchun soliq, yer soligʻi, ijtimoiy infratuzilmani rivojlantirish soligʻi, boshqa mahalliy soliqlar va yigʻimlar (mol-mulk soligʻi bundan mustasno) oʻrniga budjetga yalpi daromad soligʻi toʻlaydilar. Yalpi daromad soligʻini hisoblab chiqarish tartibi va stavkalari Oʻzbekiston Respublikasi Vazirlar Mahkamasi tomonidan belgilanadi”;

3) 28-moddasi quyidagi mazmundagi ikkinchi qism bilan toʻldirilsin:

“Xar yili Davlat budjeti tasdiqlanayotgan vaqtda Oʻzbekiston Respublikasi Vazirlar Mahkamasi yuridik shaxslarning daromadlariga (foydasiga) solinadigan soliq stavkasini ushbu moddaning birinchi qismida nazarda tutilgan eng yuqori miqdoridan koʻpaytirmay belgilagan holda uni qayta koʻrib chiqishi mumkin”;

ikkinchi qismi uchinchi qism deb hisoblansin;

4) 31-moddasining birinchi qismi quyidagi mazmundagi 21-band bilan toʻldirilsin:

“21) ichki ishlar organlari huzuridagi soqchilik boʻlinmalari”;

5) 63-moddasining uchinchi qismi quyidagi mazmundagi uchinchi va toʻrtinchi qismlar bilan almashtirilsin:

“Jismoniy shaxslarning daromadiga solinadigan soliq toʻlov manbaida ushlab qolinganda soliq quyidagi muddatlarda toʻlanadi:

daromad toʻlovchi yuridik shaxslar tomonidan, ushlab qolingan soliq summasi shu maqsadlarda pul mablagʻlari olish uchun bankka hujjatlar taqdim etish bilan bir vaqtda budjetga oʻtkaziladi;

toʻlovni natura holida yoki mahsulotni realizatsiya qilishdan, ishlar bajarish yoxud xizmat koʻrsatishdan tushgan tushumdan toʻlovchi yuridik shaxslar tomonidan, ushlab qolingan soliq summasi toʻlov amalga oshirilgan oy tugaganidan keyin besh kun ichida budjetga oʻtkaziladi.

Ushbu moddaning birinchi qismida koʻrsatilgan yuridik shaxslar:

ish haqini toʻlash chogʻida jismoniy shaxsning talabiga koʻra unga uning daromadi summasi va turi, shuningdek ushlab qolingan soliq summasi (agar soliq ushlab qolingan boʻlsa) koʻrsatilgan maʼlumotnomani berishi;

asosiy boʻlmagan ish joyidan olingan daromadlar toʻgʻrisida jismoniy shaxsning roʻyxat raqami, familiyasi, ismi va otasining ismi, doimiy yashash manzili, hisobot yilida qilgan daromadining umumiy summasi va ushlab qolingan soliqning umumiy summasi koʻrsatilgan maʼlumotnomani qonun hujjatlarida belgilangan shaklda moliya yili tugaganidan soʻng oʻttiz kun ichida soliq organlariga taqdim etishi shart”;

6) Kodeks quyidagi mazmundagi 64¹-modda bilan toʻldirilsin:

Oʻzbekiston Respublikasi Vazirlar Mahkamasi tadbirkorlik faoliyati bilan shugʻullanuvchi jismoniy shaxslar uchun soliqning qatʼiy summasini belgilagan holda soliq solishning alohida tartibini tayinlashi mumkin”;

7) 66-moddasining:

birinchi qismi quyidagi tahrirda bayon etilsin:

“Tadbirkorlik faoliyati bilan shugʻullanuvchi yuridik shaxslar qoʻshilgan qiymat soligʻi toʻlovchilardir”;

ikkinchi qismi “ana shu tovarlar” degan soʻzlardan keyin “(ishlar, xizmatlar)” degan soʻzlar bilan toʻldirilsin;

8) 67-moddasining ikkinchi qismi quyidagi tahrirda bayon etilsin:

“Tovarlarni (ishlarni, xizmatlarni) realizatsiya qilish oboroti soliq solinadigan oborotdir, qoʻshilgan qiymat soligʻi toʻlashdan ozod qilingan va oʻz ishlab chiqarish ehtiyojlari uchun foydalaniladigan tovarlar (ishlar, xizmatlar) bundan mustasno”;

9) 71-moddasining:

birinchi qismi:

35-bandidagi “ellik” degan soʻz “kamida ellik” degan soʻzlar bilan almashtirilsin;

37-bandi chiqarib tashlansin;

quyidagi mazmundagi 39-band bilan toʻldirilsin:

“39) ichki ishlar organlari huzuridagi soqchilik boʻlinmalarining xizmatlari”;

ikkinchi qismi chiqarib tashlansin;

