Oʻzbekiston Respublikasi Prezidentining “Oʻzbekiston Respublikasi Favqulodda vaziyatlar vazirligini tashkil etish toʻgʻrisida” 1996-yil 4-martdagi PF-1378-son Farmoniga muvofiq Vazirlar Mahkamasi qaror qiladi:

1. Oʻzbekiston Respublikasi Favqulodda vaziyatlar vazirligi toʻgʻrisidagi Nizom va uning tuzilmasi 1, 2, 2a—2v-ilovalarga muvofiq tasdiqlansin.

Oʻzbekiston Respublikasi Favqulodda vaziyatlar vazirligi Mudofaa vazirligi, Moliya vazirligi, boshqa manfaatdor vazirliklar va idoralar bilan birgalikda bir oy muddatda Vazirlar Mahkamasiga favqulodda vaziyatlarda ishlarni bajarish uchun faoliyat koʻrsatib turgan tuzilmalarning moddiy-texnika bazasini mustahkamlash, shuningdek, tashkil etilayotgan maxsus tuzilmalarning tuzilmasi, joylashishi, moliyaviy va moddiy-texnika taʼminoti toʻgʻrisida taklif kiritsin.

2. Favqulodda vaziyatlar vazirligi tizimi xodimlarining umumiy soni 1785 nafar, shu jumladan maʼmuriy-boshqaruv xodimlari soni 540 nafardan iborat etib belgilansin;

Favqulodda vaziyatlar vazirligi markaziy apparati xodimlarining cheklangan soni 80 nafar, shu jumladan 35 nafar ofitserdan iborat etib belgilansin (binolarni qoʻriqlash va ularga xizmat koʻrsatish xodimlaridan tashqari).

Favqulodda vaziyatlar Vaziriga Vazirlikning tasdiqlangan tuzilmasiga xodimlarning belgilangan umumiy soni va mehnatga haq toʻlash fondi doirasida oʻzgartirishlar kiritishga ruxsat etilsin.

3. Oʻzbekiston Respublikasi Favqulodda vaziyatlar vazirligiga Vazirning uch nafar oʻrinbosariga, shu jumladan bir nafar birinchi oʻrinbosariga hamda shaxsiy tarkibi Oʻzbekiston Respublikasi Vazirlar Mahkamasi tomonidan tasdiqlanadigan 9 kishidan iborat hayʼatga ega boʻlishga ruxsat etilsin.

4. Qoraqalpogʻiston Respublikasi Vazirlar Kengashi, viloyatlar va Toshkent shahar, toifalangan shaharlar va tumanlar hokimliklarining favqulodda vaziyatlar boshqarmalari (boʻlimlari) namunaviy tuzilmalari 3, 4 va 5-ilovalarga muvofiq tasdiqlansin;

Favqulodda vaziyatlar boʻyicha koʻrsatib oʻtilgan boshqarmalar (boʻlimlar) va ularning boʻlinmalarini zarur binolar, telefon aloqasi va boshqa aloqa, mol-mulk, inventar, avtotransport bilan taʼminlash va ularning joylashishiga yordam koʻrsatish uchun shaxsan javobgarlik Qoraqalpogʻiston Respublikasi Vazirlar Kengashi Raisiga, viloyatlar va Toshkent shahar, toifalangan shaharlar va tumanlar hokimlari zimmasiga yuklansin.

5. Vazirliklar, idoralar, korporatsiyalar, uyushmalar, birlashmalar va korxonalar tuzilmasidagi xalq xoʻjaligi obyektlarining fuqaro muhofazasi boʻyicha mavjud xizmatlar va shtatdagi lavozimlarni tugatsinlar.

6. Belgilab qoʻyilsinki, Favqulodda vaziyatlar vazirligi tizimini mablagʻ bilan taʼminlash xarajatlari Oʻzbekiston Respublikasi davlat budjeti mablagʻlari hisobiga amalga oshiriladi.

7. Favqulodda vaziyatlar vazirligi harbiy xizmatchilari, xodimlari va mutaxassislari xizmatni oʻtash, mehnatga haq toʻlash, tibbiy va maishiy xizmat koʻrsatish masalalarida, shu jumladan ularning oila aʼzolari ham, Oʻzbekiston Respublikasi Mudofaa vazirligi harbiy xizmatchilari, xodimlari va mutaxassislarining tegishli toifalariga tenglashtirilsinlar.

8. Oʻzbekiston Respublikasi Mudofaa vazirligi, “Oʻzkimyosanoat” uyushmasi, Toshkent shahar hokimligi Vazirlar Mahkamasining 1991-yil 25-oktabrdagi 269-son qaroriga muvofiq Mudofaa vazirligi tarkibiga kirgan Oʻzbekiston Respublikasi Mudofaa vazirligi Fuqaro mudofaasi va favqulodda vaziyatlar boshqarmasining 1996-yil 1-aprelgacha boʻlgan holatiga koʻra xodimlari soni, muassasalari va oʻquv yurtlarini Oʻzbekiston Respublikasi Fuqaro mudofaasi shtabining moddiy-texnika bazasi va asosiy fondlari bilan birgalikda, shuningdek 6-ilovaga muvofiq tashkilotlarni Favqulodda vaziyatlar vazirligiga bersinlar, Vazirlik esa ularni belgilangan tartibda qabul qilib olsin.

9. “Oʻzbekiston havo yoʻllari” aviakompaniyasi Favqulodda vaziyatlar vazirligi bilan birgalikda 1996-yil 1-iyungacha shoshilinch ishga kirishuvchi aviatsiya otryadini tashkil etsin, uni belgilangan normalargacha zarur uchish apparatlari, uchuvchilar va texnik xodimlar bilan butlasin.

Belgilab qoʻyilsinki, Oʻzbekiston Respublikasi Favqulodda vaziyatlar vazirligi tomonidan uchish apparatlaridan foydalanish shartnoma asosida amalga oshiriladi.

10. “Oʻzavtotrans” davlat korporatsiyasi Favqulodda vaziyatlar vazirligi bilan birgalikda 1-iyungacha mavjud avtokorxonalar negizida shoshilinch ishga kirishish respublika (Qoraqalpogʻiston Respublikasi), viloyatlar va Toshkent shahar avtotransport otryadlarini tuzsin, ularni zarur avtomobil texnikasi, tuzatish va xizmat koʻrsatish bazasi bilan butlasin. Koʻrsatib oʻtilgan avtotransport otryadlarini favqulodda vaziyatlar davrida jalb etish shartnoma asosida amalga oshirilsin.

