Oʻzbekiston Respublikasi Prezidentining respublika Hukumat aloqasini qayta tashkil etish toʻgʻrisida 1991-yil 17-sentabrdagi Farmoniga muvofiq Oʻzbekiston Respublikasi Prezidenti huzuridagi Vazirlar Mahkamasi qaror qiladi:

1. Oʻzbekiston SSRning sobiq Davlat xavfsizligi komitetining hukumat aloqa boʻlimi negizida Oʻzbekiston Respublikasi Prezidenti huzuridagi Vazirlar Mahkamasining Hukumat aloqa xizmati (HAX) tuzilsin.

2. Oʻzbekiston Respublikasi Prezidenti huzuridagi Vazirlar Mahkamasi Hukumat aloqa xizmati Nizomi, tuzilmasi hamda harbiy xizmatchilari, ishchilari va xizmatchilarining shtat soni tasdiqlansin (1, 2, 3, 4-ilovalar)*.

3. Oʻzbekiston Respublikasi Prezidenti huzuridagi Vazirlar Mahkamasining Hukumat aloqa xizmati Oʻzbekiston Respublikasi Milliy xavfsizlik xizmati (MXX) bilan oʻzaro aloqada faoliyat koʻrsatadi. Bunda Oʻzbekiston Respublikasi MXX zimmasiga HAX ishlarini uygʻunlashtirish, kadrlarni tanlash, komplektlash va oʻqitish vazifasi yuklanadi.

Oʻzbekiston Respublikasi Prezidenti huzuridagi Vazirlar Mahkamasining HAX xodimlari (harbiy xizmatchilar, ishchilar va xizmatchilar)da Oʻzbekiston Respublikasi MXX xodimlarining tegishli toifalari uchun belgilangan huquq va imtiyozlar toʻliq saqlanib qoladi.

4.Oʻzbekiston Respublikasi Aloqa vazirligi:

Oʻzbekiston Respublikasi Prezidenti huzuridagi Vazirlar Mahkamasining HAXga zarur miqdorda, kecha-kunduz ishlaydigan, shuningdek, operativ Talabnomaga muvofiq bir martada ulanadigan xalqaro va shaharlararo aloqa kanallari ajratsin;

maxsus asbob-uskunalar oʻrnatish uchun ishlab turgan va yangi ochiladigan aloqa uzellarida zarur maydonlar ajratsin;

Hukumat aloqasining abonent va ulovchi kabellariga texnika xizmati koʻrsatishni va undan sifatli foydalanishni amalga oshirsin;

Oʻzbekiston Respublikasi Prezidenti huzuridagi Vazirlar Mahkamasi HAX xodimlariga shahar telefon tarmogʻining uy apparatlarini navbatdan tashqari oʻrnatishni taʼminlasin.

5. Oʻzbekiston Respublikasi Energetika va elektrlashtirish vazirligi Oʻzbekiston Respublikasi Prezidenti huzuridagi Vazirlar Mahkamasining HAX aloqa uzellarini kafolatli (oliy toifa boʻyicha) elektr quvvati bilan taʼminlasin.

6. Oʻzbekiston Respublikasi Avtomobil transporti vazirligi, Oʻzbekiston Milliy aviakompaniyasi, Oʻrta Osiyo temir yoʻllar Boshqarmasi Oʻzbekiston Respublikasi Prezidenti huzuridagi Vazirlar Mahkamasining HAXga aloqaning hamma turlarini, bino, texnikaviy qurilmalarni yetkazib bersinlar, xizmat vazifalarini bajarish uchun transportning hamma turlariga oʻrinlarni bronlashtirishni taʼminlasinlar.

7. Oʻzbekiston Respublikasi Moliya vazirligi, Oʻzbekistonning taraqqiyot istiqbolini belgilash qoʻmitasi, Oʻzbekiston Respublikasi moddiy-texnika davlat-kooperativ qoʻmitasi, Neft mahsulotlari bilan taʼminlash davlat qoʻmitasi 1992-yildan boshlab Oʻzbekiston Respublikasi Prezidenti huzuridagi Vazirlar Mahkamasining Hukumat aloqa xizmatini mablagʻ va moddiy-texnika bilan taʼminlasinlar.

