Ta’lim va tibbiyot muassasalarida budjet jarayonining shaffofligini yanada oshirish va uning ustidan jamoatchilik nazoratini kuchaytirish, budjetdan moliyalashtirish, hisob va hisobot mexanizmini takomillashtirish, vazirlik va idoralarning bo‘ysunuvidagi muassasalarda budjet intizomini mustahkamlash borasidagi mas’uliyatini oshirish, shuningdek, zamonaviy axborot texnologiyalari va xalqaro e’tirof etilgan moliyaviy nazorat standartlarini joriy qilish yo‘li bilan budjet qonunchiligini buzish holatlarining oldini olish va profilaktikasiga qaratilgan davlat moliyaviy nazoratining rolini tubdan qayta ko‘rib chiqish maqsadida:
1. O‘zbekiston Respublikasi Moliya vazirligi, Hisob palatasi, Xalq ta’limi vazirligi, Sog‘liqni saqlash vazirligi hamda Oliy va o‘rta maxsus ta’limi vazirligi tomonidan kiritilgan takliflar ma’qullansin va 2017-yilning 1-sentabridan boshlab:
bir vaqtda o‘zlarining buysunuvidagi quyi muassasalarda buxgalteriya xizmatlari tugatilib, xalq ta’limi tuman (shahar) bo‘limlarida va tibbiyot birlashmalarida markazlashtirilgan moliya-buxgalteriya xizmatlari (keyingi o‘rinlarda — markazlashtirilgan moliya-buxgalteriya xizmatlari deb ataladi);
Oldingi tahrirga qarang.
O‘zbekiston Respublikasi Xalq ta’limi vazirligi, Sog‘liqni saqlash vazirligi, Oliy va o‘rta maxsus ta’lim vazirligi, Oliy va o‘rta maxsus ta’lim vazirligining O‘rta maxsus, kasb-hunar ta’limi markazi hamda O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasida — soni 3 shtat birligidan iborat ichki audit xizmatlari (keyingi o‘rinlarda — respublika darajasidagi ichki audit xizmatlari deb ataladi);
(1-bandning uchinchi xatboshisi O‘zbekiston Respublikasi Prezidentining 2021-yil 27-avgustdagi PF-6300-sonli Farmoni tahririda — Qonunchilik ma’lumotlari milliy bazasi, 28.08.2021-y., 06/21/6300/0834-son)
Oldingi tahrirga qarang.
Qoraqalpog‘iston Respublikasining Xalq ta’limi vazirligi, Sog‘liqni saqlash vazirligi, O‘rta maxsus, kasb-hunar ta’limi boshqarmasida, viloyatlar xalq ta’limi, sog‘liqni saqlash, o‘rta maxsus, kasb-hunar ta’limi boshqarmalarida hamda Toshkent shahar Xalq ta’limi, Sog‘liqni saqlash bosh boshqarmalari va O‘rta maxsus, kasb-hunar ta’limi boshqarmasida soni 1 — 4 shtat birligidan iborat ichki audit xizmatlari (keyingi o‘rinlarda — hududiy ichki audit xizmatlari deb ataladi) tashkil etilsin.
(1-bandning to‘rtinchi xatboshisi O‘zbekiston Respublikasi Prezidentining 2021-yil 27-avgustdagi PF-6300-sonli Farmoni tahririda — Qonunchilik ma’lumotlari milliy bazasi, 28.08.2021-y., 06/21/6300/0834-son)
a) markazlashtirilgan moliya-buxgalteriya xizmatlarining — markazlashtirilgan tartibda quyi muassasalarning xarajatlar smetasi tuzilishi va ijro etilishini, ish haqining hisoblanishi va to‘lanishini, tovar, ish va xizmatlarning xarid qilinishini, budjet va budjetdan tashqari mablag‘lar hisobining yuritilishini ta’minlash, shuningdek, ularning faoliyati profili bo‘yicha tovarlar (ishlar, xizmatlar) realizatsiyasidan tushadigan daromadlar monitoringini yuritish;
Oldingi tahrirga qarang.