11. Oʻzbekiston Respublikasi Favqulodda vaziyatlar vazirligiga favqulodda vaziyatlar va ularning oqibatlarini bartaraf etish davrida:

Mudofaa vazirligining fuqaro muhofazasi qoʻshinlari kuchlari va vositalariga;

Ichki ishlar vazirligining harbiylashtirilgan yongʻindan saqlash respublika ixtisoslashtirilgan otryadiga;

Oʻzbekiston Respublikasi Sogʻliqni saqlash vazirligining Shoshilinch tibbiy yordam koʻrsatish respublika markaziga;

“Oʻzavtotrans” davlat korporatsiyasining shoshilinch ishga kirishish avtotransport otryadlariga amaliy rahbarlik qilish yuklatilsin.

Oʻzbekiston pochta va telekommunikatsiyalar agentligining Maxsus avariya-tiklash boshqarmasi (15361-harbiy qism)ga;

12. “Oʻzbekiston havo yoʻllari” aviakompaniyasi, “Oʻzbekiston temir yoʻllari” kompaniyasi, “Oʻzavtotrans” davlat korporatsiyasi Favqulodda vaziyatlar vazirligi buyurtmanomalari boʻyicha favqulodda vaziyatlar oqibatlarini tugatish uchun zarur boʻlgan avariya-qutqarish xizmati, harbiy qismlar kuchlari va vositalari hamda yuklarning favqulodda vaziyatlar yuzaga kelgan joylarga birinchi navbatda olib borilishi hamda qaytarib olib kelinishini taʼminlasinlar.

Favqulodda vaziyatlar vazirligiga zarur boʻlgan hollarda ushbu maqsadlar uchun Oʻzbekiston Respublikasi boshqa vazirliklari va idoralarining transport vositalarini jalb qilishga ruxsat etilsin.

13. Oʻzbekiston Respublikasi Melioratsiya va suv xoʻjaligi vazirligi, Qishloq xoʻjaligi vazirligi, “Oʻzbekenergo” davlat-aksiyadorlik kompaniyasi, Sogʻliqni saqlash vazirligi, Ichki ishlar vazirligi, Davlat geologiya qoʻmitasi, Davlat tabiatni muhofaza qilish qoʻmitasi, Oʻzbekiston Respublikasi “Sanoatkontexnazorat” davlat inspeksiyasi, Fanlar akademiyasi, “Oʻzbekneftgaz” korporatsiyasi, “Oʻzkimyosanoat” davlat-aksiyadorlik kompaniyasi va “Oʻzgidromet” markazi Oʻzbekiston Respublikasi Favqulodda vaziyatlar vazirligini hududlar, obyektlardagi tabiiy-iqlim, ekologik, epidemiologik, epizootik, geologik va texnologik vaziyat hamda ularning yaqin davrda va istiqbolda oʻzgarishi ehtimollari toʻgʻrisidagi axborot bilan muntazam ravishda, favqulodda vaziyatlarda esa darhol taʼminlasinlar

Oʻzbekiston Respublikasi Favqulodda vaziyatlar vazirligi koʻrsatib oʻtilgan vazirliklar va idoralar bilan birgalikda ikki oy muddatda Favqulodda vaziyatlar vazirligi va uning joylardagi organlarini tegishli axborot bilan taʼminlash tartibi, muddatlari va shakllarini belgilasin.

14. Oʻzbekiston Respublikasi Mudofaa vazirligi:

Favqulodda vaziyatlar vazirligini va uning boʻlinmalarini respublika aholisi va hududini muhofaza qilish tadbirlarini rejalashtirish, bevosita xavf toʻgʻrisida davlat boshqaruv organlarini xabardor qilish uchun hamda alohida davr uchun boshlangʻich maʼlumotlar bilan taʼminlasin;

Favqulodda vaziyatlar vazirligiga tegishli boʻlgan qurol-yarogʻ va texnikani tuzatish ishlarini shartnoma asosida amalga oshirsin;

Oʻzbekiston Respublikasi xabar berish markazlashtirilgan tizimi va Qoraqalpogʻiston Respublikasi, viloyatlar va Toshkent shahar xabar berish viloyat ichki tizimlarini Favqulodda vaziyatlar vazirligi balansiga bersin.

15. Oʻzbekiston Respublikasi Favqulodda vaziyatlar vazirligi, Mudofaa vazirligi, Ichki ishlar vazirligi, Sogʻliqni saqlash vazirligi boshqa vazirliklar va idoralar bilan birgalikda 1996-yil 1-iyulgacha favqulodda vaziyatlarda davlat boshqaruvi organlari, konsernlar, korporatsiyalar va uyushmalarning oʻzaro hamkorligini tashkil etish, favqulodda vaziyatlarning oldini olish va favqulodda vaziyatlarda harakat qilish davlat tizimini (FVDT), shuningdek shoshilinch qutqarish xizmati yagona davlat tizimini yaratish toʻgʻrisidagi takliflarni Vazirlar Mahkamasiga kiritsinlar.

16. “Oʻzistiqbolstat” davlat qoʻmitasi, Oʻzbekiston Respublikasi Moliya vazirligi Oʻzbekiston Respublikasi Favqulodda vaziyatlar vazirligi obyektlari qurilishi va rekonstruksiya qilinishining adresli dasturlarini koʻrib chiqsinlar.

17. Oʻzbekiston Respublikasi Aloqa vazirligi, Milliy xavfsizlik xizmati, Vazirlar Mahkamasining Hukumat aloqasi xizmati Vazir va uning oʻrinbosarlariga hukumat ATSi, “VCH”, hukumat shaharlararo va boshqa aloqa turlarini oʻrnatgan holda, Favqulodda vaziyatlar vazirligi boshqarmalari va boʻlimlarini telefonlashtirishni taʼminlasin.

Oʻzbekiston Respublikasi Favqulodda vaziyatlar vazirligiga favqulodda vaziyatlar davrida umumdavlat va idoraviy aloqa tarmoqlaridan ustun tartibda foydalanishga ruxsat etilsin.

