O‘zbekiston Respublikasi Prezidentining “O‘zbekiston Respublikasining 2019-yilga mo‘ljallangan Investitsiya dasturini amalga oshirish chora-tadbirlari to‘g‘risida” 2018-yil 19-dekabrdagi PQ-4067-son qarori ijrosini ta’minlash, shuningdek, Andijon, Chirchiq, Buxoro, Samarqand va Toshkent (TS-8) shaharlari markazlashtirilgan issiqlik ta’minoti tizimlarining energiya samaradorligini oshirish va ularni modernizatsiya qilish hamda Xalqaro taraqqiyot assotsiatsiyasi bilan hamkorlikni kengaytirish maqsadida Vazirlar Mahkamasi qaror qiladi:

1. Quyidagilar:

a) O‘zbekiston Respublikasi va Xalqaro taraqqiyot assotsiatsiyasi (keyingi o‘rinlarda XTA deb ataladi) o‘rtasida 2018-yil 17-mayda “Andijon, Chirchiq, Buxoro, Samarqand shaharlarida markazlashtirilgan issiqlik ta’minoti tizimini rekonstruksiya qilish va energiya samaradorligini oshirish” loyihasini (keyingi o‘rinlarda loyiha deb ataladi) amalga oshirishni moliyalashtirish to‘g‘risida 2047 yilgacha qoplash muddati, shu jumladan besh yillik imtiyozli davr bilan qiymati 140 mln AQSh dollari bo‘lgan kelishuv imzolangani;

b) loyihani amalga oshirishda ishtirok etadigan Andijon, Buxoro, Samarqand, Toshkent viloyatlari va Toshkent shahri hokimliklari, issiqlik ta’minoti tashkilotlari, O‘zbekiston Respublikasi Uy-joy kommunal xizmat ko‘rsatish vazirligi va vazirlik huzuridagi “Kommunxizmat” agentligi bilan 2018-yil 10-oktabrda XTA kreditini qayta kreditlash to‘g‘risida kelishuv imzolangani;

2. Belgilansinki:

Qurilish va uy-joy kommunal xo‘jaligi vazirligi loyihaning o‘z vaqtida amalga oshirilishi, XTU kreditidan maqsadli va samarali foydalanilishi uchun mas’ul ijro etuvchi organ hisoblanadi;

Qurilish va uy-joy kommunal xo‘jaligi vazirligi bilan yuridik shaxs maqomiga ega bo‘lgan XTU ishtirokida “Andijon, Chirchiq, Buxoro va Samarqand shaharlarida markazlashtirilgan issiqlik ta’minoti tizimini rekonstruksiya qilish va energiya samaradorligini oshirish” loyihasini amalga oshirish guruhini tashkil etishga ruxsat beriladi;

Loyihani amalga oshirish davrida loyihani amalga oshirish guruhining xarajatlar smetasi va shtatlar jadvali har yili Iqtisodiyot va moliya vazirligi bilan kelishiladi.

4. Qurilish va uy-joy kommunal xo‘jaligi vazirligi (Hidoyatov), Andijon (Abduraxmanov), Buxoro (Zaripov), Samarqand (Turdimov), Toshkent (Mirzayev) viloyatlari hokimlari zimmasiga:

loyihaning belgilangan muddatlarda samarali amalga oshirilishi, loyihani amalga oshirishga yo‘naltiriladigan mablag‘lardan maqsadli va samarali foydalanish hamda yakuniy parametrlarga erishish;

loyiha obyektlarida loyiha doirasida xarid qilinadigan uskunalarni o‘rnatish va montaj qilish uchun zarur bo‘lgan tegishli maydonchalar hamda binolarning ushbu uskunalar yetkazib berilishidan oldin tayyorlanishini ta’minlash;

Jahon bankining tartib-taomillari va O‘zbekiston Respublikasi qonun hujjatlariga muvofiq zarur xisobot va hujjatlar o‘z vaqtida tayyorlanishi va taqdim etilishini tashkil etish uchun shaxsiy mas’uliyat yuklansin.

6. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — O‘zbekiston Respublikasi Transport vaziri A.J. Ramatov, Bosh vazirning investitsiyalar va tashqi iqtisodiy aloqalar masalalari bo‘yicha o‘rinbosari E.M. Ganiyev va O‘zbekiston Respublikasi Uy-joy kommunal xizmat ko‘rsatish vaziri M.X. Saliyev zimmasiga yuklansin.