Oʻzbekiston Respublikasi Prezidentining 2017-yil 8-noyabrdagi PQ-3380-son “Oʻzbekkoʻmir” AJ va “Shargʻunkoʻmir” AJni “Oʻzbekiston temir yoʻllari” AJ tarkibiga oʻtkazish hamda koʻmir sanoati korxonalarini moliyaviy sogʻlomlashtirish borasidagi tashkiliy chora-tadbirlar toʻgʻrisida”gi qaroriga muvofiq Oʻzbekiston Respublikasi Moliya vazirligi va Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi qaror qiladi:

1. Oʻzbekiston Respublikasi Moliya vazirligi va Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining 2012-yil 12-sentabrdagi 70 va UT 02/4-17/3640-son “Oʻzbekkoʻmir” OAJning hududiy distribyutorlik markazlari orqali sotiladigan koʻmirning chakana narxini shakllantirish tartibi toʻgʻrisidagi nizomni tasdiqlash haqida”gi qarori (roʻyxat raqami 2392, 2012-yil 24-sentabr) (Oʻzbekiston Respublikasi qonun hujjatlari toʻplami, 2012-y., 39-son, 454-modda) oʻz kuchini yoʻqotgan deb topilsin.

2. Mazkur qaror “Oʻzbekenergo” AJ va “Oʻzbekkoʻmir” AJ bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.