18. “Oʻzbekyengilsanoat” davlat uyushmasi 1996-yilning ikkinchi choragida Favqulodda vaziyatlar vazirligining buyurtmanomasi boʻyicha uning shaxsiy tarkibi uchun formali kiyim namunasini ishlab chiqsin va tayyorlab bersin.

19. Oʻzbekiston Respublikasi Moliya vazirligi mazkur qarorni amalga oshirish uchun zarur mablagʻlar, toʻrtta avtomobil xarajatlari uchun limit ajratsin va Oʻzbekiston Respublikasi Mudofaa vazirligini mablagʻ bilan taʼminlash rejasiga tegishli oʻzgartirishlar kiritsin.

20. Oʻzbekiston Respublikasi Favqulodda vaziyatlar vazirligi, Moliya vazirligi, Davlat soliq qoʻmitasi bir oy muddatda Favqulodda vaziyatlar vazirligiga qarashli korxonalar va tashkilotlarga, boʻsh qoladigan mablagʻlarni ularning moddiy-texnika bazalarini rivojlantirishga yoʻnaltirish maqsadida, soliq imtiyozlari berishni koʻrib chiqsinlar va bu toʻgʻrida takliflar kiritsinlar.

21. Toshkent shahar hokimligi Oʻzbekiston Respublikasi Favqulodda vaziyatlar vazirligiga Mustaqillik maydoni, 6-uydan joy ajratsin.

22. “Toshshaharyoʻlovchitrans” davlat uyushmasi Oʻzbekiston Respublikasi Favqulodda vaziyatlar vazirligiga xizmat koʻrsatish uchun 4 ta yengil avtomashina ajratsin.

23. Oʻzbekiston Respublikasi Vazirlar Mahkamasining Favqulodda vaziyatlar boʻyicha komissiyasi kotibiyati Vazirlar Mahkamasining besh nafar xodimdan — mudir, mudir oʻrinbosari, ikkita katta ekspert va katta inspektordan iborat boʻluvchi Favqulodda vaziyatlar boʻlimiga aylantirilsin, unga Oʻzbekiston Respublikasi Favqulodda vaziyatlar vazirligi va davlat boshqaruv organlarining fuqaro muhofazasi, favqulodda vaziyatlarning oldini olish va ularning oqibatlarini tugatish masalalariga oid faoliyatlarini muvofiqlashtirib borish vazifasi yuklatilsin.

24. Fuqaro mudofaasi va favqulodda vaziyatlar boʻyicha rahbar xodimlar tayyorlash respublika markazi Oʻzbekiston Respublikasi Fuqaro muhofazasi institutiga aylantirilsin.

Favqulodda vaziyatlar vazirligi Vazirlar Mahkamasiga Oʻzbekiston Respublikasi Fuqaro muhofazasi institutining tuzilmasi va xodimlari soni toʻgʻrisida ikki hafta muddatda taklif kiritsin.

25. Oʻzbekiston Respublikasi Vazirlar Mahkamasining 1993-yil 2-apreldagi 169-son qarori oʻz kuchini yoʻqotgan deb hisoblansin.

26. Oʻzbekiston Respublikasi Favqulodda vaziyatlar vazirligi va Adliya vazirligi Oʻzbekiston Respublikasi Favqulodda vaziyatlar vazirligi faoliyatiga tegishli boʻlgan amaldagi qonunchilik hujjatlari va normativ hujjatlarni oʻzgartirish hamda yangilarini chiqarish toʻgʻrisida bir oy muddatda takliflar tayyorlasinlar va Vazirlar Mahkamasiga kiritsinlar.

27. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — Favqulodda vaziyatlar vaziri I.H. Joʻrabekov zimmasiga yuklansin.

1. Oʻzbekiston Respublikasi Favqulodda vaziyatlar vazirligi (keyingi oʻrinlarda — FVV) fuqaro muhofazasi, avariyalar, halokatlar va tabiiy ofatlar tufayli vujudga kelgan favqulodda vaziyatlarning oldini olish va ularning oqibatlarini bartaraf etish sohasidagi ishlarga rahbarlikni hamda ularni muvofiqlashtirib borish ishlarini amalga oshiruvchi markaziy davlat boshqaruvi organi hisoblanadi.

2. Oʻzbekiston Respublikasi Favqulodda vaziyatlar vazirligi oʻz faoliyatida Oʻzbekiston Respublikasi Konstitutsiyasiga, qonunlariga va Oliy Majlisning boshqa hujjatlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, Oʻzbekiston Respublikasining Favqulodda vaziyatlar vazirligiga taalluqli masalalarga doir xalqaro shartnomalariga, shuningdek, mazkur Nizomga amal qiladi.

3. Oʻzbekiston Respublikasi Favqulodda vaziyatlar vazirligi oʻz faoliyatini Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari, tabiatni muhofaza qilish va maxsus vakolatli davlat organlari bilan oʻzaro hamkorlikda amalga oshiradi.

4. Quyidagilar Oʻzbekiston Respublikasi Favqulodda vaziyatlar vazirligining asosiy vazifalari hisoblanadi:

Favqulodda vaziyatlarni bartaraf etish, aholi hayoti va salomatligini, moddiy va maʼnaviy qadriyatlarni muhofaza qilish, shuningdek, tinchlik va urush vaqtida favqulodda vaziyatlar vujudga kelganda ularning oqibatlarini tugatish hamda zararlarini kamaytirish sohasida davlat siyosatini ishlab chiqish va amalga oshirish;

Favqulodda vaziyatlarning oldini olish va bunday hollardagi xatti-harakatlarni boshqarishning davlat tizimi (FVDT)ni tashkil etish va faoliyatini taʼminlash;

Oʻzbekiston Respublikasining fuqaro muhofazasiga rahbarlik qilish;