1. Oʻzbekiston Respublikasi Prezidenti huzuridagi Vazirlar Mahkamasining Hukumat aloqa xizmati (HAX) Oʻzbekiston Respublikasi Prezidentining respublikada hukumat aloqasini qayta tashkil etish toʻgʻrisida 1991-yil 17-sentabrdagi Farmoniga asosan tuzilgan.

2. Hukumat aloqa xizmati bosh boshqarma huquqi asosida tashkil etiladi, u bevosita Oʻzbekiston Respublikasi Prezidenti va Vazirlar Mahkamasiga boʻysunadi hamda Oʻzbekiston Respublikasining vazirliklari, idoralari, korxonalari mablagʻlari va davlat budjeti hisobiga saqlanadi.

3. Hukumat aloqasini tashkil etish prinsiplari, rivojlanish yoʻnalishlari va undan foydalanish tartibi mazkur Nizom bilan belgilanadi.

4. Hukumat aloqasidan foydalanish va uni takomillashtirish, ana shu aloqa vositalaridan foydalanishda axborot uzatishning maxfiyligini taʼminlash uchun masʼuliyat Oʻzbekiston Respublikasi Prezidenti huzuridagi Vazirlar Mahkamasining Hukumat aloqa xizmati boʻlinmalari zimmasiga yuklanadi.

5. Hukumat aloqa xizmati quyidagi aloqa turlarini taʼminlaydi va tashkil etadi:

ikki tomonlama hukumatlararo bitimlar asosida Toshkent shahri va boshqa davlat shaharlari oʻrtasidagi xalqaro aloqa;

Toshkent shahri va Oʻzbekiston Respublikasining viloyat markazlari, yirik sanoat mintaqalari va boshqaruvning zaxiradagi punktlari oʻrtasidagi respublika aloqasi;

Toshkent shahri va respublika viloyatlari markazlari oʻrtasidagi shahar aloqasi;

Oʻzbekiston Respublikasi Prezidenti hamda maxsus roʻyxatda koʻrsatilgan boshqa shaxslarning safarda foydalanadigan koʻchma obyektlar-maxsus samolyotlar, poyezdlar va avtomobillardagi aloqasi;

abonentlarning vaqtincha boʻladigan, shuningdek, favqulodda hodisa va voqealar, katta avariyalar, tabiiy ofatlar yuz bergan joylardagi dala aloqasi.

6. Hukumat aloqasi bilan taʼminlanadigan lavozimlar roʻyxati Oʻzbekiston Respublikasi Prezidenti tomonidan Oʻzbekiston Respublikasi Prezidenti apparati Ishlar Boshqarmasining taklifiga binoan tasdiqlanadi.

7. Hukumat aloqasi, Oʻzbekiston Respublikasi Prezidenti tomonidan tasdiqlangan roʻyxatga kiritilgan mansabdor shaxslardan tashqari, pulli xizmat turidir.

Hisob-kitob Oʻzbekiston Respublikasi Prezidenti huzuridagi Vazirlar Mahkamasi tomonidan tasdiqlangan amaldagi tariflarga muvofiq chiqariladi. Aloqa oʻrnatilgan shaxsga yoki uning vazifasini bajaruvchi shaxsga hukumat aloqa apparatidan foydalanishga ruxsat etiladi.

8. Oʻzbekiston Respublikasida Hukumat aloqasi tarmogʻi vazirliklar, davlat qoʻmitalari va idoralarning kanallari foydalanadigan texnika vositalari va aloqa kanallari kompleksidan iboratdir. Bu kanallar uchun haq amaldagi tariflar boʻyicha toʻlanadi.

9. Hukumat aloqa stansiyalari, abonent, ulash va boshqa inshootlarni loyihalash va qurish Oʻzbekiston Respublikasining budjeti hamda manfaatdor vazirliklar va idoralarning kapital mablagʻlari hisobiga amalga oshiriladi.

10. Hukumat aloqasidan abonentlarga xizmat koʻrsatishning oliy, birinchi va ikkinchi tizimlari qoʻllaniladi.

Oliy tizim boʻyicha Oʻzbekiston Respublikasining Prezidentiga, Oliy Kengash Raisiga, shuningdek, Bosh vazirga respublika hududida doimiy va vaqtincha boʻlish joyida, zaruriyat boʻlganda boshqa abonentlarni uzib qoʻygan holda, xizmat koʻrsatiladi.