b) respublika darajasidagi hamda hududiy ichki audit xizmatlarining — budjet mablag‘larining noqonuniy sarflanishi va talon-toroj qilinishi holatlarining quyidagi yo‘llar bilan profilaktikasini ta’minlash va ularning oldini olish:
(2-bandning “b” kichik bandi birinchi xatboshisi O‘zbekiston Respublikasi Prezidentining 2021-yil 27-avgustdagi PF-6300-sonli Farmoni tahririda — Qonunchilik ma’lumotlari milliy bazasi, 28.08.2021-y., 06/21/6300/0834-son)
buysunuvidagi muassasalarda xarajatlar smetasini rejalashtirish va uning ijrosi, budjet hisobining yuritilishi, tender (tanlov) savdolarining o‘tkazilishi va shartnomalar tuzilishi ustidan monitoring qilish;
buysunuvidagi muassasalar va markazlashtirilgan moliya-buxgalteriya xizmatlari rahbarlariga budjet hisobi va hisoboti tizimini takomillashtirish, asossiz debitor va kreditor qarzdorliklarga yo‘l qo‘ymaslik, budjet intizomini mustahkamlash, budjet mablag‘laridan foydalanish, shu jumladan tovarlar, ish va xizmatlarni xarid qilish samaradorligini oshirish, shuningdek, markazlashtirilgan moliya-buxgalteriya xizmatlarining xodimlari tarkibini mustahkamlash masalalari bo‘yicha tavsiyalar tayyorlash;
Oldingi tahrirga qarang.
qonunni buzish holatlarini, ularni sodir etishga imkoniyat yaratuvchi sabablar va shart-sharoitlarni bartaraf etish to‘g‘risida quyi muassasalarga bajarilishi majburiy bo‘lgan ko‘rsatmalar kiritish.
(2-bandning “b” kichik bandi to‘rtinchi xatboshisi O‘zbekiston Respublikasi Prezidentining 2021-yil 27-avgustdagi PF-6300-sonli Farmoni tahririda — Qonunchilik ma’lumotlari milliy bazasi, 28.08.2021-y., 06/21/6300/0834-son)
Oldingi tahrirga qarang.
respublika darajasidagi hamda hududiy ichki audit xizmatlarining shtat birliklari O‘zbekiston Respublikasi Moliya vazirligining Nazorat-taftish bosh boshqarmasi va uning hududiy boshqarmalarida qisqartirilayotgan shtat birliklari hisobidan joriy etiladi;
(3-bandning ikkinchi xatboshisi O‘zbekiston Respublikasi Prezidentining 2021-yil 27-avgustdagi PF-6300-sonli Farmoni tahririda — Qonunchilik ma’lumotlari milliy bazasi, 28.08.2021-y., 06/21/6300/0834-son)
Oldingi tahrirga qarang.
respublika darajasidagi hamda hududiy ichki audit xizmatlarining xodimlari tegishincha O‘zbekiston Respublikasi Xalq ta’limi vazirligi, Sog‘liqni saqlash vazirligi, Oliy va o‘rta maxsus ta’lim vazirligi, Oliy va o‘rta maxsus ta’lim vazirligining O‘rta maxsus, kasb-hunar ta’limi markazi va Moliya vazirligi huzuridagi budjetdan tashqari Pensiya jamg‘armasining birinchi rahbarlari buyruqlari bilan lavozimga tayinlanadi va lavozimdan ozod etiladi;
(3-bandning uchinchi xatboshisi O‘zbekiston Respublikasi Prezidentining 2021-yil 27-avgustdagi PF-6300-sonli Farmoni tahririda — Qonunchilik ma’lumotlari milliy bazasi, 28.08.2021-y., 06/21/6300/0834-son)
Oldingi tahrirga qarang.
respublika darajasidagi ichki audit xizmatlarining rahbarlari ijtimoiy-maishiy va tibbiy xizmat ko‘rsatish shart-sharoitlari bo‘yicha tegishli vazirlik va idoralar boshqarma boshliqlariga, hududiy ichki audit xizmatlarining rahbarlari esa bo‘lim boshliqlariga tenglashtiriladi.
(3-bandning to‘rtinchi xatboshisi O‘zbekiston Respublikasi Prezidentining 2021-yil 27-avgustdagi PF-6300-sonli Farmoni tahririda — Qonunchilik ma’lumotlari milliy bazasi, 28.08.2021-y., 06/21/6300/0834-son)
Oldingi tahrirga qarang.
(4-band O‘zbekiston Respublikasi Prezidentining 2022-yil 14-fevraldagi PQ-128-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 15.02.2022-y., 07/22/128/0131-son)
Oldingi tahrirga qarang.
(5-band O‘zbekiston Respublikasi Prezidentining 2022-yil 14-fevraldagi PQ-128-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 15.02.2022-y., 07/22/128/0131-son)
Oldingi tahrirga qarang.