Oʻzbekiston Respublikasi hududida aholini, mamlakat hududini, respublikaning milliy boyligi boʻlgan obyektlarni muhofaza qilish, shuningdek, favqulodda vaziyatlarning oldini olish va ularning oqibatlarini bartaraf etish sohasidagi chora-tadbirlarni ishlab chiqishni tashkil qilish hamda amalga oshirish;

vazirliklar, idoralar, Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklarining aholini va milliy boyliklarni muhofaza qilish, avariyalar, halokatlar va tabiiy ofatlar tufayli vujudga kelgan favqulodda vaziyatlarning oldini olish va ularni bartaraf etishga doir faoliyatini muvofiqlashtirib borish shuningdek, terrorchilar harakat qilayotgan zonada joylashgan alohida muhim, kategoriyalangan va boshqa obyektlarning barqaror ishlashini, terrorchilik harakatlari oqibatlarining tugatilishini;

yirik favqulodda vaziyatlarni bartaraf etish ishlariga rahbarlik qilish, ushbu maqsad uchun zarur boʻlgan kuch va vositalarni tashkil etish va ularning tayyorligini taʼminlash;

favqulodda vaziyatlarni bartaraf etishga, aholini, mamlakat hududini muhofaza qilishga hamda favqulodda vaziyatlar vujudga kelgan taqdirda xalq xoʻjaligi obyektlari faoliyat koʻrsatishining barqarorligini oshirishga qaratilgan maqsadli va ilmiy-texnik dasturlarni ishlab chiqishni tashkil etish va amalga oshirish;

moliya, oziq-ovqat, tibbiyot va moddiy-texnika resurslarining davlat favqulodda zaxira fondlarini tashkil etishga doir ishlarni muvofiqlashtirib borish;

aholini, FVDT mansabdor shaxslarini va tuzilmalarini favqulodda vaziyatlardagi harakatlarga tayyorlashni tashkil etish;

Vazirlik vakolatiga kiradigan masalalar boʻyicha xalqaro hamkorlikni tashkil etish.

5. Oʻzbekiston Respublikasi Favqulodda vaziyatlar vazirligi oʻziga yuklangan vazifalarga muvofiq:

Oʻzbekiston Respublikasi hududida favqulodda vaziyatlarning oldini olish va bartaraf etish tadbirlarini ishlab chiqishni va amalga oshirishni tashkil etadi;

FVDT faoliyatiga rahbarlikni amalga oshiradi;

Oʻzbekiston Respublikasi fuqaro muhofazasi rejalari loyihalarini ishlab chiqadi va tasdiqlash uchun Oʻzbekiston Respublikasi Prezidentiga belgilangan tartibda taqdim etadi;

Vazirlikning faoliyat sohasi masalalari boʻyicha davlat maqsadli dasturlarining davlat buyurtmachisi vazifasini belgilangan tartibda amalga oshiradi;

fuqaro muhofazasi, favqulodda vaziyatlarning, shu jumladan, halokatlarning oldini olish va ularning oqibatlarini bartaraf etish, aholini va hududlarni muhofaza qilish masalalariga oid normativ hujjatlar va boshqa hujjatlarning loyihalari ishlab chiqilishini tashkil etadi va Oʻzbekiston Respublikasi Vazirlar Mahkamasiga koʻrib chiqish uchun taqdim etadi;

Oʻzbekiston Respublikasi Favqulodda vaziyatlar vazirligi vakolatiga kiruvchi masalalar boʻyicha yoʻriqnomalar, normalar, qoidalar va boshqa normativ-uslubiy hujjatlarni tasdiqlaydi;

fuqarolar muhofazasi boʻyicha belgilangan normativ talablarning bajarilishi, favqulodda vaziyatlarning oldini olish va bartaraf etish, boshqaruv organlarining, FVDT kuchlari va vositalarining favqulodda vaziyatlar vujudga kelgan taqdirda qidiruv-qutqaruv, avariya-qutqaruv va boshqa dolzarb ishlarni bajarishga tayyorligining ahvoli ustidan davlat nazoratini amalga oshiradi;

shaharsozlik hujjatlarining hamda obyektlarni qurish loyihalarining fuqaro muhofazasi talablariga rioya qilish va favqulodda vaziyatlarning oldini olishga oid qismini davlat ekspertizasidan oʻtkazishda qatnashadi;

manfaatdor tashkilotlar bilan birgalikda tabiiy va texnogen tusdagi favqulodda vaziyatlarning vujudga kelishi mumkinligini oldindan aniqlash, ularni modellashtirish, Oʻzbekiston Respublikasi hududlarini xavfli ishlab chiqarishlar, obyektlar hamda tabiiy ofatlar xavfi mavjudligi boʻyicha rayonlashtirish, xalq xoʻjaligi obyektlarida va hududlarda tavakkalchilik darajasining normativ koʻrsatkichlarini ishlab chiqish hamda joriy etish boʻyicha ishlarni tashkil qiladi va muvofiqlashtirib boradi;

zilzila, koʻchki, sel, toshqin va boshqa tabiiy ofatlarni, shuningdek texnogen tusdagi avariya va halokatlarni kuzatish hamda oldindan aniqlash tizimining faoliyat koʻrsatishini va rivojlanishini muvofiqlashtirib boradi;

vazirliklar, idoralar, Qoraqalpogʻiston Respublikasi Vazirlar Kengashi va hokimliklar bilan birgalikda favqulodda vaziyatlarni bartaraf etish uchun moʻljallangan kuch va vositalar tarkibini, ularni joylashtirish va jihozlashni aniqlaydi, oʻquv va sogʻlomlashtirish markazlarini tashkil qiladi;

favqulodda vaziyatlarni tezkorlik bilan cheklash va bartaraf etishga doir ishlarni bajarish uchun doimiy tayyor boʻlib turuvchi avariya-qutqaruv boʻlinmalarini tuzish, tayyorlash va ulardan foydalanishni tashkil qiladi;

aholini favqulodda vaziyatlar toʻgʻrisida xabardor qilishni tashkil etadi, xabardor qilishning tegishli hududiy va mahalliy tizimlarining tashkil etilishini va ishlashini nazorat qiladi;

fuqaro muhofazasi chora-tadbirlarining favqulodda vaziyatlar boʻyicha hududiy boshqaruv organlari va boʻlinmalari tomonidan bajarilishiga bevosita rahbarlik qiladi, ularning safarbarlik tayyorgarligini rejalashtiradi va tashkil etadi;