10) 72-moddasining:

ikkinchi xatboshisi quyidagi tahrirda bayon etilsin:

“agar hukumatlararo tuzilgan shartnomalarda boshqacha tartib nazarda tutilgan boʻlmasa, tovarlarning (ishlarning, xizmatlarning) erkin konvertatsiya qilinadigan valyutadagi eksportiga, shu jumladan Mustaqil Davlatlar hamdoʻstligi mamlakatlariga yetkazib berilishiga”;

modda quyidagi mazmundagi toʻrtinchi xatboshi bilan toʻldirilsin:

“chet el tarafi tomonidan oʻzaro doʻstlik prinsipi qoʻllangan taqdirda, chet el diplomatik vakolatxonalari hamda ularga tenglashtirilgan vakolatxonalarning rasmiy foydalanishi uchun, shuningdek bu vakolatxonalar diplomatik va maʼmuriy-texnik xodimlarining, shu jumladan ular bilan birgalikda yashayotgan oila aʼzolarining, agar ular Oʻzbekiston Respublikasi fuqarosi boʻlmasalar hamda respublikada doimiy yashayotgan boʻlmasalar, shaxsiy foydalanishi uchun realizatsiya qilinayotgan tovarlarga (ishlarga, xizmatlarga)”;

11) 73-moddasining ikkinchi qismi quyidagi tahrirda bayon etilsin:

“Ijtimoiy ahamiyatga molik ayrim oziq-ovqat tovarlari boʻyicha qoʻshilgan qiymat soligʻi kamaytirilgan stavkalarda toʻlanishi mumkin. Stavkalar va bunday tovarlarning roʻyxati Oʻzbekiston Respublikasi Vazirlar Mahkamasi tomonidan belgilanadi”;

12) 74-moddasining birinchi qismi quyidagi tahrirda bayon etilsin:

“Budjetga toʻlanishi lozim boʻlgan qoʻshilgan qiymat soligʻi soliq solinadigan oborot boʻyicha hisoblab chiqarilgan soliq summasi bilan ushbu Kodeksning 75-moddasiga muvofiq hisobga oʻtkaziladigan soliq summasi oʻrtasidagi farq sifatida belgilanadi”;

13) 75-moddaning matni quyidagi tahrirda bayon etilsin:

“Hisobga oʻtkaziladigan qoʻshilgan qiymat soligʻi summasi hisobot davrida amalda kelib tushgan, shuningdek import qilingan, soliq solinadigan oborot, shu jumladan nol darajali stavka boʻyicha soliq solinadigan oborot uchun foydalaniladigan tovarlar (ishlar, xizmatlar) uchun olingan hisobvaraq-fakturalar boʻyicha toʻlanishi lozim boʻlgan soliq summasidir. Olingan, oʻz ehtiyojlari uchun foydalanilayotgan asosiy vositalar va nomoddiy aktivlar boʻyicha soliq summasi hisobga oʻtkazilmasligi kerak”;

14) 76-moddasining uchinchi qismidagi “soligʻi boʻyicha hisobga turmagan” degan soʻzlar “soligʻini toʻlovchi boʻlmagan” degan soʻzlar bilan almashtirilsin;

15) 90-moddasining birinchi qismi “qonun hujjatlariga muvofiq mulk qilib olingan erning qiymati bundan mustasno” degan soʻzlar bilan toʻldirilsin;

16) 91-moddasi quyidagi mazmundagi ikkinchi qism bilan toʻldirilsin:

“Oʻzbekiston Respublikasi Vazirlar Mahkamasi normativ muddatda oʻrnatilmagan yoki foydalanilmayotgan uskunalar uchun soliqning oshirilgan stavkalarini belgilashga haqli”;

ikkinchi qismi uchinchi qism deb hisoblansin;

17) 92-moddasining birinchi qismi quyidagi mazmundagi xatboshi bilan toʻldirilsin:

“soliq toʻlovchining balansida boʻlgan hamda tadbirkorlik faoliyatida foydalanilmayotgan fuqarolik himoyasi va safarbarlik ahamiyatiga molik obyektlarning”;

18) 100-moddasining birinchi qismi quyidagi tahrirda bayon etilsin:

“Qonun hujjatlariga muvofiq yer uchastkalarini ijaraga olgan yuridik va jismoniy shaxslar yer soligʻi oʻrniga budjetga ijara haqi toʻlaydilar”;

19) 101-moddasi birinchi qismining:

9-bandi “neft va gaz quvurlari” degan soʻzlardan keyin “issiqlik trassalari” degan soʻzlar bilan toʻldirilsin;

11-bandi quyidagi tahrirda bayon etilsin:

“11) Oʻzbekiston Respublikasining Investitsiya dasturiga kiritilgan obyektlar qurilishi uchun ajratilgan yerlar — qurilishning normativ muddati davriga, shuningdek Oʻzbekiston Respublikasi Vazirlar Mahkamasining qarori bilan qurilish ishlari toʻxtatib qoʻyilgan obyektlar egallagan yerlar”;

qism quyidagi mazmundagi 19-band bilan toʻldirilsin:

“19) soliq toʻlovchining balansida boʻlgan hamda tadbirkorlik faoliyatida foydalanilmayotgan fuqarolik himoyasi va safarbarlik ahamiyatiga molik obyektlar egallagan yerlar”;

20) 102-moddasi birinchi qismining 1-bandidagi “(budjetdan moliyaviy taʼminlanadigan boshqaruv organlari va ilmiy-tadqiqot muassasalari bundan mustasno)” degan soʻzlar chiqarib tashlansin;

21) 108-moddasi quyidagi mazmundagi ikkinchi qism bilan toʻldirilsin:

“Yuridik shaxslar balansida boʻlgan va ular tomonidan tadbirkorlik faoliyatida foydalanilmayotgan fuqarolik himoyasi va safarbarlik ahamiyatiga molik obyektlarga yer ostidan foydalanganlik uchun soliq solinmaydi”;

22) 135-moddasining birinchi qismi quyidagi mazmundagi 9-band bilan toʻldirilsin:

“9) tovarlar (ishlar, xizmatlar) realizatsiya qilinayotganda hisobvaraq-fakturalarni belgilangan tartibni buzgan holda rasmiylashtirganlik uchun mahsulot yetkazib beruvchidan realizatsiya qilingan tovarlar (ishlar, xizmatlar) qiymatining oʻn foizi miqdorida jarima undiriladi”.

XVIII. Oʻzbekiston Respublikasining 1998-yil 30-aprelda qabul qilingan “Oʻzbekiston Respublikasi Markaziy saylov komissiyasi toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1998-yil, № 5-6, 95-modda) 3-moddasi quyidagi tahrirda bayon etilsin:

“3-modda. Markaziy saylov komissiyasini tuzish

Markaziy saylov komissiyasi Oliy Majlis tomonidan kamida oʻn besh nafar aʼzodan iborat tarkibda tuziladi.

Markaziy saylov komissiyasining aʼzolari Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlarining tavsiyasi boʻyicha Oliy Majlis tomonidan tasdiqlanadilar.

Markaziy saylov komissiyasining Raisi komissiya aʼzolari orasidan Oʻzbekiston Respublikasi Prezidentining taqdimnomasi boʻyicha komissiya majlisida saylanadi.

Markaziy saylov komissiya Raisining oʻrinbosari va komissiya kotibi komissiya aʼzolari orasidan komissiya majlisida saylanadilar.

Markaziy saylov komissiyasining vakolatlari Oliy Majlisning qarori boʻyicha tugatilishi mumkin”.

XIX. Oʻzbekiston Respublikasining 1998-yil 28-avgustda qabul qilingan “El-yurt hurmati” ordenini taʼsis etish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1998-yil, № 9, 163-modda) bilan tasdiqlangan “El-yurt hurmati” ordeni tavsifi quyidagi tahrirda bayon etilsin:

“El-yurt hurmati” ordeni 1 mikron qalinlikdagi tilla qoplangan 925 probali kumushdan tayyorlanadi, u ikki yonbagʻridan nurlar taralgan sakkiz qirrali yulduz shakliga ega. Yulduzning burchaklari orasida zangori rangdagi shaffof emal qoplangan taram boʻlib taralayotgan nur tutamlari joylashgan. Yulduzning qarama-qarshi joylashgan uchlarining orasi 57 millimetr. Nurlar jo boʻlgan aylananing diametri — 52 millimetr.

Ordenning markazida Registon maydoni tasvirlangan. Uning ortida rangli emal yuritilgan vodiylar va togʻlar, ular uzra esa zangori osmon fonida chiqayotgan quyosh aks ettirilgan.

Maydon tasvirining atrofi qizil rangdagi emal toʻldirilgan botiq aylana bilan oʻralgan. Yuqorida, oq fonda “EL-YURT HURMATI” soʻzlari, aylananing pastki qismida — yashil shaffof emal qoplangan dafna shoxlari joylashgan. Tasvir va yozuvning atrofi qizil rangdagi emal toʻldirilgan botiq aylana bilan oʻralgan.

Ordenning orqa tomonida, pastki qismida uning tartib raqami 2 millimetr kattalikdagi shrift bilan yozilgan.

Orden Oʻzbekiston Respublikasining Davlat bayrogʻi ranglaridagi muhayyar lenta sirilgan qadagʻichga ilmoqcha va halqa yordamida ulanadi”.