(6-band O‘zbekiston Respublikasi Prezidentining 2021-yil 27-avgustdagi PF-6300-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 28.08.2021-y., 06/21/6300/0834-son)
7. O‘zbekiston Respublikasi Markaziy banki O‘zbekiston Respublikasi Moliya vazirligining Davlat moliyaviy nazorati bosh boshqarmasi yozma so‘roviga ko‘ra davlat moliyaviy nazorati sohasida unga yuklatilgan vazifalarni amalga oshirish uchun zarur bo‘lgan bank va tijorat sirini tashkil etuvchi budjet tashkilotlari hamda budjet mablag‘lari oluvchilar haqidagi ma’lumotlar taqdim etib borilishini ta’minlasin.
8. “O‘zbekiston Respublikasi Tovar-xomashyo birjasi” AJ Davlat moliyaviy nazorati bosh boshqarmasiga O‘zbekiston Respublikasi Davlat budjeti, davlat maqsadli va boshqa jamg‘armalari mablag‘larining ishlatilishi ustidan davlat moliyaviy nazoratini amalga oshirish uchun davlat va korporativ xaridlar bo‘yicha maxsus axborot portalining yopiq qismidan foydalanishga ruxsat bersin.
9. O‘zbekiston Respublikasi Moliya vazirligi markaziy apparati tarkibida vazirlikning umumiy cheklangan xodimlari soni doirasida Budjetni tuzish va g‘aznachilik ijrosi, ichki audit va moliyaviy nazorat metodologiyasi boshqarmasi tashkil qilinsin, uning asosiy vazifalari etib quyidagilar belgilansin:
ilg‘or xalqaro tajriba asosida budjet mablag‘laridan foydalanish natijadorligini, Qoraqalpog‘iston Respublikasi budjeti, viloyatlar va Toshkent shahar mahalliy budjetlarining o‘zini o‘zi ta’minlashi, shuningdek, mahalliy hokimiyat organlarining budjet daromadlari bazasini kengaytirish va mablag‘laridan oqilona foydalanish bo‘yicha manfaatdorligini oshirishga qaratilgan yo‘nalishlarda budjet jarayoni metodologiyasini takomillashtirish;
zamonaviy axborot texnologiyalaridan foydalangan holda budjet hisobi va hisoboti tizimini yanada takomillashtirish, budjet tizimi budjetlari g‘azna ijrosi va davlat moliyaviy nazorati tizimini rivojlantirish;
Oldingi tahrirga qarang.
(9-bandning to‘rtinchi xatboshisi O‘zbekiston Respublikasi Prezidentining 2021-yil 27-avgustdagi PF-6300-sonli Farmoniga asosan chiqarilgan — Qonunchilik ma’lumotlari milliy bazasi, 28.08.2021-y., 06/21/6300/0834-son)
10. O‘zbekiston Respublikasi Xalq ta’limi vazirligi (U.I. Inoyatov), Sog‘liqni saqlash vazirligi (A.K. Shadmanov), Oliy va o‘rta maxsus ta’lim vazirligi (I.U. Majidov) o‘zlarining bo‘ysunuvidagi muassasalarning xarajatlar smetasi va ular ijrosi to‘g‘risidagi hisobotlarni, shuningdek, tovarlar (ish va xizmatlar)ni xarid qilish bo‘yicha tuzilgan shartnomalarning ro‘yxatlarini rasmiy saytlarida e’lon qilinishini ta’minlasinlar.
11. O‘zbekiston Respublikasi Xalq ta’limi vazirligi (U.I. Inoyatov), Sog‘liqni saqlash vazirligi (A.K. Shadmanov), Moliya vazirligi (B.A. Xo‘jayev):
bir oy muddatda O‘zbekiston Respublikasi Bandlik va mehnat munosabatlari vazirligi bilan birgalikda markazlashtirilgan moliya-buxgalteriya xizmatining Nizomini, ularning namunaviy shtatlar jadvalini va xodimlarning tarif razryadlarini ishlab chiqsinlar va belgilangan tartibda tasdiqlasinlar;
joriy yilning 26-avgustiga qadar muddatda Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari bilan birgalikda xalq ta’limi va sog‘liqni saqlash muassasalarida markazlashgan holda budjet hisobini yuritish va hisobotini tuzishni tashkil etish bo‘yicha zarur chora-tadbirlar ko‘rilishini ta’minlasinlar.