vazirliklar, idoralar, Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklarining odamlarni qidirish va qutqarish, avariya-qutqaruv ishlarini oʻtkazish, neft, neft mahsulotlari, zararli kimyoviy, radioaktiv va boshqa moddalarning toʻkilishini bartaraf etish, tabiiy ofatlar va halokatlar oqibatlarini tugatish boʻyicha faoliyatlarini muvofiqlashtirib boradi;

respublika rahbariyatining topshirigʻiga binoan vazirliklar, idoralar, Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari, korxonalar, muassasalar va tashkilotlar tomonidan aholini sel, toshqin, koʻchki, suv bosishi xavfi boʻlgan joylardan koʻchirish, yangi turar joylarda ular uchun zarur ijtimoiy-maishiy sharoitlar yaratish, shuningdek, ushbu joylardan koʻchirilgan fuqarolar uchun uy-joylar, ijtimoiy va ishlab chiqarish infrastrukturasi obyektlari qurish boʻyicha topshiriqlarning bajarilishini nazorat qiladi;

jamoat birlashmalarini hamda tegishli bilim va tajribaga ega boʻlgan alohida fuqarolarni, shu jumladan, xorijiy fuqarolarni favqulodda vaziyatlarning oldini olish va ularni bartaraf etish tadbirlarini oʻtkazishga belgilangan tartibda jalb qilish ishlarini uyushtiradi;

ijro etuvchi hokimiyatning manfaatdor organlari bilan birgalikda Oʻzbekiston Respublikasining va xorijiy mamlakatlarning favqulodda vaziyatlardan zarar koʻrgan aholisiga muruvvat yordamini shakllantirish va yetkazib berishni belgilangan tartibda tashkil etadi;

Favqulodda vaziyatlar vazirligining, boshqa vazirliklar va idoralarning favqulodda vaziyatlar joylaridagi ishlarni bajarishga jalb etiladigan xodimlarining xavfsizligini, ofatlar roʻy bergan joylarga Vazirlik kuchi bilan yetkazib beriladigan yuklarning, shu jumladan, muruvvat yordami yuklarining saqlanishini taʼminlaydi;

tegishli vazirliklar va idoralar bilan birgalikda vujudga kelgan favqulodda vaziyatlardan koʻrilgan moddiy va atrof-muhitga yetkazilgan zararni aniqlash usullarini ishlab chiqishni tashkil etadi;

vazirliklar, idoralar, Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklarining, korxonalar, muassasalar va tashkilotlarning halokatlardan zarar koʻrgan yoki ularning oqibatlarini bartaraf etishda qatnashgan fuqarolarni ijtimoiy-iqtisodiy, huquqiy va tibbiy muhofaza qilish masalalari boʻyicha faoliyatiga tashkiliy-uslubiy rahbarlikni va uni muvofiqlashtirib borishni hamda ushbu sohadagi tadbirlarning bajarilishini nazorat qilishni amalga oshiradi;

fuqaro muhofazasi, favqulodda vaziyatlarning oldini olish va ularni bartaraf etish, avariya va halokatlar oqibatlarini tugatish, odamlar hayoti va salomatligini muhofaza qilish, avariyalar, halokatlar va tabiiy ofatlar roʻy bergan hollarda xalq xoʻjaligi obyektlari faoliyat koʻrsatishining barqarorligini oshirish masalalari boʻyicha jamoatchilik, fuqarolar va ommaviy axborot vositalari bilan aloqani belgilangan tartibda amalga oshiradi;

fuqarolarni Oʻzbekiston Respublikasi Favqulodda vaziyatlar vazirligi vakolatiga kiritilgan masalalar boʻyicha qabul qilishni tashkil etadi;

Oʻzbekiston Respublikasi Favqulodda vaziyatlar vazirligiga qarashli boshqaruv organlarining, avariya-qutqaruv va boshqa tuzilmalarning moliyaviy, moddiy va texnik taʼminotini tashkil etadi, favqulodda vaziyatlarni bartaraf etish tadbirlarini Oʻzbekiston Respublikasi Vazirlar Mahkamasining zaxira fondidan belgilangan tartibda mablagʻ bilan taʼminlaydi, ajratilgan moddiy va moliyaviy resurslardan foydalanishni nazorat qiladi;

belgilangan tartibda tasdiqlangan tanituvchi belgilar, maxsus signallar va aloqa vositalari bilan jihozlangan maxsus transport vositalariga ega boʻladi;

belgilangan xodimlar soni va ish haqi fondi doirasida Oʻzbekiston Respublikasi Favqulodda vaziyatlar vazirligiga qarashli korxonalar, muassasalar, tashkilotlar, harbiy qismlar va boʻlinmalarni, oʻquv yurtlarini belgilangan tartibda tashkil etadi va qayta tashkil qiladi;

Oʻzbekiston Respublikasi Favqulodda vaziyatlar vazirligi markaziy apparati va oʻziga qarashli korxonalar, muassasalar va tashkilotlarning xodimlarini, avariya-qutqaruv va boshqa tuzilmalarning xodimlarini huquqiy va ijtimoiy himoya qilishni taʼminlashga oid chora-tadbirlarni amalga oshiradi;

Oʻzbekiston Respublikasi Favqulodda vaziyatlar vazirligining iqtisodiy va ijtimoiy rivojlanish prognozlari hamda dasturlarini tayyorlaydi va belgilangan tartibda Makroiqtisodiyot va statistika vazirligiga;

favqulodda vaziyatlarda harakat qilishga aholini oʻqitish, fuqaro muhofazasi boshqaruv organlari va tuzilmalarining, FVDT boʻlinmalarining mansabdor shaxslarini tayyorlash dasturlarni ishlab chiqishni muvofiqlashtirib boradi, tasdiqlaydi yoki kelishib oladi, qutqaruvchilarni va avariya-qutqaruv tuzilmalarini attestatsiyadan oʻtkazishni tashkil etadi va amalga oshiradi;

fuqaro muhofazasi, favqulodda vaziyatlarda harakat qilishga tayyorlanish, qutqaruvchilarni maxsus tayyorlash masalalari boʻyicha oʻquv va maxsus oʻquv yurtlarining oʻquv dasturlarini koʻrib chiqadi va kelishib oladi;

qutqaruvchilarni favqulodda vaziyatlarda va shoshilinch sharoitlarda harakat qilishga tayyorlashni tashkil etadi;