Birinchi tizim boʻyicha Prezident tomonidan alohida tasdiq bilan belgilangan shaxslarga Oʻzbekiston hududida doimiy va vaqtincha boʻlish joyida navbatsiz, shu punktlar bilan bir qatorda doimiy hukumat aloqasi mavjud boʻlgan taqdirda boshqa abonentlarni uzib qoʻyish huquqisiz xizmat koʻrsatiladi.

Ikkinchi tizim boʻyicha yuqorida koʻrsatilmagan abonentlarga doimiy boʻlish joyida xizmat koʻrsatiladi.

11. Hukumat aloqasini rivojlantirish va takomillashtirish hamda uni uzluksiz ishlatish maqsadida:

Oʻzbekiston pochta va telekommunikatsiyalar agentligi Hukumat aloqasi uchun xalqaro va respublika kanallarini darhol ulaydi va ularning sifatli ishlashini taʼminlaydi. Maxsus asbob-uskunalar oʻrnatish uchun ishlab turgan va yangi qurilayotgan aloqa uzellarida zarur maydonlar ajratadi. Abonentlik va ulash kabellarining sifatli ishlashini taʼminlaydi.

Oʻzbekiston Respublikasining Mudofaa ishlari vazirligi maxsus tadbirlar oʻtkaziladigan vaqtda ular tashkil etilishi bilanoq hukumat aloqasi uchun aloqa kanallari bilan taʼminlaydi.

Oʻzbekiston Milliy aviakompaniyasi, Oʻrta Osiyo temir yoʻli boshqarmasi, Avtomobil transporti vazirligi hukumat aloqasi boʻlinmalarining yuklarini va xodimlarini oʻz xizmat burchlarini bajarishlari uchun Hukumat aloqa xizmati mablagʻlari hisobiga yuborishni taʼminlaydilar, asbob-uskunalar va texnika xodimlarini joylashtirish uchun transportning hamma turlarida joy ajratadilar.

12. Hukumat aloqa xizmati boshligʻi va uning oʻrinbosarlari lavozimga, respublika MXX tavsiyasiga binoan, Vazirlar Mahkamasining Raisi tomonidan tayinlanadilar. Qoraqalpogʻiston Respublikasi HAX markaziy apparati va viloyat boʻlinmalari xodimlari lavozimlariga tayinlash va ularni ishdan ozod etish, Oʻzbekiston Respublikasi Milliy xavfsizlik xizmatining Raisi bilan kelishilgan holda, HAX boshligʻi tomonidan amalga oshiriladi.

13. Hukumat aloqa xizmati yuridik shaxs boʻlib, Oʻzbekiston Respublikasining Davlat gerbi tasvirlangan hamda nomi oʻzbek va rus tillarida yozilgan muhrga ega boʻladi.

Hukumat aloqasi xizmati oʻz zimmasiga yuklatilgan burchlarni bajarish uchun quyidagi huquqlarga ega:

1. Tegishli hujjatlar mavjud boʻlgan taqdirda transportning barcha turlarida toʻsiqsiz yurish va tekshiruvdan oʻtkazmasdan maxsus texnikani olib oʻtish.

2. Oʻzbekiston pochta va telekommunikatsiyalar agentligi bilan kelishilgan xolda Hukumat aloqa xizmati manfaatlari uchun foydalaniladigan xalqaro aloqa asbob-uskunalarining texnikaviy holatini inspeksiya qilish.

3. Oʻzbekiston pochta va telekommunikatsiyalar agentligi korxonalariga koʻrsatilgan xizmat sifati boʻyicha daʼvo qoʻzgʻash.

4. Hukumat aloqa xizmatining abonentlik qurilmalari va boshqa asbob-uskunalari joylashgan binoga qarshiliksiz kirish.

5. Maxfiy axborotlar chiqib ketishining oldini olish maqsadida abonentlar kabinetlaridagi shaharlararo hukumat va shahar ichidagi hukumat aloqa tarmogʻining texnikaviy vositalarini tekshirish.

