Respublikada qayta ishlovchi korxonalar bilan fermer xoʻjaliklarining uzviy bogʻliqligini taʼminlash orqali paxta xomashyosini chuqur qayta ishlashni tashkil etish, qishloq joylarda yengil sanoat tarmogʻini yanada rivojlantirish uchun Navoiy viloyati Qiziltepa tumanida tajriba maydonlarini kengaytirish maqsadida Vazirlar Mahkamasi qaror qiladi:

1. Vazirlar Mahkamasining “Navoiy viloyati Qiziltepa tumanida tajriba tariqasida paxta xomashyosini chuqur qayta ishlashni tashkil etish chora-tadbirlari toʻgʻrisida” 2017-yil 25-martdagi 158-son qarorining 2-bandidagi “2000 gektar” soʻzlari “8700 gektar” soʻzlari bilan almashtirilsin.

2. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — qishloq va suv xoʻjaligi vaziri Z.T. Mirzayev va Navoiy viloyati hokimi K.B. Tursunov zimmasiga yuklansin.