favqulodda vaziyatlarda aholini va hududlarni muhofaza qilish, avariya-qutqaruvning mavjud vositalarini takomillashtirish va yuqori samarali yangi vositalarini yaratish, ularni bajarish uchun maxsus texnik vositalarni yaratish, favqulodda vaziyatlarda xalq xoʻjaligi obyektlarining faoliyat koʻrsatishi barqarorligini oshirish muammolari boʻyicha ilmiy-tadqiqot va tajriba-konstruktorlik ishlarini oʻtkazishni tashkil qiladi hamda mablagʻ bilan taʼminlaydi;

fuqaro muhofazasi, favqulodda vaziyatlarning oldini olish va ularni bartaraf etish, shu jumladan, avariya va halokatlar oqibatlarini tugatish, zarar koʻrgan aholiga yordam koʻrsatish masalalari boʻyicha hamda Oʻzbekiston Respublikasi Favqulodda vaziyatlar vazirligi vakolatiga taalluqli boshqa masalalar boʻyicha xalqaro hamkorlikni, shuningdek, ushbu sohalardagi chet el tajribasini oʻrganish, umumlashtirish va ommalashtirishni belgilangan tartibda amalga oshiradi;

Oʻzbekiston Respublikasi Favqulodda vaziyatlar vazirligi vakolatiga taalluqli masalalar boʻyicha xalqaro shartnomalar loyihalarini ishlab chiqishda belgilangan tartibda qatnashadi, shu jumladan, fuqaro muhofazasi, favqulodda vaziyatlarda oʻzaro xabardor qilish va yordam koʻrsatish masalalari boʻyicha tashqi iqtisodiy hamkorlikni amalga oshiradi;

Oʻzbekiston Respublikasi Vazirlar Mahkamasi qaroriga binoan BMT tizimining ixtisoslashgan xalqaro tashkilotlarining va boshqa ixtisoslashgan xalqaro tashkilotlarning markaziy organlarida va mintaqaviy boʻlinmalarida ishlash uchun, ushbu tashkilotlar bilan kelishilgan shartlarda, belgilangan tartibda vakillar yuboradi;

davlat statistika hisobotida nazarda tutilgan statistika maʼlumotlarini davlat statistika organlariga taqdim etadi;

Favqulodda vaziyatlar vazirligi vakolatiga taalluqli masalalar boʻyicha, davlat sirini, xizmat axborotlarini muhofaza qilishga, maxsus aloqani rivojlantirishga doir tadbirlarni oʻtkazishni taʼminlaydi.

xavfli yuklar, qurol-yarogʻlar, harbiy texnika, harbiy mol-mulklar, portlovchi moddalar va buyumlar, shuningdek harbiy tarkiblar tranziti chogʻida qonunchilikka muvofiq xulosalar beradi va nazoratini amalga oshiradi.

6. Oʻzbekiston Respublikasi Favqulodda vaziyatlar vazirligiga quyidagi huquqlar beriladi:

vazirliklar, idoralar, uyushmalar, Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari, mulkchilik shakllaridan qatʼi nazar, korxonalar, muassasalar va tashkilotlar, mansabdor shaxslar va fuqarolar bajarishi majburiy boʻlgan fuqaro muhofazasi, favqulodda vaziyatlar, avariyalar va halokatlar terrorchilik harakatlarining oldini olish va ularning oqibatlarini bartaraf etish boʻyicha ishlarni tashkil qilish va muvofiqlashtirib borish uchun zarur boʻlgan qarorlarni belgilangan tartibda, oʻz vakolati doirasida qabul qilish va ularning bajarilishini nazorat qilish;

vazirliklar, idoralar, Qoraqalpogʻiston Respublikasi Vazirlar Kengashi va hokimliklardan, mulkchilik shakllaridan qatʼi nazar, korxonalar, muassasalar va tashkilotlardan Vazirlikka yuklangan vazifalarni bajarish uchun zarur boʻlgan axborot va maʼlumotlarni belgilangan tartibda talab qilish va olish;

vazirliklar, idoralar, korxonalar, tashkilotlar va obyektlarni oʻz vakolatiga taalluqli masalalar boʻyicha tekshirishlarni belgilangan tartibda oʻtkazish;

mamlakatimiz va chet el mutaxassislarini hududlarni, xavf-xatar mavjud boʻlgan obyektlar va ishlab chiqarishlarni davlat ekspertizasidan oʻtkazishga jalb etish;

avariya-qutqaruv texnikasini yaratish, avariya va halokatlardan zarar koʻrgan aholini va hududlarni sogʻlomlashtirish va tiklashga doir ishlarni amalga oshirish yuzasidan ish bajaruvchilar (firmalar) bilan, shu jumladan, xorijlik ish bajaruvchilar (firmalar) bilan belgilangan tartibda kontrakt (shartnomalar) tuzish;

Qoraqalpogʻiston Respublikasi Vazirlar Kengashi, hokimliklar bilan kelishilgan holda, boshqa sohalardagi favqulodda vaziyatlarni bartaraf etish ishlarini amalga oshirish uchun doimiy tayyorgarlikning zarur hududiy kuchlari va vositalarini jalb etish toʻgʻrisida qarorlar qabul qilish.

7. Oʻzbekiston Respublikasi Favqulodda vaziyatlar vazirligi markaziy apparati hamda unga qarashli tashkilotlarning harbiy xizmatchilari harbiy xizmatda turadilar.

Ular Oʻzbekiston Respublikasi Mudofaa vazirligi normalari boʻyicha harbiy xizmatchilarga, shu jumladan, ularning oila aʼzolari ham, qonun hujjatlari bilan belgilangan taʼminotning barcha turlaridan, huquqlar va imtiyozlardan foydalanadilar.

8. Favqulodda vaziyatlar vazirligining boshqaruv organlarini, tuzilmalari va muassasalarini harbiy xizmatchilar bilan butlash Favqulodda vaziyatlar vazirligining buyurtmanomasiga binoan belgilangan tartibda amalga oshiriladi.