O‘zbekiston Respublikasi Xalq ta’limi va Sog‘liqni saqlash vazirliklarida 3 tadan shtat birligiga, shuningdek, Qoraqalpog‘iston Respublikasi Xalq ta’limi va Sog‘liqni saqlash vazirliklarida, viloyatlar xalq ta’limi, sog‘liqni saqlash boshqarmalarida hamda Toshkent shahar sog‘liqni saqlash, xalq ta’limi bosh boshqarmalarida 2 — 4 ta shtat birliklariga ega bo‘lgan bo‘ysunuvidagi tashkilot va muassasalarda binolar va inshootlardan to‘g‘ri foydalanishni muvofiqlashtirish va monitoringini amalga oshirish bo‘limlarini tashkil etish;
tuman (shahar) xalq ta’limi bo‘limlari hamda tibbiyot birlashmalarida ular bo‘ysunuvidagi tashkilot va muassasalarning bino va inshootlarini tegishlicha ekspluatatsiya qilish, suv, elektr energiyasi, gazdan tejamkorlik bilan foydalanish, ularni hisobga olish asbob-uskunalari holatini monitoring qilish uchun mobil harakatdagi bo‘linmalari bilan birga ixtisoslashgan ta’mirlash-ekspluatatsiya bo‘limlarini tashkil etish;
yangidan tashkil etilayotgan ta’mirlash-ekspluatatsiya bo‘limlariga qo‘shimcha shtatlarni kiritish hamda ularning moddiy-texnika bazasini mustahkamlash (maxsus avtotransportlar, uskunalar, kompyuter texnikasi, jihoz va mebellar xarid qilish) bo‘yicha xarajatlarni moliyalashtirish xalq ta’limi bo‘limlarining tuman (shahar) bo‘limlari hamda tibbiyot birlashmalari va ularning quyi umumta’lim maktablari, maktabgacha va maktabdan tashqari ta’lim muassasalari hamda tibbiyot muassasalarida qisqartirilayotgan buxgalterlar va boshqa xo‘jalik xodimlari (elektriklar, santexniklar), shuningdek, moliya organlarining ishlab chiqarish xodimlari hisobidan amalga oshirilishi yuzasidan qaror qabul qilsin.
13. Budjet tashkilotlariga faoliyat turi bo‘yicha ishlab chiqarilgan tovarlar (ishlar va xizmatlar) realizatsiyasidan tushgan mablag‘lar hisobiga budjetdan tashqari mablag‘lar hisobini yurituvchi buxgalterlar lavozimini joriy etishga ruxsat berilsin.
14. O‘zbekiston Respublikasi Bandlik va mehnat munosabatlari vazirligi (A.A. Xayitov) Xalq ta’limi vazirligi (U.I. Inoyatov), Sog‘liqni saqlash vazirligi (A.K. Shadmanov), Moliya vazirligi (B.A. Xo‘jayev) bilan birgalikda ushbu qarorga muvofiq bo‘shayotgan xodimlarni ishga joylashtirishni ta’minlash choralarini ko‘rsin.
15. O‘zbekiston Respublikasi Moliya vazirligi, Xalq ta’limi vazirligi, Sog‘liqni saqlash vazirligi, Oliy va o‘rta maxsus ta’lim vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risida Vazirlar Mahkamasiga takliflar kiritsin.
16. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi moliya vaziri B.A. Xo‘jayev, O‘zbekiston Respublikasi xalq ta’limi vaziri U.I. Inoyatov, O‘zbekiston Respublikasi sog‘liqni saqlash vaziri A.K. Shadmanov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Prezidentining 2022-yil 14-fevraldagi PQ-128-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 15.02.2022-y., 07/22/128/0131-son)
Oldingi tahrirga qarang.
(2-ilova O‘zbekiston Respublikasi Prezidentining 2022-yil 14-fevraldagi PQ-128-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 15.02.2022-y., 07/22/128/0131-son)
Oldingi tahrirga qarang.
(3-ilova O‘zbekiston Respublikasi Prezidentining 2022-yil 14-fevraldagi PQ-128-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 15.02.2022-y., 07/22/128/0131-son)
Oldingi tahrirga qarang.
(4-ilova O‘zbekiston Respublikasi Prezidentining 2021-yil 27-avgustdagi PF-6300-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 28.08.2021-y., 06/21/6300/0834-son)