Idoraviy normativ-huquqiy hujjatni davlat reyestridan chiqarish boʻyicha 2018-yil 16-yanvardagi xulosaga muvofiq hamda Oʻzbekiston Respublikasi Prezidentining 2011-yil 23-avgustdagi PQ-1602-son “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi qaroriga, Vazirlar Mahkamasining 1997-yil 9-oktabrdagi 469-son “Vazirliklar, davlat qoʻmitalari va idoralar meʼyoriy hujjatlarining qonuniyligini taʼminlash chora-tadbirlari toʻgʻrisida”gi hamda 2000-yil 19-maydagi 197-son “Vazirliklar, davlat qoʻmitalari va idoralarning meʼyoriy hujjatlarini qabul qilish tartibini takomillashtirish toʻgʻrisida”gi qarorlariga asosan, buyuraman:

1. Oʻzbekiston Respublikasi Iqtisodiyot vazirligining 2017-yil 6-noyabrdagi MM-3-2/6-6-6124-son va Moliya vazirligining 2018-yil 5-yanvardagi YET/15-02-32-26/5-son Oʻzbekiston Respublikasida realizatsiya qilinadigan xalq isteʼmol tovarlarida shartnomaviy (erkin) chakana narxlarni belgilash vaqtinchalik tartibini (roʻyxat raqami 170, 1995-yil 7-sentabr) Idoraviy normativ-huquqiy hujjatlarning davlat reyestridan chiqarish masalasi yuzasidan xatlari maʼlumot uchun qabul qilinsin.

2. “Oʻzbeksavdo” davlat uyushmasi raisi oʻrinbosari hamda “Oʻzbekbirlashuv” raisi oʻrinbosari tomonidan 1995-yil 24-avgustda 05-4/2-53 va OTS-3/51-son bilan tasdiqlangan Oʻzbekiston Respublikasida realizatsiya qilinadigan xalq isteʼmol tovarlarida shartnomaviy (erkin) chakana narxlarni belgilash vaqtinchalik tartibi (roʻyxat raqami 170, 1995-yil 7-sentabr) Idoraviy normativ-huquqiy hujjatlarning davlat reyestridan chiqarilsin.

3. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarning davlat reyestriga tegishli yozuv kiritilsin.

4. Huquqiy targʻibot va axborot boshqarmasi ushbu buyruqni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida eʼlon qilinishini taʼminlasin.

5. Mazkur buyruq rasmiy eʼlon qilingan kundan eʼtiboran kuchga kiradi.