Favqulodda vaziyatlar vazirligining zobitlarini, praporshiklarini va muddatli xizmat harbiy xizmatchilarini tayyorlash Oʻzbekiston Respublikasi Mudofaa vazirligi, Ichki ishlar vazirligi hamda Oliy va oʻrta maxsus taʼlim vazirligining oliy harbiy va maxsus oʻquv yurtlarida hamda boshqa davlatlarning oʻquv yurtlarida amalga oshiriladi.

9. Vazirning Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan uch nafar oʻrinbosari, shu jumladan bir nafar birinchi oʻrinbosari boʻladi.

10. Oʻzbekiston Respublikasi Favqulodda vaziyatlar vaziri oʻziga yuklangan faoliyat sohasiga rahbarlikni yakkaboshchilik asosida amalga oshiradi va Vazirlikka yuklangan vazifalarning bajarilishi uchun shaxsan javob beradi. U lavozimiga koʻra Oʻzbekiston Respublikasi Fuqaro muhofazasi boshligʻi hisoblanadi.

11. Favqulodda vaziyatlar vaziri:

Vazirlik hamda unga qarashli korxonalar, muassasalar, tashkilotlar va tuzilmalar faoliyatiga rahbarlik qiladi, Oʻzbekiston Respublikasining davlat va boshqa organlari hamda tashkilotlarida, shuningdek, xalqaro tashkilotlarda Vazirlik nomidan vakillik qiladi;

Vazir oʻrinbosarlari oʻrtasida vazifalarni taqsimlaydi, ularning javobgarlik darajalarini hamda Vazirlik tarkibiy boʻlinmalari rahbarlarining javobgarlik darajalarini belgilaydi, belgilangan xodimlar soni va mehnatga haq toʻlash fondi doirasida Vazirlik markaziy apparatining tuzilmasini va shtatlar roʻyxatini, shuningdek, tegishli davr uchun tasdiqlangan budjet ajratmalari doirasida ularni mablagʻ bilan taʼminlash xarajatlari smetasini tasdiqlaydi;

buyruqlar, direktivalar chiqaradi va koʻrsatmalar beradi;

Vazirlikning oliy ofitserlar tarkibi ishlaydigan lavozimlari roʻyxati toʻgʻrisida belgilangan tartibda takliflar kiritadi;

Oʻzbekiston Respublikasi Prezidentiga koʻrib chiqish uchun Favqulodda vaziyatlar vazirligi markaziy apparatida va unga qarashli tashkilotlarda oliy ofitserlar, tarkibi ishlaydigan lavozimlarga tayinlashlar toʻgʻrisida hamda xizmatni oʻtayotgan harbiy xizmatchilarni lavozimdan ozod qilish toʻgʻrisida, ularga oliy ofitserlar tarkibi harbiy unvonlari berish toʻgʻrisida, ularni harbiy xizmatdan boʻshatish toʻgʻrisida belgilangan tartibda takliflar kiritadi;

Mudofaa vazirligining ofitserlar tarkibi uchun belgilangan tartibda va muddatlarda ofitserlarga polkovnik (uni ham qoʻshgan holda) darajasigacha harbiy unvonlar beradi;

favqulodda vaziyatlar hududiy boshqarmalari (boʻlimlari) boshliqlarini Qoraqalpogʻiston Respublikasi Vazirlar Kengashi Raisi, viloyatlar, shaharlar va tumanlar hokimlari bilan kelishgan holda lavozimga tayinlaydi;

Vazirlik tizimining alohida oʻrnak koʻrsatgan xodimlarini davlat mukofotlari bilan taqdirlash hamda ularga faxriy unvonlar berish, shuningdek, idoraviy mukofotlar taʼsis etish toʻgʻrisida belgilangan tartibda takliflar kiritadi;

xodimlarni, shuningdek harbiy xizmatchilarni xizmat safarlariga, shu jumladan, Oʻzbekiston Respublikasidan tashqaridagi xizmat safarlariga, belgilangan tartibda yuboradi;

Favqulodda vaziyatlar vazirligini mablagʻ bilan taʼminlash uchun ajratiladigan kreditlarning bosh tasarrufchisi hisoblanadi;

davlat budjeti hisobidan ajratilgan moddiy mablagʻlarni hamda xizmat resurslari uchun belgilangan muddatni oʻtab boʻlgan moddiy-texnik vositalarni roʻyxatdan chiqarishga oid hujjatlarni belgilangan tartibda tasdiqlaydi, obyektlar, texnik vositalar, asbob-uskunalar va qurol-yarogʻlarga doir ishlab chiqilgan loyiha-smeta hujjatlari boʻyicha loyihalash va texnik xulosalar berish yuzasidan topshiriqlarni tasdiqlaydi;

avariya-qutqaruv tuzilmalari uchun qurol-yarogʻlarning, texnika va texnik vositalarning yangi turlarini loyihalash yuzasidan topshiriqlarni, shuningdek, ilmiy-tadqiqot va tajriba-konstruktorlik ishlari uchun taktik-texnik topshiriqlarni tasdiqlaydi.

12. Oʻzbekiston Respublikasi Favqulodda vaziyatlar vazirligida tarkibida Vazir (hayʼat raisi), lavozimi boʻyicha vazir oʻrinbosarlari, Vazirlikning hamda unga qarashli korxonalar, muassasalar va tashkilotlarning, shuningdek, boshqa vazirliklar va idoralarning rahbar xodimlari boʻlgan 9 kishidan iborat hayʼat tuziladi.

Oʻzbekiston Respublikasi Favqulodda vaziyatlar vazirligi hayʼati aʼzolari Oʻzbekiston Respublikasi Vazirlar Mahkamasi tomonidan tasdiqlanadi, lavozimiga koʻra hayʼat tarkibiga kiruvchilar bundan mustasnodir.

Hayʼat qarorlari Vazirning buyruqlari bilan hayotga tatbiq etiladi.

13. Qoraqalpogʻiston Respublikasida, viloyatlarda va Toshkent shahrida belgilangan tartibda viloyat favqulodda vaziyatlar boshqarmalari, toifalangan shahar va tumanlarda esa favqulodda vaziyatlar boʻlimlari tashkil etiladi va faoliyat koʻrsatadi.

14. Favqulodda vaziyatlar vazirligi tizimini mablagʻ bilan taʼminlash xarajatlari davlat budjeti mablagʻlari hisobidan amalga oshiriladi.

