Oʻzbekiston Respublikasi Prezidentining “Bojxona maʼmuriyatchiligini takomillashtirish va Oʻzbekiston Respublikasi davlat bojxona xizmati organlari faoliyati samaradorligini oshirish boʻyicha qoʻshimcha chora-tadbirlar toʻgʻrisida” 2018-yil 24-noyabrdagi PF-5582-son Farmoniga muvofiq, shuningdek biznesni rivojlantirish yoʻlida byurokratik toʻsiqlarni bartaraf etish maqsadida, Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Vazirlik va idoralar bir oy muddatda oʻzlari qabul qilgan normativ-huquqiy hujjatlarni mazkur qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.S. Otajonov zimmasiga yuklansin.

1. Vazirlar Mahkamasining “Birja va yarmarka savdosining samaradorligini oshirishga doir chora-tadbirlar toʻgʻrisida” 1999-yil 15-apreldagi 174-son qarorining rus tilidagi matnida (Oʻzbekiston Respublikasi QHT, 1999-y., 4-son, 19-modda):

a) 2-ilovada:

15-band quyidagi tahrirda bayon etilsin:

“15. Vse eksportnie kontrakti, zaklyuchennie na birje, podlejat sootvetstvuyushey registratsii na birje ili v yeye filiale (spetsializirovannoy torgovoy ploshadke) s ukazaniyem ekvivalenta v dollarax SSHA po kursu Sentralnogo banka Respubliki Uzbekistan na den zaklyucheniya kontrakta. Ukazannie kontrakti yavlyayutsya osnovaniyem dlya zapolneniya gruzovix tamojennix deklaratsiy”;

18-banddagi “zaverennie v Gosudarstvennom tamojennom komitete Respubliki Uzbekistan ili yego territorialnix upravleniyax” soʻzlari chiqarib tashlansin;

20 va 21-bandlar oʻz kuchini yoʻqotgan deb hisoblansin;

22-banddagi “Organi, proizvodyashiye oformleniye” soʻzlari “Birji, proizvodyashiye registratsiyu” soʻzlari bilan almashtirilsin.

b) 3-ilovaning 7-bandidagi “i postanovke na uchet v tamojennix organax” soʻzlari chiqarib tashlansin.

2. Vazirlar Mahkamasining 1999-yil 6-maydagi 223-son qarori (Oʻzbekiston Respublikasi QHT, 1999-y., 5-son, 25-modda) bilan tasdiqlangan Oʻzbekiston Respublikasi Tovar-xom ashyo birjalari savdolarida import kontraktlar tuzish tartibida:

a) 6 va 7-bandlar oʻz kuchini yoʻqotgan deb hisoblansin;

b) 8-banddagi “bojxona organlarida” soʻzlari “birjada” soʻzi bilan almashtirilsin;

v) 10-banddagi ikkinchi jumla chiqarib tashlansin;

g) 11-bandning birinchi xatboshidan “Oʻzbekiston Respublikasi Davlat bojxona qoʻmitasi tomonidan yoki uning hududiy organlari tomonidan roʻyxatdan oʻtkazilgan” soʻzlari chiqarib tashlansin.

3. Vazirlar Mahkamasining 2005-yil 9-avgustda 189-son qarori (Oʻzbekiston Respublikasi QHT, 2005-y., 8-son, 40-modda) bilan tasdiqlangan Oʻzbekiston Respublikasining xoʻjalik yurituvchi subyektlari tomonidan xorijiy mamlakatlardagi ular tashkil etgan savdo uylari, vakolatxonalar, korxonalar orqali, shuningdek Oʻzbekiston Respublikasi Savdo-sanoat palatasining xorijiy mamlakatlardagi savdo investitsiya uylari orqali olib chiqilayotgan tovarlarni bojxonada rasmiylashtirish tartibi toʻgʻrisida nizomda:

a) 3-banddan toʻrtinchi xatboshisi chiqarib tashlansin;

b) 5-bandning sakkizinchi xatboshisidan “Koʻrsatib oʻtilgan hujjatlar shartnomani (kontraktni) bojxona organida hisobdan chiqarish uchun asos hisoblanadi” soʻzlari chiqarib tashlansin.

4. Vazirlar Mahkamasining 2011-yil 17-noyabrdagi 305-son qarori (Oʻzbekiston Respublikasi QT. 2011-y., 45-46-son, 478-modda) bilan tasdiqlangan “Bir darcha” tamoyili boʻyicha eksportga yetkazib berishlar bilan bogʻliq tartibotlarni amalga oshirish mexanizmi toʻgʻrisida Vaqtinchalik nizom 11-bandining ikkinchi xatboshi chiqarib tashlansin.

5. Vazirlar Mahkamasining “Eksport-import operatsiyalarini amalga oshirishda davlat bojxona xizmati organlariga taqdim etiladigan hujjatlar roʻyxatini tasdiqlash toʻgʻrisida” 2015-yil 20-iyuldagi 197-son qarorida (Oʻzbekiston Respublikasi QHT, 2015-y., 7-son, 61-modda):

a) Eksport-import operatsiyalarini amalga oshirishda davlat bojxona xizmati organlariga taqdim etiladigan hujjatlar roʻyxati I boʻlimning 1-bandi oʻz kuchini yoʻqotgan deb hisoblansin;

b) izohning 1-bandi birinchi xatboshidagi “Vazirlar Mahkamasining 2014-yil 31-dekabrdagi 376-son” soʻzlari “Vazirlar Mahkamasining 2018-yil 31-iyuldagi 605-son” soʻzlari bilan almashtirilsin.

6. Vazirlar Mahkamasining 2017-yil 15-avgustdagi 631-son qarori (Oʻzbekiston Respublikasi QT. 2017-y., 33-son, 860-modda) bilan tasdiqlangan “Axborot texnologiyalarini ishlab chiqish va joriy qilishni qoʻllab-quvvatlash boʻyicha “Mirzo Ulugbek Innovation Center” innovatsiya markazi toʻgʻrisida nizom”ning 43-bandi oʻz kuchini yoʻqotgan deb hisoblansin.

7. Vazirlar Mahkamasining “Tovarlarni bojxonada elektron shaklda deklaratsiyalash tartibini yanada takomillashtirish toʻgʻrisida” 2018-yil 31-iyuldagi 605-son qaroriga (Oʻzbekiston Respublikasi QT. 2018-y., 7-son, 198-modda) 1-ilova 2-ilovasining 2-pozitsiyasi chiqarib tashlansin.

8. Vazirlar Mahkamasining “Integratsiyalashgan tarif” interaktiv xizmatini joriy etish chora-tadbirlari toʻgʻrisida” 2018-yil 16-oktabrdagi 829-son qaroriga 2-ilovaning 2-pozitsiyasi chiqarib tashlansin.