6. Hukumat aloqa xizmati xodimlari uchun shahar telefon tarmogʻi apparatini navbatsiz oʻrnatish.

7. Hukumat aloqa xizmati radio aloqasi tarmogʻidan foydalanuvchi avtoxoʻjaliklarda maxfiylik rejimini va maxsus texnikaning saqlanishini nazorat qilib borish.

8. Abonentlik qurilmalarini saqlashning tashkiliy-texnikaviy shartlari aloqa xavfsizligi darajasini pasaytiradigan tarzda buzilgan hollarda Oʻzbekiston Respublikasi Prezidenti apparati, Ishlar Boshqarmasi oldiga hukumat aloqasi abonentlik qurilmalarini uzish masalasini qoʻyish.

1. Hukumat aloqa xizmati kadrlarini harbiy xizmatchilar, ishchilar va xizmatchilar tashkil etadi. Hukumat aloqa xizmati harbiy xizmatchilari Oʻzbekiston Respublikasi Milliy xavfsizlik xizmatining harbiy hisobdan oʻchirilgan kadrlari hisoblanadilar.

2. Hukumat aloqa xizmati xodimlarining pul va boshqa taʼminotlari Oʻzbekiston Respublikasi Milliy xavfsizlik xizmati organlari tomonidan xodimlarning tegishli toifalari uchun Oʻzbekiston Respublikasi Milliy xavfsizlik xizmatida belgilangan normalar boʻyicha taʼminlanadilar. Hukumat aloqa xizmati xodimlarining lavozim maoshlari miqdori, ish haqi toʻlash shartlari tasdiqlangan shtatlarga muvofiq belgilanadi. Ishchi va xizmatchilarning ish sharoiti Oʻzbekiston Respublikasining Mehnat haqidagi qonunlar kodeksi bilan tartibga solinadi.

3. Hukumat aloqa xizmati harbiy xizmatchilari, ishchi va xizmatchilari soni hamda boʻlinmalarining tuzilmasi Oʻzbekiston Respublikasi Prezidenti huzuridagi Vazirlar Mahkamasi tomonidan belgilanadi.

4. Hukumat aloqa xizmatining boshligʻi Hukumat aloqa xizmati va uning viloyat boʻlinmalari funksiyalari va shtatlarini Oʻzbekiston Respublikasi Milliy xavfsizlik xizmati Raisining buyruqlari bilan tasdiqlanadigan shtatlar soni va tuzilmalar doirasida belgilaydi.

5. Hukumat aloqa xizmatining generallari, ofitserlari, praporshchiklari va harbiy xizmatchilari harbiy xizmatni Oʻzbekiston Respublikasining harbiy xizmatni oʻtash haqidagi harbiy ustavlari va nizomlariga muvofiq oʻtaydilar. Hukumat aloqasi xizmati harbiy xizmatchilarida Oʻzbekiston Respublikasi Milliy xavfsizlik xizmati harbiy xizmatchilari uchun belgilangan barcha huquqlar, imtiyozlar va qulayliklar saqlanib qoladi.

Hukumat aloqa xizmati harbiy xizmatchilariga harbiy unvonlar Hukumat aloqa xizmati boshligʻining taqdimnomasi boʻyicha Oʻzbekiston Respublikasi Milliy xavfsizlik xizmati Raisining buyruqlari bilan beriladi.

6. Hukumat aloqa xizmati boshligʻi Oʻzbekiston Respublikasi Milliy xavfsizlik xizmati Bosh boshqarmasining boshligʻiga berilgan intizomiy huquqga egadir.

Hukumat aloqa xizmatining boshligʻi oʻz huquqlari doirasida Oʻzbekiston Respublikasi qonunlari, Oʻzbekiston Respublikasi Prezidentining farmonlari, Oʻzbekiston Respublikasi Milliy xavfsizlik xizmati Raisining buyruqlari asosida buyruqlar, koʻrsatmalar va yoʻriqnomalar chiqaradi.

7. Hukumat aloqa xizmati harbiy xizmatchilari, ishchilari va xizmatchilari davlat himoyasida boʻladilar va Oʻzbekiston Respublikasining davlat budjeti mablagʻlari hisobiga davlat yoʻli bilan majburiy sugʻurta qilinadilar.