15. Oʻzbekiston Respublikasi Favqulodda vaziyatlar vazirligi vakolatiga kiritilgan muhim muammolarga oid tavsiyanomalarni koʻrib chiqish va tayyorlash uchun Oʻzbekiston Respublikasi Favqulodda vaziyatlar vazirligi huzurida ilmiy-texnika kengashi tashkil etiladi. Uning tarkibiga manfaatdor davlat ijro etuvchi hokimiyat organlari, ilmiy tashkilotlar va jamoat birlashmalarining vakillari kirishi mumkin.

Ilmiy-texnika kengashi tarkibi va uning toʻgʻrisidagi Nizom Vazir tomonidan tasdiqlanadi.

16. Favqulodda vaziyatlar vazirligining shaxsiy tarkibi maxsus kiyim-bosh formasiga, emblemaga va farqlovchi belgilarga ega boʻladi. Favqulodda vaziyatlar vazirligining texnika va transport vositalari uning emblemasi tasviri tushirilgan holda maxsus rangga boʻyaladi.

17. Oʻzbekiston Respublikasi Favqulodda vaziyatlar vazirligi yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, banklarda va boshqa kredit muassasalarida hisob-kitob schyotiga hamda boshqa schyotlarga ega boʻladi.

1. Rahbariyat

2. Tashkiliy-operativ boshqarma

3. Avariya-qutqaruv kuchlari boshqarmasi

4. Aholini va hududlarni muhofaza qilish boshqarmasi

5. Moddiy-texnika taʼminoti boshqarmasi

6. Aloqa, xabar berish xizmati va ABT

7. Rejim va xavfsizlik boʻlimi

8. Moliya-iqtisodiyot boʻlimi

9. Kanselyariya

10. Kadrlar boʻlimi

1. Xoʻjalik boʻlimi

2. Kapital qurilish va tuzatish boʻlimi

3. Bosmaxona

4. Garaj

5. Tibbiyot boʻlimi

1. 68305 — harbiy qism (alohida aloqa batalyoni)

2. Favqulodda vaziyatlar vazirligi aloqa uzeli

3. Kimyo-radiometrik laboratoriya

4. Tez harakat qilish respublika koʻp profilli markazi

5. Tez harakat qilish yigʻma otryadi

6. Markaziy aeromobil otryadi (MAO)

7. Fuqaro muhofazasi instituti

8. Shahar tashqarisidagi boshqaruv punkti

Mudofaa vazirligining fuqaro mudofaasi va favqulodda vaziyatlar boshqarmasi

Kimyo-radiometrik laboratoriya

Aloqa uzeli, Olmazor shaharchasidagi 68305-harbiy qism

“Dam olish uyi” obyekti

Xalqlar doʻstligi koʻchasi, 28-uydagi binolar va inshootlar kompleksi

Qoraqalpogʻiston Respublikasi, viloyatlar va Toshkent shahar mudofaa ishlari boshqarmalarining fuqaro mudofaasi va favqulodda vaziyatlar boʻlimlari

Oʻzbekiston Respublikasi, Qoraqalpogʻiston Respublikasi, viloyatlar va Toshkent shahar fuqaro mudofaasi rahbar xodimlarini tayyorlash markazlari

Fuqaro mudofaasi boʻyicha guruhlarga kiritilgan Olmaliq, Andijon, Angren, Bekobod, Buxoro, Nukus, Namangan, Navoiy, Qarshi, Qoʻqon, Margʻilon, Samarqand, Termiz, Fargʻona, Chirchiq shaharlari mudofaa ishlari boʻlimlarining fuqaro mudofaasi va favqulodda vaziyatlar boʻlinmalari

Fuqaro mudofaasi boʻyicha guruhlarga kiritilgan shahar tumanlaridagi fuqaro mudofaasi va favqulodda vaziyatlar boʻlinmalari:

Akmal Ikromov, Bektemir, Mirzo Ulugʻbek, Mirobod, Sirgʻali, Sobir Rahimov, Hamza, Shayxontohur, Chilonzor, Yunusobod, Yakkasaroy tumanlari fuqaro mudofaasi va favqulodda vaziyatlar boʻlinmalari;

Fayzulla Xoʻjayev, Toʻqimachi tumanlari fuqaro mudofaasi va favqulodda vaziyatlar boʻlinmalari;

Sovet tumani fuqaro mudofaasi va favqulodda vaziyatlar boʻlinmasi;

Bogʻishamol, Siyob, Temiryoʻl tumanlari fuqaro mudofaasi va favqulodda vaziyatlar boʻlinmalari;

Qirguli tumani fuqaro mudofaasi va favqulodda vaziyatlar boʻlinmasi

moddiy-texnika ombori, Nukus shahri;

moddiy-texnika ombori, Andijon shahri;

moddiy-texnika ombori, Buxoro shahri;

moddiy-texnika ombori, Qarshi shahri;

moddiy-texnika ombori, Namangan shahri;

moddiy-texnika ombori, Samarqand shahri;

moddiy-texnika ombori, Fargʻona shahri.

safarbarlik guruhi, Nukus shahri;

safarbarlik guruhi, Andijon shahri;

safarbarlik guruhi, Buxoro shahri;

safarbarlik guruhi, Qarshi shahri;

safarbarlik guruhi, Namangan shahri;

safarbarlik guruhi, Samarqand shahri;

safarbarlik guruhi, Fargʻona shahri.

Mudofaa ishlari boshqarmalari safarbarlik omborlarining harbiylashtirilgan qoʻriqlash boʻlinmalari — 7

Oʻzbekiston Respublikasi, Qoraqalpogʻiston Respublikasi, viloyatlar va Toshkent shahar fuqaro mudofaasi boshqarmalarining shahar tashqarisidagi, shahardagi va koʻchma punktlari, shuningdek, fuqaro mudofaasi boʻyicha guruhlarga kiritilgan shaharlar, shahar tumanlarining boshqarish punktlari.

Vazirlar Mahkamasining Favqulodda vaziyatlar boʻyicha komissiyasi huzuridagi Respublika koʻp ixtisosli tez harakat qilish markazi, Toshkent shahri

“Oʻzkimyosanoat” uyushmasining maxsus harbiylashtirilgan tez harakat qilish otryadi, Chirchiq shahri.